انا سمعت الكلمه ديه وتقريبا ليها علاقه بالكهرباء فارجو من حضراتكم التوضيح
عرض للطباعة
انا سمعت الكلمه ديه وتقريبا ليها علاقه بالكهرباء فارجو من حضراتكم التوضيح
طب سمعتها فين؟
ولا عند مين؟
انا هحاول اشوفلك حاجة ليها
تحياتي
هي ليها علاقه بالكهرباء بس عايز اعرف اسمها الدارج بالمصري ووظيفتها stud diode
stud diode ده نوع من انوع الموحدات او بتسمي دايود او صمام و لكنه نوع hard work شوية او بيعتبر مصفح شوية و بيستخدم ايضا في الأمبيرات العالية
الدايود او الصمام الثنائي هي عبارة عن مكون الكتروني بتستخدم في الدوائر الكهربية لتوحيد الجهد من جهد متردد بين موجتين موجبه وسالبة الي جهد مستمر موجب فقط
و بيستخدم في الدوائر الكهربية عموما لمرور التيار في اتجاه واحد فقط و عدم رجوعه مره أخي اي للفصل بين دوائر كهربية و أخري
الدايود هو مكون الكتروني ثنائي الأرجل أحد تلك الأرجل تسمي الأنود anode و الأخري بتسمي الكاثود cathode و له اتجاه لحركة التيار
بيسمي الدايود في العامية باسم السليكون او السيليكونات و بيختلف حجمه حسب الأمبير اللي بيمر فيه و موجود شيء عندنا في العربية و هو الدينامو و جواه جزء بيسموه كتاوت الدينامو و ده عبارة عن bridge rectifier و دي تكوينها الداخلي هو 4 دايود موصلين علي شكل قنطرة او bridge و ده عشان توحيد الجهد الخارج من الدينامو لأنه الدينامو بيولد الجهد متردد AC current و البريدج بتحوله الي تيار مستمر DC current و اللي بيستخدم في السيارة و البطارية و الشحن هو جهد مستمر و طبعا يطول الشرح و التفريق بين الاتنين
التيار المستخدم عندنا في البيوت هو تيار متردد سواء 2 فاز او ثلاثة فاز و لما بنستخدمه داخل اي جهاز سواء تليفزيون او كمبيوتر مثلا بنحوله لمستمر بالبريدج اللي اساسها دايودات
فيه تطبيقات و انواع كتييييييييييييييييير للدايود و لكن يطول شرحها جدا و تحتاج متخصصين للتفريق و الاستخدام و كيفية التطبيق و نوعيته
للعلم ده مجال تخصصي الكهرباء و الكنترول و الالكترونيات
دي نبذه سريعه مختصرة ولو فيه تفصيل لحاجه قول انت عايز ايه
و قلي انت عايز تستخدمه في ايه و انا اقلك ينفع معاها ايه
ربنا يباركلك يا بشمهندس إيهاب
انا كل معلوماتي عن الdiode هو لمبات الليدات led
Light emitting diode
Regards
الف شكر ياهندسه كلام جميل والف شكر وشكرا لكليه الهندسه الي جابت مهندسين جامدين انا بقي تحت امرك في الكيمياء هندسه كيمياء
القصه طويله ومتخصنيش انا واحد صاحبي بيحاول يشغل بطاريه عربيه الي هيا تيار مستمر ويحولها باستخدام ترانس لتيار متردد يمد بيها فيش الشقه عشان لما النور يقطع وده علي حد علمي بس التيار المتردد مش زي تيار المتردد الخاص بشركه الكهرباء تقريبا في خلل
انا عامل كده عندى
من الاخر اليكترونيا حتصرف كتير ومش حتعمل نتيجه للتحويل الى 220 وده كثال بص حتصرف اكتر من ما تشتريه جاهز وش حيكون فيه سافتى زى الجاهز
http://electronics-diy.com/schematic...v-inverter.jpg
انا جبت upsعلى بطاريته بيعد 10 دقائق لغيت بطاريته ووصلته على بطاريه عربيهa55 النتيجه من ساعه الى ساعتين بس الحمل محدود 300 واط مع تشغيل اى حاجه ممكنه على 12 فولت مباشر لتقليل الحمل والفقد فى الطاقه يعنى فى لمبات ليد صالون عربيه 12 فولت اضاءتها ممتازه ربع واط وتوفر كتير جدا 32 ليد
اما لو عايز حاجه 2 كيلو شوفته فى النبى دانيال ب1750 جنيه وبلت ان تشارجر
