رايح عمل صيانة اول الف ممكن مساعده ؟

**motor82** · 20-04-2013 11:35 AM

يا جماعة انا قرات كل المواضيع اللي بتتكلم عن الزيوت في المنتدى، وعلى قد ما هيمفيده على قد مانا احترت..
دلوقتي يعني لو انا فاهم صح، مفيش حاجه اسمها زيت 5000 او 10.000 ؟؟ لكن بنوع الزيت تخليقي ولا معدني ودرجة لزوجته وكل الشرح ده ؟
طيب انا دلوقتي رايح كمان ساعتين اعمل صيانة الالف ولما اتصلت بمركز الصيانه في الدراسه عشان احجز الميعاد سالوني هتغير زيت ال 10000 ولا ال 5000 ؟ وانا قلتلهم لما اجي ابقى احدد. لاني مكنتش عارف هحدد على اساس ايه ؟
والله يا جماعه انا مش عارف اعمل ايه . انا عربيتي تيدا ٢٠١٣ عملت اول الف بس عملتوهم في ٤ شهور لان كل مشاويري قصيره. ممكن الله يكرمكم تشورو عليا اعمل ايه ، الصيانه كمان ساعتين.

**Ramy Rateb** · 20-04-2013 12:06 PM

فى المواتير الجديدة يفضل انك تستخدم زيت تخليقى و ذلك لان بيبقى أحسن من ناحية الخواص و الاضافات و ممكن تخليه لفترات طويلة (بس سعره بيبقى غالى) .. اما الزيت المعنى بيكون أرخص (نص تمن التخليقى) و ممكن تخليه من ٣٠٠٠ الى ٥٠٠٠ كم .. مع الملاحظة ان ده كلام مش ثابت يعنى لازم تتابع حالة الزيت و تشوف لو فيه مشكلة يبقى تغييره بدرى عن ميعاده.
حضرتك واضح انك ما بتخرجش بها كتير فاستهلاكك قليل .. لو مش همك الفلوس يبقى التخليقى احسن و لو حتى غيرته كل سنة مرة (و أكيد بمعدل حضرتك انك صعب تعمل فوق ١٠٠٠٠ كم فى السنة)

**zambarota** · 20-04-2013 12:08 PM

زيت تخليقى ١٠ الاف

وطبعا التفاضل بين انواع الزيوت دا ليه مواضيع كتيره

مابين موبيل وشل وتوتال وليكو مولى وكاسترول

**motor82** · 20-04-2013 12:17 PM

ماشي. احط زيت تخليقي 10.000 و بعد ست شهور اكون عملتي فيهم بتاع 1500 كيلو ولا حتى 2000 كيلو بالمعدل اللي انا بمشي بيه ده هضطر بعد كده ارجع اغيره ؟ عشان عدى عليه ست شهور ؟؟

**Ramy Rateb** · 20-04-2013 12:24 PM

المشاركة الأصلية كتبت بواسطة motor82

ماشي. احط زيت تخليقي 10.000 و بعد ست شهور اكون عملتي فيهم بتاع 1500 كيلو ولا حتى 2000 كيلو بالمعدل اللي انا بمشي بيه ده هضطر بعد كده ارجع اغيره ؟ عشان عدى عليه ست شهور ؟؟

لا يا باشا هتقعد به سنة كاملة و ممكن اكتر ( بس تابع حالته باستمرار و الأغلب انه هيقعد سنة و يكون زى الفل)

**Land_Cruiser** · 20-04-2013 12:25 PM

المشاركة الأصلية كتبت بواسطة motor82

ماشي. احط زيت تخليقي 10.000 و بعد ست شهور اكون عملتي فيهم بتاع 1500 كيلو ولا حتى 2000 كيلو بالمعدل اللي انا بمشي بيه ده هضطر بعد كده ارجع اغيره ؟ عشان عدى عليه ست شهور ؟؟

لو استهلاك حضرتك للعربيه قليل قوي كده يبقي وفر فلوسك و حط زيت ٥٠٠٠ كم لان اي زيت خواصه بتتغير مع الوقت فهتضطر تنزله و تحط مكانه و انت ما مشيتش بيه اصلا و عامه طالما حضرتك ملتزم بمواصفات الزيت اللي مكتوب في الكتالوج يبقي مفيش مشاكل و خاصه لو كمان كنت ما بتستخدمهاش مش هتلاحظ فرق

**د.محمدعبدالعال** · 20-04-2013 12:25 PM

الأفضل أن تستخدم زيت تخليقي اللي هو 10000 كم .. وده هتغيره في صيانة ال 10000 يعني هيقعد 90000 كم أو سنة عشان خواصه بتتغير .. ورأيي انك مسترخسش وتحط زيت معدني لأنك مش عارف الظروف ايه ممكن استهلاكك يزيد وتعمل ال 10000 كم في اقل من سنة .. ولو معملتهمش لما تغير زيت كل سنة مش قليل يا باشا

فيه زيت ليكوي مولي كويس أو فالفولين برضه كويس أو شل وأضعف الإيمان حط توتال .. لكن متخليهمش يحطوا موبيل 1 لأن ناس كتير اشتكت منه وبتقول ان معظم اللي موجود في السوق مضروب ..

وألف مبروك الصيانة يا كبير وعقبال صيانة المليون

**Nashaat Rady** · 20-04-2013 12:26 PM

المشاركة الأصلية كتبت بواسطة motor82

ماشي. احط زيت تخليقي 10.000 و بعد ست شهور اكون عملتي فيهم بتاع 1500 كيلو ولا حتى 2000 كيلو بالمعدل اللي انا بمشي بيه ده هضطر بعد كده ارجع اغيره ؟ عشان عدى عليه ست شهور ؟؟

حط زيت ٥٠٠٠ او ١٠٠٠٠ تخليقي.... و نزله كل ١٠ شهور او سنة كمان ولا أي مشكلة بتاتاً.

و ما تستخسرشي في عربيتك اللي انت دافع فيها علي الأقل ١٢٥ الف جنيه ٣٠٠ جنيه كل سنة.

و بلاش موبيل وان.... مش وحش بس أي حجة تانية افضل منه.

تحياتي.

**motor82** · 20-04-2013 01:55 PM

يا جماعه انا في الصيانه دلوقتي وبيقولولي ان معندهمش غير موبيل !! قلتلهم لا استنوا اجيب انا الزيت ..
اعمل ايه و اروح فين دلوقتي ؟؟
ارجوكو بسرعه ردو عليا