بسم الله الرحمن الرحيم
عاوزين نقارن بين محرك الانفي و الامجراند من حيث كل حاجة
اولا
اسبرانزا انفي / محرك 1500سى سى 109 حصان 4 سلندر 16 صباب كامة واحدة
ثانيا
جيلي امجراند / محرك 1500سى سى 107 حصان 4 سلندر 16 صباب 2 كامة
عرض للطباعة
بسم الله الرحمن الرحيم
عاوزين نقارن بين محرك الانفي و الامجراند من حيث كل حاجة
اولا
اسبرانزا انفي / محرك 1500سى سى 109 حصان 4 سلندر 16 صباب كامة واحدة
ثانيا
جيلي امجراند / محرك 1500سى سى 107 حصان 4 سلندر 16 صباب 2 كامة
الشيء للي اعرفه بعيدا عن القوه والهورس باور
وكامه واحد ولا اثنين كامه
ان موتور الجيلي من تويوتا
ميزه كبيره جدا
هاتريحك بعد كده في حاجات كتير
الشيء الثاني اللي عايزك ياميدو تتاكد منه
هل بوابه الانجيكشن بتاعت الجيلي
بوابه كهرباء ولا واير
للاهميه
انا احاول اعرف بس هوة يفرق في اية و بتاعة الانفي ياتري كهرباء ولا واير وعلي فكرة انا قريت ان في ناس كتير بتشتكي من الامجراند في مطالع الكباري و المرتفعات ان العربية سرعتها بتنزل وزي ميكون المحرك بيكافح عشان يرفع العربية للمطلع ولازم تقرص علية في المطالع ولو مشغل التكييف بيبقي عاوز حد ينزل يزوق العربية دة طبعا وصف صاحب العربية ودة بيدل ان المحرك ضعيف اوي علي جسم العربية
مش بعيد يكون فعلا ضعيف علي البودي
لان زي ماتفرجت علي العربيه تقيله
1500 وكامه منفرده اظن قليل علي وزن العربيه
محركات الاسبرانزا عموما ما بيبانش كرامنها الا بعد الغيار الثالث
سؤالي عن البوابه الكهرباء
لان ليها بعض المشاكل
وكمان مش بتكون بتاعت حرق
يعني ليها معدل في الضغط علي دوسه البنزين
بالبلدي مايفعش تكبس بنزين فجاءه
على فكرة ماتور إمجراند هو هو ماتور تويوتا ترسل أخوه
تسلم ياباشا على المقارنه
وياريت لو حضرتك تقدر تجيب لنا مقارنه وافيه يبقى كتر خيرك
تحياتى لحضرتك
بعد البحث عن ماتور الانفي
هو سنجل كام و16 صباب بدون في في تي لكنه على الكلام هنا معمول بتكنولوجي توفر في البنزين وانه بيطلع عزمه على 3000 دوره
وعلى كلامهم انه معمول بطريقه تطلع باور عالي ولكن ميجيبش سرعات عاليه
ACTECO SQR477F Engine Brief Introduction | Illustration of Chinese Car
تحياتي
انا دخلت علي اللينك و الكلام الي فية غير الي مكتوب في بروشور العربية من ابو الفتوح خالص هوة بيقول 1500 cc with dvvt و 109 هورس باور علي 4500 ار بي ام و العزم 140 نيوتن وكدة حاجة من 2 يا ابو الفتوح بيسرح بينا يا اما اللينك دة لمحرك غير الي نزلنا مصر بس لو الكلام الي في اللينك صحيح يبقي المحرك دة هيحقق انطلاقة عالية بس علي السرعات الضعيفة لاكن لو حبيت تجري بالعربية مش هتحس بالعزم وهتسحب براحة لانها بتوصل لاعلي عزم علي 3000 ار بي ام فقط
مهو انا دورت على ماتورها الفعلي
هي العربيه بره اسمها chery E5
والماتور الموجود هو ده
لازلت اول مره اسمع عن ماتور SOHC وفي DVVT!!!
منين هو كامه واحده وفيه DUAL VVT!!
