بسم الله الرحمن الرحيم
لو سمحتم كنت عاوز اعرف اية الفرق بين المحركات sohc & dohc في التسارع و السحب و استهلاك البنزين و راحة المحرك و ايهم يتحمل السفر الكتير وشكرا جزيلا مقدما
عرض للطباعة
بسم الله الرحمن الرحيم
لو سمحتم كنت عاوز اعرف اية الفرق بين المحركات sohc & dohc في التسارع و السحب و استهلاك البنزين و راحة المحرك و ايهم يتحمل السفر الكتير وشكرا جزيلا مقدما
هو الفرق كبير...
sohc = single over head camshaft
يعني الماتور شغال بكامه واحده وبالتالي عدد صبابات اقل
ال dohc = dual over head camshaft
وده ماتور بكامتين علويتين وعدد صبابات مضاعف تقريبا وممكن اكتر من الضعف
ده الفرق كتركيب ميكانيكي بشكل مبسط
بالنسبه للاداء لو هنقارن ماتورين زي بعض بالظبط كسعه لتريه...
الماتور الكامتين ماتور عصبي مستفز عن الكامه الواحده
تسارعه اعلى وسحبه اعلى ولكنه بيستهلك بنزين اكتر طبعا وبفرق ملحوظ وكونه بيطلع عدد احصنه اكبر فهو مفضل لهواة الجري والسحب واللي طبعا بيضحو باستهلاك البنزين...
ماتور الكامه الواحده قوي لكنه اقل احصنه يميزه انه اقل استهلاكا للبنزبن وفي المقابل صيانته اسهل شويه...
ده الفرق بكلام مبسسسسسسسسسسسط جدا ومش هدخلك في تعقيدات اكتر من ناحية النقنيات المتفرعه من الاتنين او بالاحرى الكامتين...
تحياتي
مقدرش افتي بين الاتنين...
الاتنين من ماركات مختلفه وتقنيات مختلفه
عالاقل اللي شفته بعيني ماتور الاميجراند وده كامتين في في تي vvt وده في حد ذاته فرق رهيب بيزود التجميع والسحب والتسارع واستهلاك البنزين عن الكامتين العاديين....
فالمقارنه متنفعش اصلا...
وانا مستعجب ان اسبرانزا منزله ماتور بكامه واحده لان هنا في الاردن كل مواتير الشير بكامتين من فئة اكتيكو النمساويه ...
تحياتي
على فكرة فيه مواتير كامة واحدة SOHC وبتبقى 16v أو 16-صباب!
- أنا شوفت بالتحديد إسبيرانزا A620 الكبيرة الـ2000cc وموتورها كان مفتوح قدامى..
بسأل الميكانيكى: هى العربية دى sohc؟؟ قاللى آه -- بس 16 صباب! وفعلا لقيتها كامة واحد كبيرة وpushrods صغيرة -أو Lifters بيشغلوا الصبابات؟!!
(مش hydraulic-Tappedts أو تاكيهات زى الـDOHC العادى أو حتى SOHC 8v)!
- الـSetup ده أعتقد ماينفعش يركب عليه VVT؟!!
بالنسبة للمقارنة مع موتور الجيلى-إمجراند بتاع هبور:
العبرة بالـpower-output والـefficiency؟!! مش بعدد الكامات والصبابات!
- يعنى العبرة (رغم تساوى السعة-اللترية) هو أرقام الأداء -ده لو عايز تقارن بين الـ2:
شوف الهورسباور بتطلع عند كام rpm فـ العربيتين
وشوف العزم قد أيه؟؟ وبردو بيطلع فـ أى rpm-range..
وطبعا أرقام إستهلاك الوقود والإنبعاثات بتاع الـCO2؟!!
كده تقدر تحكم انهى موتور أفضل؟!!
Rgds،
منورنا ياريس واكيد مقدرش اتكلم بعد كلامك بس انا حاولت ابسط للسائل الموضوع شوية بعيدا عن التعقيدات...
بالنسبة لماتور الاسبرانزا ال620 عندي في الاردن كامتين بمحرك من شركة AVL النمساوية...
وكلامك صح بالنسبة لمقارنه الماتورين ببعض...
تحياتي
Sent from my LT18i using Forum Runner
مشكورين جميعا علي الرد ودلوقتي المقارنة بين المحركين
الاسبرانزا انفي / محرك 1500سى سى 109 حصان 4 سلندر 16 صباب كامة واحدة
الامجراند / محرك 1500سى سى 107 حصان 4 سلندر 16 صباب 2 كامة
دلوقتي بقي انهي محرك اقوي واحسن في التسارع و السحب و استهلاك البنزين
محرك الامجراند اعتقد انة افضل لانة بتقنية vvt
بس حضرتك متاكد ان سبرانزا 8 صباب فقط لانى مستغرب جدا من دة
زي ما formulator قال كدة بالظبط
احنا هنقارن بال valves مش الكامات وطبعا ال power output وال torque
ده موضوع كنت عامله زمان
http://www.nilemotors.net/Nile/229379-8-16-a.html
هو بيوضح عدد الصمامات مش الكامات اللي هو الأساس اللي بيزودوا عليه عدد الكامات للتحكم في الصبابات