الموضوع: زيارة لوحدة مرور القاهرة الجديدة.

كنت اليوم في زيارة لوحدة مرور القاهرة الجديدة مع احد أفراد العائلة لاستخراج رخصة قيادة له. فوجئت في اول الامر بوجود مكان لركن سيارتي بعيداً عن سيارات المتقدمين لاستخراج الرخص، حيث سمعت عن وفاة احد "المتفرجين" من جراء صدمة من سيارات احد الممتحنين!!.

فوجئت بعد ذلك بموظف الاستعلامات الذي ساعد كل من وجه له السؤال بصدر رحب وابتسامة عريضة بالرغم من تكاثر المستعلمين علية... حاجة تفرح والله في مدينة نصر كان عاوز يدى الناس "بالجزمة".

لفت نظري وجود اماكن تراعي ادامية البشر حيث النظافة وتوفر دورات المياة "النظيفة" والخضرة والورود في كل مكان وذلك بالاضافة "للكافيتيرية" الموجودة بالاستراحة.

الاجرائات:
شراء نموزج استخراج رخصة قيادة وملئ البيانات وتسليمها لم بتعدي 10 دقائق.

ملحوظة: شراء استمارة الامتحان الشفوي اجباري.... طيب اية الغريب في كدة يا عم نادر؟؟ .... الغريب ان مفيش امتحان شفوي " أو اشارات وكمبيوتر" من اصلة!!! تخيلوا؟؟؟!، ولكن بعد السؤال والتمحيص اكتشفت انهم لسة مبنوش المبني الخاص بالامتحان الشفوي!! ولسة تحت الانشاء "للاسف نسيت اصورة".

توجنا إلي ساحة اختبار القيادة وحطيت عربيتي الحلفت ان محدش هيمتحن بيها زي "الطوبة" علشان احجز بها مكان في الطابور....... طيب لية حطيتها مدام محدش هيمتحن بيها؟؟؟! لسبب وجية وهو اني وجدت مكان قبل ساحة الامتحان مخصص للتدريب على الامتحان وهو طبعاً تابع للمرور ومخطط من قبلهم....... والله حركة حلوة جداً.

نيجي بقى للامتحان، الامتحان سهل جداً جداً جداً وكمان جداً :) عبارة عن نص دائرة قطرها وااااااااااااااسع جداً وفيها في النص حتة مطب كدة عامل زي "الفسفوسة"، المهم انك هتدخل بوشك بدون الرجوع بالظهر مرة اخرى ......وانا بقول الحوادث كترت لية؟؟! :)

وانا واقف اتفرج مستني الفرج وهلول سعادة البية الباشا الكبير "اللابس ملابس 3 نجوم" والحاشية الخاصة بة وفي ناس واقفة في الطابور الذي امتد 2.5 3 كيلو "كنت شلت انا الطوبة بتاعتي حفاظاً على كرامتها" من العربيات "اللبش" الحواليها في الطابور وإذا بعربية تمبرا مفيمة جاية من اخر الدنيا وعاوزة تدخل، العسكري قال "للبرنسيسة" الجوة "لاممكن ابداً" بالدور يا هانم.....اهبل دة ولا اية؟؟! قامت الهانم متكلمة في "المتشال بتعها" و"ام اية" جة واحد عسكري ومعاة الملف بتاعها ومكتوب فية تدخل اول واحدة دي تبع الباشا "معرفش اسمة اية" . الناس اتخانقت مع العسكري ازاي هي تخش الاول واحنا بقالنا 100 ساعة مستنيين، المهم كانت العربية التبعي دخلت تاني سيلرة ضمن اول 3 سيارات ودخلت التمبرا الرابعة في انتظار البية الكبير.... اقصد الباشا الكبير.....طيب مين هو....مش هقول لكم ........................ للاسف لسة في "كوسة وواسطة" حتى في اخر الدنيا "بلد بتاعت وسطات صحيح!!".

المهم بعد النجاح في لعبة.... اقصد اختبار القيادة رجعنا مرة اخرى من اجل التصوير وكان لابد من دفع حتة بخمسة للعسكور علشان يديني الورق علشان الحق التصوير قبل الزحمة، المهم المكان هناك مزود بمراوح وتلفزيونات وتند وكراسي "مش مساطب" وتند لتلطيف الجو وقتل الملل، المهم انا في اثناء التصوير انتهزت الفرصة لالتقاط بعض الصور بس وانا اسف جداً لوضاعة جودة الصور علشان انا كنت مصور "بالمتشال بتاعي" ومكنتش اعتقد اني ممكن الاقي أي حاجة تفتح النفس هناك.

على فكرة العاوز يطلع رخصة يلحق نفسة في الاسبوعين دول "في الهيصة يعني".

مفيش هناك ترخيص سيارات.