الكلام متناقض اصلا
وفعلا هو ماتورها المذكور في اللينك 1500 سي سي كامه واحده 16 صباب اكتيكو بدون اي في في تي التورك بتاعه عالي على حساب التوب سبيد
تحياتي
استاذ/ ميدو ----لما الموتور يديلك اقصى عزم على 3000 دورة فى الدقيقة فدة يعتبر شىء جميل --لانك هتلاقى العزم داخل البلد على الكبارى ووانت بتحاول تجرى وتشد داخل البلد ومشغل التكييف ومعاك ناس راكبة---فبيكون من اللطيف جدا ان المحرك يديلك عزمة الاقصى على سرعات منخفضة-----اما الطرق السريعة فطالما حضرتك تخطيت 3000 دورة فى الدقيقة فاى ضغطة بنزين ستؤدى للتسارع===وشكرا يا افندم على سعة الصدر
لموتور الكامة الواحدة زى موتور الدايو الانوس والميتسويشى الانسر ال1600 سى سى اللى بتنزل مصر وهى دى تكنولوجيا (سوش) جة بعدها الدوش وبعد كدة ال فى فى تى -----لكن الشركات بتلجا للنوعية الموتور دة علشان توفير البنزين بس-----لكن مثلا مفيش حد اشتكى من موتور الانسر 1300 او 1600
حضرتك مشكور علي الرد و المرور و اتمني كلام حضرتك يكون صحيح عشان انا بجد عاوز اشتري العربية دي وبالنسبة للمحرك ففي موقع الشركة اكتيكو مكتوب العزم علي 3000 ار بي ام ولاكن في المواقع المصرية و المنتدي هنا كاتبين العزم علي 4500 ار بي ام الله اعلم مين الصح ومشكور علي الرد مرة اخري
في مصر هتلاقي العزم فعلا على 4500 أر بي إم لأن بره مصر العربيه دي المفروض تشتغل ببنزين 95 لأن معامل إنضغاط المحرك أكتر من 10.5 لكن في مصر بيمشوها ببنزين 92 ف ده بيسبب تأخير عملية التسارع شويه نظرا لتظبيط الموتور على أنه يشتغل ببنزين 92 وليس 95 ... أعتقد أن ده الفرق .. والله أعلم .. بس عموما موضوع التسارع ده في مصر مش مهم إطلاقا في مقابل أن الأهم هو أنك تركب عربيه موفره للبنزين .. لما تطلع على طريق سريع أو الدائري مثلا ... إفتح زي ماأنت عايز .. ولو حبيت تسارع أحسن ممكن تبقى تحرق ع الغيارات شويه وخلاص ... مش مهم ف العربيه التسارع بتاعها وبس .. الثبات مهم ودي ميزه ف الإسبرانزا عن كثير من منافسينها .. والراحه في الصالون والقاعده .. بالذات مع السواقه ف القاهره لإنها مرهقه جدا فوسع الصالون وراحة الجلوس مهمه .. جودة التكييف .. توافر قطع الغيار وسهولة الصيانه .. إعادة البيع .. الأوبشن المتوفره .. الشكل .. والأداء الجيد .. وليس الممتاز .. دي وجهة نظري في أي عربيه بفكر أشتريها بدور على توافر العناصر دي .. تقبل تحياتي .
والله يا جماعة مش عارف اقول ايه بجد انتم ناس زي الفل بتخلوا واحد زي مايعرفش اي حاجة في السواقة وبيدور على عربية يكون خبرة ولا احسن باشمهندس بجد انا اعتز اني مشترك في الموقع ده وياريت ماتبخلوش علينا بالجديد دايما مع رجائي الهتمام بالبحث عن تفاصيل الجيلي اميجراند اصلها داخلة دماغي قووووووي رغم انها مانوال وكنت ناوي على ال byd-autoلكن اول ما شفت الجيلي بصراحة تبهر ...ياترى علشان اخوكم غشيم عربيات والا هيا فعلا تستاهل 1000000شكر لكم جميعا بلا استثناء
السلام عليكم انا رحت التوكيل وسالت على العربيه الانفى وعرفت انها اتنين كامه مش كامه واحد وقالولى انها غلطه فى الطباعه حبيت اعرفكم
من غير ما نقول غلط و صح و نزعل بعض ..... شيري السايت الدولي بيقول ان ال 1500 نازل dohc
ده معناه انها دوال ..... مش سينجل....
هممممم
بصراحة في هيس ....
حبة كاتبين كدة و حبة كدة .....
بس الكود في الموقع الدولي مواصافاته و صورة كامة واحدة ......
ممكن حد يصورلنا ام المتور ده من عربية في مصر واحنا نعرف ....بس يا ريت من غير الفبرة ....
يعني يصور الجزء اللي فيه البوجيهات
ايوة معاك .... هما بس في شيري في كتالوج العربية قايلين انها دوتش بس في بقيت المواقع عن العربية حتي برضه عتدهم قايلين انها سوتش
المتور ال 1500 عامة فيه منه كده و كده بس الكود بتاع المتور اللي علي شيري مكتوب في شيري انه سوتش ....
عامة لو في صورة من وحي الواقع للمتور من عربية في مصر .... هنقدر نقطع الشك بالسكين
حسب الموقع للشركة المصنعة للموتور العربية sohc بس 16 فالف... زيه زي الdohc يمكن عشان كده ده اللي عامل اللخبطة...
بالمختصر ال sohc هتعمل عزم أعلي علي السرعات البطيئة.. ال dohc هتعمل عزم أقل علي السرعات البطيئة بس السرعة القصوي بتاعتها هتبقي أعلي