رابطة كارهي الصيني

**momoneer** · 12-08-2008 03:54 PM

لو فيه حد من كارهى الصينى ذاكرته كويسه كان هيفتكر ان احنا هاجمنا الكورى بالشكل ده أول ما ظهرت هوينداى وانتشرت ومع ذلك اصبحت هوينداى امر واقع وكتير منا بيحلم يبقى معاه عربييه النترا أو ماتركس
وهاجمنا اللانسر اللى هى يابانى لما انتشرت الكريستاله وقولنا دى ورق ومش هتلاقيها كمان كام سنه هو فيه زى العربيات القديمه
ودلوقتى بنهاجم الاسبرنزا مع انها انتشرت واللى راكبنها بيشكرو ا فيها يبقى انتوا عاوزين ايه ؟؟ مش فاهم !!! واحد قاعد فى بيته ومبسوط تقوم مادد راسك جوه الشباك بتاعه وتقوله بيتك معفن !!! الرحمه يا رب

على فكره انا معايا كرولا وبيحو ومش بدافع عن الصينى علشان معايا

**Ahmed Selim** · 12-08-2008 04:00 PM

كل حاجة فى الصين بتتعمل حسب الطلب
يعنى أنت عاوز قميص ؟؟؟؟ تعالى روح مصنع قمصان هتلاقى قمصان ب 1 دولار الى قمصان ب 20 دولار و طبعاً الفرق فى الخامة والتقفيل......الكلام ده عن تجربة فعلية مش مجرد سمع.

المشكلة أن المستورد المصرى بيبقى عاوز يجيب أقل سعر ولذلك بتلاقى البضاعة الصينى اللى بتجيلنا ( عربيات أو غيرها ) عبارة عن مهازل......الا فى بعض الحالات زى مثلاً على سبيل المثال وليس الحصر هل البريليانس جالينا زى المابل ؟؟؟

مع كامل أحترامى لجميع مالكى العربيات الصينى

**Noha.M** · 12-08-2008 04:05 PM

المشاركة الأصلية كتبت بواسطة Ahmed A.Maksoud

كل حاجة فى الصين بتتعمل حسب الطلب
يعنى أنت عاوز قميص ؟؟؟؟ تعالى روح مصنع قمصان هتلاقى قمصان ب 1 دولار الى قمصان ب 20 دولار و طبعاً الفرق فى الخامة والتقفيل......الكلام ده عن تجربة فعلية مش مجرد سمع.

المشكلة أن المستورد المصرى بيبقى عاوز يجيب أقل سعر ولذلك بتلاقى البضاعة الصينى اللى بتجيلنا ( عربيات أو غيرها ) عبارة عن مهازل......الا فى بعض الحالات زى مثلاً على سبيل المثال وليس الحصر هل البريليانس جالينا زى المابل ؟؟؟

مع كامل أحترامى لجميع مالكى العربيات الصينى

+1000000000000000

كلامك مية مية و مظبوط جدا

المشكلة مش فى الصناعة الصينية نفسها المشكلة فى الفرز التانى و التالت اللى التجار بيروحو يجيبوها عشان يحققوا اكبر مكاسب و قيس على كدة كل ما هو صيني و للاسف دة سبب سمعته السيئة هنا فى مصر و للاسف الناس بتطبق نفس الكلام على العربيات و دة اللى مقلل ثقة الناس فى الصيني

**Ahmed Samy** · 12-08-2008 06:25 PM

أنا قريت الـــ 14 مشاركة من باب الفضول

انما الفكرة بصراحة Thumbs down

**Noha.M** · 12-08-2008 06:41 PM

بصراحة اة الفكرة معلش وحشة مع احترامى لصاحب الموضوع

**mohamed2002** · 12-08-2008 10:44 PM

في ناس كتير مش بتفضل السيارات الصيني ,وانا واحد منهم لكن بص النهاردة بقو قد اية في الشارع ,الانتشار دة يعتبر نجاح ,يا راجل دة الصيني بقي تاكسي:),علي العموم الايام هي الفيصل عشان نقدر نحكم صح علي الصيني ,لكن بلاش موضوع رابطة كارهي الصيني دي :)