-
فعلا الموضوع بقى بايخ اوى ,,,, انا اساسا نفسى اغير اتصالات
-
كان بيحصل معايا في فودافون وبكل هدوء كلمتهم وقلتلهم مش عايز اي رساله تجيلي الا من 010 و 011 و 012 وتنبيهات تخص خطي بس. مش عايز أي نوع من العروض والمسابقات وقد كان ومبقاش يجيلي أي نوع من الرسايل دي لحد قريب بقيت ألاقي كل ما يجيلي تليفون وماردش يجيلي رساله لو عايز تعرف مين اتصل بيك ابعت رساله لرقم كذا بعشر قروش. طب وايه فايدتها والتليفون كان مفتوح والتليفون سجل الميسد خلاص؟ اتصلت بكل هدوء وقلتلهم عايز أسجل شكوى وأخد رقمها طب خير يافندم؟ قلتله حصل كذا كذا. طب لحظه معايا. أنا لغيتلك الخمه دي ومش هيجيلك الرساله دي تاني. تحب تسجل شكوى ولا خلاص؟ أيوه سجل شكوى اني مش بحب يتعرض عليا حاجه أنا مطلبتهاش وفعلا سجل الشكوى وتاني يوم اتصلت بيا واحده اعتذرت 100 مره وفعلا الكلام ده كان من 10 أيام ومفيش ولا رساله جت من ساعتها.
مش بقول ان فودافون أحسن ولا أوحش بس نظام الدعايه التليفونيه عندنا في مصر شغال غلط وبدون ظابط ولا رابط ومفيش حاجه اسمها خصوصيه يعني سهل تلاقي نمرتك مع شركه عقارات تتصل بيك وهما عارفين انك من المنطقه الفلانيه ويعرض عليك تايم شير ولا شقه بالتقسيط ولا ولا. المفروض الدعايه تبقى بموافقه العميل يعني لو أنا مهتم بالعقارات مثلا أوافق على اني يجيلي عروض خاصه بالعقارات الخ الخ
Content Relevant URLs by
vBSEO 3.6.0 PL2