فعلا ساعتها هتبقي تلاكيك ملهاش اى لازمة يا استاذ مازن و كدة كدة هتجيب رخصك بس مش هينوبنا غير وجع الدماغ
المشكلة باة عندى فى ازاز العربية المشروخ ! اكيد لو حد وقفنى مش هعرف افتح بقي بكلمة و هيققولى امن و متانة :(
فعلا ساعتها هتبقي تلاكيك ملهاش اى لازمة يا استاذ مازن و كدة كدة هتجيب رخصك بس مش هينوبنا غير وجع الدماغ
المشكلة باة عندى فى ازاز العربية المشروخ ! اكيد لو حد وقفنى مش هعرف افتح بقي بكلمة و هيققولى امن و متانة :(
والله انا هنا في المنصورة بحاول علي قد ما اقدر ابعد في مشاويري عن الكماين الثابته انا مش عامل
حاجة مع اني كنت مفيم اخف درجة شلته بس برضة الاحتياط واجب
شكرا يا زعيم " انا اللجنه" .... على الارشادات و النصايح الغاليه الى كتير مننا مابيخدش باله منها .
فعلا كلو ياخد باله من موضوع ان الطفايه تكون تحت الكرسى + الاستبن يكون سليم و منفوخ
- اى شرخ فى الزجاج فى اى مكان = سحب الرخصه فوراً
- تحذير ان حد ينزل يسوق العربيه بدون رخصته الشخصيه و رخصه العربيه ...نسيانها = كارثه و بهدله . " نسيتها ارجع بيتك وهاتها """ احسلك """"
- لو بتسوق عربيت والدتك او خالك مثلا لازم يكون معاك توكيل بالقياده " مهم جدا جدا الموضوع ده " , من الغير التوكيل كأنك سارق العربيه بالظبط و بتدى للظابط الحق انه يسحب العربيه .
- لو بتسوق عربيت والدك , اخوك , اختك .. مش محتاج توكيل لانهم اقارب من الدرجه الاولى و الاسم الرباعى بيثبت ده .. لكن والدتك حيقولك ايه الى يثبت انها والدتك ؟؟؟ يا اما يكون معاك شهاده ميلاد .. يا توكيل بالقياده .( التوكيل بيطلع من الشهر العقارى فى 5 دقايق ) .
- خلى بالك من تحميل السياره بعدد ركاب اكتر من المسموح ... لو العربيه مدفوسه بالبشر حيسحب رخصتك فورا .
- ماتحطش حاجه فى الشنطه " عجله مثلا او صندوق كبير بحيث ان الشنطه ما تتقفلش ... او تكون بارزه من العربيه .
- احذر وضع " النمر المقلده " مكان نمر السياره فى الخلف .... النمر الى سواقين التاكسى بيحطوها بتاعت " الكينج 707 " و الخزعبلات الى بيحوطوها سواقين السوزوكى الربع نقل ..... و تحط النمره على الاكصدام على الجنب ..... = سحب الرخص """ وش """ .
- و طبعا زى موتورايزر ما قال ... الاستكارات الى بتتعلق" خصوصا الى على الزجاج الخلفى " ...... السيف و الخنجر و الكلام ده = سحب الرخصه فورا . ( اساسا منظرها مستفز و فعلا بتعيق الرؤيه )
حاجه اخيره ... وحضراتكم داخلين على لجنه او كمين ... محدش يبتسم " انا كنت بعمل كده زمان لحد ما فهمت " لازم تكرشم وش حضرتك .
و ربنا يحافظ على رخصنا و رخصكم
مهاب باشا زميل الكفاح و رحلة الإصلاح علي المحور :scooter:
فعلا دي بعض النقاط المهمة جداَ و المذكورة في القانون برضه
خاصة دول .. لو عربية والدتك هتلاقيه دايما يستعبط و يقولك عربية مين دي ؟! و لو رخم ممكن يوقفك معاه شوية .. فا أحسن حاجة تبقي في السليم و تعمل توكيل ..
