بسم الله الرحمن الرحيم
بصفتى مهندس ميكانيكا ( وليس كهرباء ) وبخبرتى المتواضعه احب احسبها مع حضرتك
1- تكييف 1.5 حصان = 1.5 * 746 =1120 وات ونسيبنا من موضوع الكفائه لاننا فى الاخر هنضرب فى معامل عام للكفائه هنشوفه فى الاخر .
2- الاضاءة كلها ( 2*80+ 4*9 ) = 200 وات .
3_ اجهزة اخرى : 235 + 90 + 200 + 100 = 627 ( طبعا انا مزود بالبركه كدة وبزيادة مروحتين فى 100 وات
و 100 تليفزيون ولسه لما هنضرب فى معامل الزيادة علشان القدرات دى بدون كفائات )
يعنى استهلاكك كله فى حدود 2000 وات
ولو ضربنا فى معامل الكفائات و بزيادة شويه 1.5 يبقى كل استهلاك حضرتك على حساب الاحمال دى 3000 وات .
يعنى المولد دة هيقضى ويفيض ( ابقى افتح التليفزيون والكمبيوتر وكل حاجه بدون خوف ) لكن بردة ياريت استابلايزر . وطبعا خلى اخصائى هو اللى يركبه ويعمل الوصلات . ومعلومه على الماشى ( هو اكيد اللى هيركب هيعرفها بس انت تتاكد ) لازم تتاكد ان الكهرباء ( النور ) لما هتيجى مش هتدخل هى كمان على الوصلات ويبقى الاتنين مع بعض لان دة ممكن يؤدى لانفجار المولد بتاع حضرتك او حريق الوصلات لان بيبقى فى ( phase change ) اللى هو اختلاف فى زاويه الطور . ولازم تتاكد من الجهد الكهربى يكون فى الحدود المطلوبه 220 V .
ولو حضرتك ممكن تفكر تانى من الاصل انك تجيب مولد مثلا 4 كيلو او 5 كيلوا وتوفر فلوس . طبعا حضرتك لك كامل الحريه ودى عبارة عن استشارة حلمنتيشيه على الماشى والسريع بدون حسابات جديه . لكنها تعطيك فكرة واسلوب للحكم والاختيار .