بس حيكون الحمل 2000/12=166 امبير تقريبا يبقى حتحتاج 4 بطاريات 100 امبير عشان تقدر تتخطى الساعه مستريح وممكن توصل لساعتين
لو محتاج اكلمك اكتر عن اللى انا عامله قولى
الله ينور
ياريت بعد اذنك تنقلي خبرتك بالتفصيل عشان هو دماغه حلوه فممكن نتوصل لحل وحخليه يشارك بالموضوع
فكرة موجوده من زمان و انا عملتها قبل كده و لكن مكلفة جدا بالنسبة للباور اللي هتقدر تاخدها من الموضوع يعني هتصرف كتير و مش هتقدر تاخد منتج يناسب مصاريفك
الله ينور عليك
لكن وجهة نظري كمهندس كهرباء ان القصة دي غير عملية تماما لأن الطبيعي في انتاج الطاقة الكهربية هو التيار المتردد و اللي متوفر كمنتجات للتشغيل و مولدات بأمبيرات كيرة هو بالتيار و الجهد المتردد يبقي مش منطقي ابدا احول التيار المتردد الي مستمر و اشحنه و ارجع تاني اغيره ال متردد .... كل دي تكلفة و انا قدامي حول اسهل بكتيييييييير و هتديني طاقة أعلي و بتكلفة أقل
في الحالة اللي بتتكلمو فيها دي و خطواتها :-
1- عندي تيار الكهرباء العاديه بتاعة الحكومه هحولها اولا لتيار مستمر بشاحن يشحن بطاريات
2- شراء بطاريات بتكلفة عالية
3- بعد شحن البطاريات هنصمم دائرة الكترونية اللي بنتكلم عنها عشان تحول من مستمر الي متردد
4- هحصل علي طاقة بأمبير اقل مش هقدر اشغل بيها حاجات كتير يعني عشان انتج 2 كيلووات هتكلفي في حدود 3 الاف الي 4 الاف جنيه
وجهة نظري اني اقدر احصل علي نفس الطاقة بمولد كهرباء 5 كيلووات بسعر اقل و مجهود اقل و امبير و خرج طقة اكبر و خطوات تحويل اقل و احتمالات الاعطال اقل لأني هستخدم خطوة واحدة فقط للحصول علي الطاقة و استخدام البنزين لتوليد طاقة كهربية في خطوة واحدة عبر مولد عادي
و فيه نقطة أخري انك في الحالة اللي بتفكر فيها لو الطاقة اللي انت شحنتها خلصت و الكهرباء العادية اللي هتشحن بيها مازالت مقطوعه يبقي انت تكلفتك كلها لم يعد لها اي لازمة لأني بتحول من شكل للطاقة الي نفس الشكل (من كهرباء عادية >> الي كهرباء عادية) لكن في المولدات العادية انت بتحول من شكل للطاقة ( طاقة احتراق البنزين ) الي شكل اخر للطاقة و هو الطاقة الكهربائية
أتمني وجهة نظري تكون وصلت و افادت و اي نقاش فيها انا مستعد
يااااااااااااسلام بلد بتاعت شهادات بصحيييييييييييح
الله ينور عليك يا مشمهندس/ ايهاب
وأضاء الله عقلقك وطريقك نور على نور
العيوب
الموضوع بصفه عامه غير عملى فى المدد الطويله
الاحمال محدوده
المميزات
عدم انقطاع النور اصلا على الجهاز اللى على النظام(العمل التلقاءى ودى اهم ميزه)
لا توجد اى اصوات عكس المولدات وصداعها
لا توجد دوشه البحث عن بنزين
اللى انا عامله
الاول بتحاول تشتغل على 12 فولت على قد ماتقدر للتوفير
يعنى الليدات بتاعت الصالون تخليها للاضائه 4 يعملو 128 ليد اضائتهم فى المكان قويه ويستهلكو 1 امبير يعنى الاستهلاك يعتبر ولا حاجه
لو فى تلفزيون ال سى دى ممكن تفكه وتشوف البور بتاعه ممكن يكون بيشتغل 12 (محتاجه متخصص)والرسيفر ممكن يشتغل 12 فولت(برضه متخصص)
المهم انك بتهرب من الانفيرتر ال220 على قد ما تقدر عشان التكلفه والفقد فى الطاقه
بعد كده بتحدد اولويات التشغيل على ال220 والواط
يعنى محتاج مروحه بتبقى فى حدود 80 واط وتجمع كل الاجهزه المهمه اللى حتحتجها وتشوف محتاج كام واط وتشترى الجهاز ويفضل يكون اعلى 100 واط عن الحمل المطلوب
متنساش كل 100 واط 220 فولت بتحتاج تقريبا 8.5 امبير من ال12 فولت
اللى عامله عندى فى المحل
اضائه ليدات
كمبيوتر وتلفزيون ومروحه
اى استفسار انا موجود