استغاثة بخصوص الريجاتا

**gadon** · 20-04-2013 10:15 AM

[overline]السيارة ريجاتا عاده 1984 موتور 1600

مطلوب ارقام سيور الريجاتا ( دينامو - طرمبة مياه - تكييف ) واى سير فى العربية

لانى دورت على طقم السيور جاهز فى اسوان و لم اجد و اى حد بسأله بيقول هات رقم السيور[/overline]

**lamada** · 20-04-2013 01:29 PM

اللى اعرفه ان الريجاتا 1500 مش 1600

**gadon** · 20-04-2013 04:17 PM

اولا اشكرك اخى الكريم على الرد

ولكن الريجاتا لها 4 سعات
الاولى 1300
الثانية 1500
الثالثة 1600
والرابعة 1900 ودى جاز بس ما اعتقدش فيها منها فى مصر

دا حسب موقع اتومبيل و فيها كل مواصافات السيارة بس للاسف ما فيهوش ارقام السيور

**gadon** · 23-04-2013 02:35 AM

معقولة ما فيش اى حد غير سيور قبل كده

**nicegypt** · 23-04-2013 07:20 AM

اللى معايا 1500 اس 85 المفروض انة نفس المقاس لكن
صور لي سير الكاتينة وتكون الصورة وضحة جدا وباين فيها الارقام ولو كدة هنزل اشتريهولك من تحت وابعتهولك اسوان عن طريق شركة شحن صور الاول وربك يسهلها .

**gadon** · 23-04-2013 10:28 PM

استاذنا الكبير / nicegypt

اولا ردك لوحده شرف كبير حتى لو مالقيتش السيور
ثانيا حضرتك المشكلة ليست فى سير الكاتينة انما فى طقم سيور الدينامو و التكييف و طرمبة الميه لانى لما حبيت اشغل التكييف المهندس بتاع التكييف قال لى ان الميكانيكى حاطط سير واحد طويل بيلف على الدينامو و طرمبة المية و لاغى التكييف و لازم العربية ترجع لاصلها كل حاجة بسير منفصل
البيه الميكانيكى قال معرفش ارقام السيور و بتباع طقم على بعضه خاص بالريجاتا
ودا اللى للاسف مش موجود فى اسوان
وكل المحلات بيقولوا عندنا جميع المقاسات بس هاتلنا الارقام اللى انت عايزها و اللى انا ولا الميكانيكى منعرفهاش
بس فالمطلوب ارقام السيور و شكرا مقدما

**kaza** · 23-04-2013 10:41 PM

سيدي الفاضل قيس الداير بتاع السير (المسافات بين طنابير الكرنك وطلمبة المياة والدينمو لوحدهم والكرنك والتكييف لوحدهم والتكييف والباور مع بعض )بواسطة حبل او دوبارة وفي الغالب عرض السير بيبقي 9,5 او 10 للريجاتا وشوف السيور عند اي حد بيبيع سيور بنفس طول الحبل
عموما ياريت توضيح اكتر لنوع المحرك هل 1600 اتنين كامة ولا 1600 زي موتور ال131 السي الل المايل ولا 1600 زي التمبرا
عموما الريجاتا نزلت بمجموعة مواتير من اول 1100 و1250 و1300 و1500 و1600 بفئاتة 1و2 كامة و2000 للبنزين و1900 للديزل

**gadon** · 23-04-2013 11:20 PM

الاستاذ الكبير / kaza

فتح الله عليك بفكرة الحبل او الدوبارة ولو ان مكانها مزنوق شوية مش عارف اذا كنت هاعرف اعملهم ولا لا

و بالنسبة للموتور هو 1600 كامة واحده و لقيت صورة نفس شكل الموتور على النت