الموضوع: إحـنـــا فــــيــــن !!!!!!

انا شوفت خناقات كتير جدا وكان بعضها بيوصل للموت
بس كان اقواهم واللى لغايه دلوقتى بتقلب عليا معدتى اللى هقولكو عليها
الكلام ده تقريبا من 7 سنين
ماشى بالعربيه في شارع بور سعيد وقت العصر وكان الشارع فاضى نسبيا فسمعت صوت عجل عربيه بيحك في الارض بصيت في المرايه لقيت عربيتين بيجروا ورا بعض فقلقت ووسعتلهم السكه عشان يبعدوا عنى المهم يدوب هما عدوا من وجت العربيه اللى كانت ورا وكانت مرسيدس تمساحه سبقت الاول وقفلت عليها الطريق بالعرض ونزل منها اتنين (تيران) وهجموا على اللىسايق العربيه الاولى ونزلو فيه ضرب وشلاليت لغايه اما خلوه مش نافع وقاموا زنقينه في الحيطه وهاتك يا ضرب وبسرعه جرى واحد منهم على العربيه انا توقعت انه هيجيب مسدس ولا سكينه وقتها خفت وانتبهت وكنت همشي وياريتنى كنت مشيت لانه ركب العربيه وهيه كانت وقفه بعرض الشارع وزميله مثبت صاحبنا على الحيطه وقام راجع ورا ومره واحده قام عامل امريكانى وقام داخل في الراجل المضروب وسواه بالحيطه في نفس الوقت اللى زميله سابه زى ميكون كانوا متفقين على كده او مدربين على كده وكل ده وبصراحه كل الناس مذهوله من اللى بيحصل لان كل ده حصل بسرعه جدا
وبعدين حصل من غير كلمه شتيمه او سب واحده اللهم الا كانوا يقولوا امسكه /هاته/ثبته/ يلا بينا
وبعد كده ركب الراجل اللى كان برة العربيه وعدلوا العربيه ومشوا في سلام وبكل هدوء وكأن ده واجب كانوا يؤدوه
يا ترى ايه ردكم في قلبه معدتى بسبب الحادثه دى مش عندى حق برضه
الاكبر بئه من كده ان كان فيه ونش واقف بعد حوالى 100 متر وكان فيه ظابط وطبعا انتم عارفين الرد هيكون ايه ( مش اختصاصنا)
انتم بئه رايكم ايه مش برضه ربنا يتولانا برحمته