اقتباس المشاركة الأصلية كتبت بواسطة m i d o مشاهدة المشاركة
حضرتك مشكور علي الرد و المرور و اتمني كلام حضرتك يكون صحيح عشان انا بجد عاوز اشتري العربية دي وبالنسبة للمحرك ففي موقع الشركة اكتيكو مكتوب العزم علي 3000 ار بي ام ولاكن في المواقع المصرية و المنتدي هنا كاتبين العزم علي 4500 ار بي ام الله اعلم مين الصح ومشكور علي الرد مرة اخري
في مصر هتلاقي العزم فعلا على 4500 أر بي إم لأن بره مصر العربيه دي المفروض تشتغل ببنزين 95 لأن معامل إنضغاط المحرك أكتر من 10.5 لكن في مصر بيمشوها ببنزين 92 ف ده بيسبب تأخير عملية التسارع شويه نظرا لتظبيط الموتور على أنه يشتغل ببنزين 92 وليس 95 ... أعتقد أن ده الفرق .. والله أعلم .. بس عموما موضوع التسارع ده في مصر مش مهم إطلاقا في مقابل أن الأهم هو أنك تركب عربيه موفره للبنزين .. لما تطلع على طريق سريع أو الدائري مثلا ... إفتح زي ماأنت عايز .. ولو حبيت تسارع أحسن ممكن تبقى تحرق ع الغيارات شويه وخلاص ... مش مهم ف العربيه التسارع بتاعها وبس .. الثبات مهم ودي ميزه ف الإسبرانزا عن كثير من منافسينها .. والراحه في الصالون والقاعده .. بالذات مع السواقه ف القاهره لإنها مرهقه جدا فوسع الصالون وراحة الجلوس مهمه .. جودة التكييف .. توافر قطع الغيار وسهولة الصيانه .. إعادة البيع .. الأوبشن المتوفره .. الشكل .. والأداء الجيد .. وليس الممتاز .. دي وجهة نظري في أي عربيه بفكر أشتريها بدور على توافر العناصر دي .. تقبل تحياتي .