الياريس ولا النو اكسنت برجاء الفاده ساعدوني

**khaledsl** · 12-08-2008 03:57 AM

كنت اريد معرفه ارائكم في القارنه بين الياريس مانيوال كل الكماليات والنيو اكسنت من حيث وسع الصالون وقوه السحب وقوه التكيف وارتفاعها عن الارض واسنهلكم للبنزين وكل حاجه ارجو المساعده ولكم جزيل الشكر

**ZIMOFOX** · 12-08-2008 04:01 AM

مش عارف اجاوبك اقولك ايه بس هل ممكن تقارن بين الورد البلدى و الورد البلاستيك الصناعى
- ياريس بلا جدال

**waleed24ag** · 12-08-2008 01:46 PM

موضوع صعب جدا انك تقارن بين السما و الارض كده انت بتظلم الاكسينت الياريس تكتسح طبعا

**abou_ruqi** · 12-08-2008 02:01 PM

انا مش فاهم الناس اللي بتقارن الكوري بالياباني ؟

يعني ممكن الواحد يحتار بين التويوتا والماتسوبيشي آو بين الكيا الهيونداي ، انما ازاي تقارن التويوتا بالهيونداي وتسآل اشتري انهي ؟؟

تويوتا طبعا

طبعا
طبعا
طبعا
طبعا
طبعا
طبعا
طبعا

**khaledsl** · 12-08-2008 02:02 PM

ستاذ وليد ناس كتير ان ثبات الياريس مش قد كده وكذللك التكيف اقصد مش معني ان الياريس يباني و النيو اكسنت كوري يبقي السما والارض عموما اشكرك لرئيك وكنت اتمني لو تقرائ الناس التي تمتلك النيو اكسنت بيقولوا ايه عموما اشكرك جدا

**Adham** · 12-08-2008 02:05 PM

الياباني ياباني و الكوري كوري

**waleed24ag** · 12-08-2008 02:11 PM

المشاركة الأصلية كتبت بواسطة khaledsl

ستاذ وليد ناس كتير ان ثبات الياريس مش قد كده وكذللك التكيف اقصد مش معني ان الياريس يباني و النيو اكسنت كوري يبقي السما والارض عموما اشكرك لرئيك وكنت اتمني لو تقرائ الناس التي تمتلك النيو اكسنت بيقولوا ايه عموما اشكرك جدا

بص يا باشا اغلب الناس الي بتتكلم علي ثبات العربيه مركبوهاش و لا سقوها علي سرعه 20 كيلو حتي الموضوع ان لما الناس شافت العربيه عاليه قالو موش ثابته مع السرعات لكن شوف ملاك العربيه نفسهم هتلاقي ان الناس عمرها مشتكت من الثبات العربيه بالعكس العربيه ثابته جدا علي الارض و الثبات بيبتدي يقل بعد ال 160 و دا عن تجربه 10000 كيلو مع العربيه و السفر الكتير علي طريق مصر الاسماعيليه التكييف بقه دا لا خلاف عليه انت الضهر مجرد ما تتطلع الهوا السخن من العربيه و تفتح التكييف علي رنج 3 بعد ربع ساعه العربيه بتكون تلاجه متقدرش تستحمل درجه الحراره و تتطر تخلي الفان علي 2 بالليل اتحدي اي حد يقدر يحط الفان بتاعه التكيف علي 2 لان واحد كفايه جدا و كمان بتطر انت تخفف درجه الحراره من كتير السقعه
ياريت نسال الناس الس مجربه العربيه موش احد شافها مره معديه قصاده علي بعد تلات شوارع قالك دي فيها عيوب

**Sharky** · 12-08-2008 02:34 PM

من الأخر ياريس

**ramysultan** · 12-08-2008 03:03 PM

بص ياباشا:
الاكسنت تقفيل كوري نضيف للغايه ومن احسن العربيات الكوري بعد الالنترا اختها الكبيره
السعر 81000 الف كامله مانيوال بدون وسائد هوائيه
الياريس ياباني تقفيل احسن من الكوري واسم شركه تيوتا اكبر بكتيييييييييييييييييييييي ييييييير من هيونداي
السعر 87000 باور كهرباء ومرايات كهرباء وكاسيت تيوتا و تكييف وسائد هوائيه

احتيجاتك في العربيه
1- سعر
2-رفاهيه كماليات و قياده
3-سعر قطع غيار (رفارف اكصدامات......)
4-ثبات في السرعات العاليه
يبفي اكيد النيو اكسنت

احتياجاتك
1- رفاهيه قياده فقط
2-توكيل محترم
3-وسع العربيه والشنطه
4-موتور معمر جدا مهما كان الاستخدام
5-اسم تيوتا
6-استهلاك بنزين
7- متعقد من غبور
8-بتحب انك تقول راكب يباني
يبقي اكيد ياريس

اوجه التشابه
1-سرعه التجميع
2-قوه الفرامل
3-الصاج وعوامل امان
4-الكفاءه في المناوره
5-انتشار واعاده البيع

انا ركبت الاتنين كتير

وربنا يوفقك ف الاختيار