هل من الممكن تغير المانيوال بجير اتوماتيك فى لادا2107

**mando242526** · 17-04-2013 09:29 AM

تعالو نتناقش ونشوف هل ممكن نغي الجير المانيوال ونحط اتوماتيك وماهى العيوب وياريت يكون فى حد مجرب عشان نستفيد منه الموضوع يستحق كفاية الزحام بتاع الشوارع وعاوزين نعرف تاثيره ع الحرارة والموتور وكل شى

**hassanin_lada** · 17-04-2013 10:57 AM

متابع باهتمام

**hassanin_lada** · 17-04-2013 03:00 PM

في واحد اسمه حمدي مخترع مانيول بدون دبرياج

الراجل ده لسا شغال علي فكرته اللي هي تغير الغيار بدون دبرياج بشرط ان الاول والمارشدير ب دبرياج

ولسا شغال علي انه يخلي الاول والمارشدير من غير دبرياج

ده اللينك بتاع الفيديو

‫تحويل السيارات المانيوال بدون دبرياج‬&lrm; - YouTube

**zega332** · 17-04-2013 03:27 PM

على قد معرفتى مفيش حاجه مش ممكن تتعمل بس الفكره انك بتبقى محمل اكتر على الموتور وانت واقف وواخد الغيار يعنى هتبقى سخونيه اكتر من الطبيعى تانى حاجه نظام الفرامل هيحتاج شغل لأن الفرامل روح الاتوماتيك وانا لو هفكر اعمل حاجه زي دى يبقى موتور بالفتيس بتاعه يبقى نفس القواعد ويتركب احسن اصل الصراحه بنركب التكييف ونقول يارب استر كمان هنحمل عليه اتوماتيك
متابع بأهتمام

**hassanin_lada** · 17-04-2013 03:34 PM

المشاركة الأصلية كتبت بواسطة zega332

على قد معرفتى مفيش حاجه مش ممكن تتعمل بس الفكره انك بتبقى محمل اكتر على الموتور وانت واقف وواخد الغيار يعنى هتبقى سخونيه اكتر من الطبيعى تانى حاجه نظام الفرامل هيحتاج شغل لأن الفرامل روح الاتوماتيك وانا لو هفكر اعمل حاجه زي دى يبقى موتور بالفتيس بتاعه يبقى نفس القواعد ويتركب احسن اصل الصراحه بنركب التكييف ونقول يارب استر كمان هنحمل عليه اتوماتيك
متابع بأهتمام

حضرتك شوفت الفيديو كويس !!

مبدأ بقي عشان انا عن نفسي موضوع السخونه ده تعبني من الناس اللي بتشتكي منه

طالما الريداتير سليم والمروحه سليمه وبتشتغل في وقتها

ده غير ان معظمنا شايل ترموستات الكوعه اظن كده مالناش حجه ان العربيه تسخن

الناس اللي بتقول بتسخن طالما المؤشر معداش النص يبقي تمام لو زاد نبقي نيجي ونتكلم

ظبط التكيهات ليها تأثير طبعا يعني ماروحش عند واحد رخيص مابيعرفش يظبط التيكهات

واقول العربيه بتسخن

اصل التيكهات دي عامله زي الحلاق اي حد بيحلق بس مش اي حد بيظبط الحلقه

وطبعا ظبطة البواجي بالفيلر

طبعا احنا بعدنا عن الموضوع بس لو عملت الحاجات دي انسي ان العربيه تسخن خالص

بالنسبه للفكره انا لحد دلوقت مش فاهمها بالظبط بس هو كل مايشيل رجله من علي البنزين الار بي ام بينزل لاقل من واحد يبقي كده مافيش تحميل نهائي علي المتور بل بالعكس ده انا كده بريحه

انا مش بدافع عنه وانا قبل كده في موقع سئلت عن العيوب بس محدش اجبني

بس كفايا انه واحد مصري وبيفكر

ولازم يبقي عندنا امل مش اجي اركب تكيف يقولك حمل علي المتور

اجي اركب بور يقولك مش بيفصل !!

مافيش حاجه دلوقت مش بتتعالج بس لو فكرنه صح

**joseph661** · 17-04-2013 08:11 PM

فيه فتيسات اتوماتيك ومنغير اى تعديل او اى حاجة لانها نازلة من الشركة كدة

ونزلت الاتوماتك فى كندا كذا مودجيل منها ال لادا 2104

وفيه ناس كتير شافوها هنا فى مصر اتوماتك نصيحة حاول تدور على الفتيس الاتوماتك بتاعها الاصلية هيركب عندك بنفس المقاسات وكل حاجة يادوب بس هتغير الكنصولة بتاعت الفتيس وشكرا على كدة