موضوع الشنطة ده ليه بند صريح في القانون "تعمد عدم إغلاق أحد أبواب السيارة" .. و الشنطة تعتبر باب من أبواب العربية لأن إحنا عربياتنا تعتبر 5 أبواب .. 4 و الشنطة .. و الكوبيه 3 أبواب .. لازم تبقي مقفولة خاصة لو مسافر و هتعدي علي كماين كتير
الإبتسامة دي بقي فعلا تنساها خالص و إنت داخل الكمين و تدي نظرة (إيه عايز إيه خير خلصني) .. ده أحسن تكنيك لدخول الكمين :chris:
شكرا مهاب باشا للإضافات الجامدة
يا جماعه قانون الطوارىء شغال يعنى من حق اى كلب انه يفتش العربيه (باعتذر على الرد ده بس انا مخنوق اوى ) من اللى اتعمل فيا
الاستاذ وقفنى فى مارينا و كنت ساعتها راجع من البحر و بالمايوه و رايح افطر كل ده جنب البيت و بصراحه كنت ناسى المحفظه المهم و قفنى الاستاذ قالى الرخص قولتله انا اسف والله نسيت المحفظه بس انا هاجيبهم و هارجع لحضرتك و خد اى ضمان انت عايزه قالى لا روح جيبهم اتبسط و قةلت الراجل ده محترم و بالفعل اقل من 5 دقائق كنت عنده علشان كان محترم معايا بص فيهم و قالى انزل لما افتش العربيه قولتله ليه ياباشا ده وانا ممعايش الرخص مافتشتهاش قالى لازم و علشان انا فى السليم عادى و كنت بفتح العربيه و انا مطمن المهم لقى تحت الكرسى سارينه بتاعه شرطه قالى انت حاططها ليه مش عيب عيل ز يك يحط السارينه دى انا سمعت الكلمه دى و عينك ماتشوف الاالنور قولتله العيل ده راكب عربيه عمرك ماهتركبها لو سمحت اسحب الرخص و هات الوصل بس ادى دقنى اهيه ان ماكنتش انت اللى تجيبهالى عندى فى البيت فى مصر ( يعلم الله انا بقول الكلام ده و مش عارف بقوله ليه وكمان انا عارف انى هادوخ السبع دوخات لحد ماجيب الرخص دى بس كان حرق دمى )
طيب كويس ان الكلام لسه متمعنش
بكرة ينزلوا قانون عدم الكلام مع اللى راكبين معاك فى العربية
ويبقى ليها كمامة كده بتتباع فى المرور برده
تلبسها اول ما تركب العربية
موقف رخم فعلا .. محدش يعرف يا جماعة ايه الموقف القانوني او ايه اللي ممكن يحصل لو الواحد تنح عالضابط و رفض موضوع تفتيش العربية ؟
هاه و عرفت تلاقي الرخص دي تاني
بعد شهر لاقيتها فى المرور و عليها غرامه 500 جنيه قولت لا احسن اركن العربيه و كنت فعلا ركنها لمده الاسبوع اللى فات كله بامر من الوالد و كنت مشحطط و انا بروح الشغل بس بصراحه من جويا لو حد و قفنى هاقوله تعالى خدها من المرور
هما بتوع المرور كدا رخمين اوي و احسن حاجة
تعملها تكشر معاهم
و هما يحبو يغاسو علي الناس حاجة غريبة
:surprise:
ممكن مساعددددددددددددددددددددد ددددددددة انا عربيتى فولكس جيتا 2009 خليجى نازلة فيها ستارة وزينون بس مش مكتوب على الرخصة حاجة غير فولكس ووجن 2009 معنى كدة انى ماشية غلط
بالنسبه للستاره ابقى نزليها و انتى داخله على اللجنه اكيد الستاره كهرباء تمام لكن اشك انهم بياخدوا مخالفه على الستاره الفبريكه
اما بالنسبه للزنون لو فى من العربيه دى مصرى بالزنون يبقى مافيش مشكله
شكرا
شكرا جزيلا لكاتب الموضوع على العرض الجميل والإهتمام بالرد
سؤال ناصح شوية:
الأكل ممنوع..... طيب اللبان؟؟؟
:laugh6::laugh6::laugh6: أهو ده اللي مكنتش عامل حسابه
دنا ممكن أتشل فيها .. و يكتب في الوصل "سبب سحب الرخصة : مضغ لبان "
بالنسبة لهمسات .. أعتقد الحاجات دي يا جماعة بتبقي مثبوتة في ورق الإفراج الجمركي .. ممكن تخلي معاكي نسخة .. أو حتي عرض أسعار من المعرض اللي اشتريتي منه العربية بيبقي مكتوب فيه مواصفات العربية بالكامل .. أي ورقة فيها إن الحاجات دي فابريكة
قانون المرور الجديد:boxing_smiley::boxing_smiley::hang::0 49::049::gun_bandana::gun_bandana::gun_bandana::2g uns::2guns::2guns::gunsmilie::gunsmilie::beatdeadh orse5::beatdeadhorse5::beatdeadhorse5::tt2::tt2::2 ::2:
لا تعليق
جزاك الله خيراً و جازى باقى الأعضاء أيضاً
و شكراً على الكتاب
و ربنا يسترها علينا جميعاً
الف شكر وربنا يجازيك كل خير
جزاك الله كل خير يا محمود علي الموضوع المفيد ده
انا استفدت من الموضوع و من الردود كمان
بس بصراحة شيء محبط اوي اللي بيحصل ده
ده انا كده بجد هخاف اسوق او حتي اطلع علي اول الشارع
ربنا يسترها يارب لحسن انا بترعب
ميرسي اوي ليك علي المعلومات دي
ربنا يجعلها في ميزان حسناتك
يا ريت بس تقولولنا ع التوكيل اللى بيسيبوا فيه اصطباحة فى العربية و هى خارجة
ده يبقى توكيل عنب
و صبااااااااااااااااااااااا ااااااااح الخخخخخخخخخخخخخخخيييييييي يييييييييييير
الف شكر وربنا يجازيك كل خير
جزاك الله خيرا
شكرا عالتوبيك المهم .... ( ياااه توبيك قديم بس اول مرة اشوفه )