الموضوع: بعت النيسان وجبت برده نيسان اختها لانى ببساطة من عاشقى النيسان

اولا الف مبروك بس 36 الف كيلو وموديل 2008 ما شاء الله لقيتها فين ديه وياريت تقلنا الاسعار عشان نعرف السوق ماشي ازاي وربنا يديك خيرها ويكفيك شرها

ألف مبروك يا فندم و ربنا يباركلك فيها

اولا شكرا على ردود جميع الاعضاء
وبعدين بالنسبة للسعر هوة مش سر يعنى انا جبتها من واحد معرفة كان مسافر برة فختها على ج75000 ودا كان السعر الى هوة طلبه ومفصلتهوش طبعا عشان انا كنت شايف ان دا سعر محترم جدا والعربية جديدة جدا وصيانتها فى التوكيل وصالونها بكيسه ونظيفة من برة بس الاكصدمات مخربشة شوية وفى نقرة صغيرة فى الكبوت حد قعد عليه او حاجة والحمد خدت خبطة صغيرة كدا فى الرفرف الخلفى شمال منى امبارح
وطبعا المفاجئة بقا لما جيت ابيع نزلت بعربيتى السوق وانا كنت اشتريت الاول قبل ما ابيع انا طبعا كانت العربية القديمة برده محترمة جدا وفابريكة بالكامل وفابريقة فلقيت التجار اتلمو عليا وعينك ما تشوف الا النور انا طلبت 78000ج ودا كان قليل جدا على الارقام الى فى السوق كله بقا طالب 82000و83000 وعربيات ايه معفنة المهم عشان مطولش عليكو خدها منى تاجر ب74500 ودا طبعا يخلينا نقول ان لو بعناها لحد هيركب اقل حاجة 78000:79000ج فالعربية فعلا دى محترمة جدا وركوبة ملهاش حل

ربنا يباركلك فيها انا معايا ex2008 أوتوماتيك برضه وهى فعلا عربية محترمة جدا جدا وعاملة معايا 40000كم بس لغاية دلوقتى انت كده حتلعب فى دماغى إنى أبيعها بس المشكلة أجيب ايه بدالها أنا نفسى أركب تيدا بس عشان ألاقى واحدة مواصفاتها محترمة وسعرها معقول أكيد مش حلاقى وبعدين أنا مش عارف تيدا موديل 2009 أو 2010 تعمل كام تقريبا ؟

المشاركة الأصلية كتبت بواسطة khaledshaheen

ربنا يباركلك فيها انا معايا ex2008 أوتوماتيك برضه وهى فعلا عربية محترمة جدا جدا وعاملة معايا 40000كم بس لغاية دلوقتى انت كده حتلعب فى دماغى إنى أبيعها بس المشكلة أجيب ايه بدالها أنا نفسى أركب تيدا بس عشان ألاقى واحدة مواصفاتها محترمة وسعرها معقول أكيد مش حلاقى وبعدين أنا مش عارف تيدا موديل 2009 أو 2010 تعمل كام تقريبا ؟

يا باشا والله خسارة دى عربية محترمة وباين انها معاك من الاول خليها احسن ولو جيت تبيعها قلى لان اخويا عايز واحدة بس تكون ماشية قليل كدا

المشاركة الأصلية كتبت بواسطة ahmed_dinamo

الف مبرووووك يا باشا وفعلاً عربيه تستحق الاحترام وربنا يديك خيرها ويكفيك شرها يا فندم




اتفضل يا باشا دووول انا لسه جايبهم من اسبوعين تقريباً من التوفيقيه

تسلم يا باشا يعنى حضرتك عايز تبيعهم ولا هما تمانهم كدا هناك