النهاردة بببص على الزيت بتاع الموتور لقيته ناقص

انا حاطط زيت موبيييل 10000 ..... وانا عامل بيه حوالي 2600 (في قلب المدينة و مسافات بسيطة على طرق سريعة "محور دائري ") والزيت خلاص شويه لو استمر على الحال ده حيجيب اخر المقياس

انا كنت سالت اتنين ميكاينيكية مبيشتغلوش غير في الفولكس و الاسكودا وقالولي نفس الكلام بالمللي

"اولا زيت موبيل بيتبخر بسرعة جدا و ومبيستحملش الحر .....ثانيا الموتور ال 1.6 sr بياكل زيت ولو كانت حالته ايه وهو موتور حامي وزيت موبيل مبيتحملهوش فبيتبخر بسرعة ازيد من السرعة بتاعته ثالثا الاتنين نصحوني احط زيت شل الاصفر 5000 كيلو "

اللي طمني شوية اني لقيت مشاركة لعضو كان معاه بورا وكان قايل برده انها بتاكل زيت مع ان حالة الموتور تعتبر ز ما كان خارج من المصنع
[shr71=http://i.imgur.com/MzEGx3u.png]null[/shr71]

المشكلة اني حاسس ان الزيت بينقص بمعدل سريع شوية زي ما هو موضح في الصورة
[shr71=http://i.imgur.com/LUyBMvd.png]null[/shr71]

الملاحظ مفيش دخان ابيض من الشكمان او دخان ازرق


هل فعلا زيت موبيل وحش للدرجة ؟؟؟ وهل هو بيتبخر بالطريق دي؟؟؟ وهل الموتور ال sr بياكل زيت بالطريقة دي؟؟؟ و ايه هي مواصفات زيت شل الاصفر "معدني ولا تخليقي ولا مخلط "؟؟