سؤال عن بارات الدركسيون وكاوتش الكوبلن

**mahmoud ghanem** · 20-04-2013 06:22 PM

السلام عليكم

النهاردة وانا بربط العافشة الراجل بعد ما ربط العفشة تمام قالى ابقى غير بارات الدركسيون وكاوتشة ( جلدة ) الكوبلين الداخلى يمين

طبعا اخوكم برتقال فى الحجات دى قلتله ان شاء الله وقلت افهم من اصدقائى ايه الحجات اللى قال عليها دى !!!

دى حاجة الحاجة التانية هى مشاكلهم ايه يعنى .. المفروض تفرق معايا فى اية ؟؟؟ لان انا مش حاسس بمشكلة فى حاجة

اخر حاجة اجبهم استيراد ولا جديد افضل .. والاسعار الله يبارك لكم

تحياتى

**lidosasa** · 20-04-2013 07:21 PM

أنا عربيتى ماروتى
وحقولك على موضوع الكوبلن لإن كان عندى مشكلة فى الكوبلن الشمال والمشكلة دى تتلخص إن الكوبلن بيبقى متغلف بكاوتشة وفيه شحم فمع المطبات وحركة الكوبلن تبدأ الكاوتشة تتفك والشحم يخرج منها وتبدأ بسماع صوت طقطقة بتبدأ الأول لما تيجى تحود ناحية الكوبلن البايظ على سرعات عالية وبعدها تبدأ تظهر كل ما تيجى تحود ناحية الكوبلن البايظ حتى ولو على سرعة بطيئة وأخيراً تبدأ تسمع صوت الطقطقة طول ما انت ماشى طوالى ودا معناه إن الكوبلن خلاص بيموت .
ممكن يكون وهو بيظبط العفشة لاحظ إن كاوتشة الكوبلن بدأت تتقطع وإن فيه شحم خرج منها فعايزك تلحق الموضوع قبل الكوبلن نفسه ما يحصله حاجة .
اللى بيعمله حاجة إسمها كبس للكوبلن ( بيشيل الكاوتش القديم ويفك الكوبلن ينضفه بالبنزين ويحط عليه كاوتشه جديدة ويشحهما ويربط عليها بقفيز ) ومش ببتكلف كتير أن كابس 2 كوبلين تقريباً كله بالمصنعية أتكلف 180 جنيه على ما أتذكر يعنى .
دا عندى فى الماروتى الله وأعلم بقى إذا كان الكلام دا بيفرق فى السيات ولا الموضوع واحد

**mahmoud ghanem** · 20-04-2013 08:25 PM

تسلم ايدك انا فهمت فكرتها
وعلى ايه الواحد يشترى دماغة انا لسة فى اولها يعنى مش بسمع طقطقة الحمد الله ابداً يعنى حته كاوتشة بـ 20 جنيه اشترى بيها كوبلين

بالنسبة لبارات الدركسيون ايه هى ؟؟

**ehab_mansour** · 20-04-2013 08:31 PM

كاوتشة الكوبلن مهمة جدا في الحفاظ علي الكوبلن بحالته لأنها الي بتحافظ علي الشحم بتاعه ميقعش و يدخل فيه رمل و اتربه و ينشف بسبب قطع في الكاوتشة ... يبقي انت بدل ما تركب كاوتشة اقل سعر شفته لها 10 جنيه و اعلي سعر 50 جنيه تبقي بوظت الكوبلن نفسه و محتاج تغيره و الجديد كله صيني من 180 الي 350 جنيه و المستعمل من 100 الي 200 جنيه حسب الحالة و برده مش هيبقي زي الاصلي نهائيا
الاوريجينال جديد غالي جدا بيوصل من 1500 الي 2000 جنيه الماني اصلي و ده حسب سعره باليورو
يبقي باختصار الكاوتشه شيء بسيط لكن لو مقطوعه او مفكوكه مباشرة بتبوظ الكوبلن خلال فترة بسيطة و انتي كده لازم تروح تغيرها و تركب واحده جديدة و تشحم الكوبلن من جديد
و مش هتحس بمشاكلها غير مع الوقت لما يبوظ الكوبلن

بارات الدركسيون دي هي اخر جزء في التوجيه اللي بتتربط في الجنب اللي راكب عليه العجله و هي عبارة عن باره حديد مسننه من ناحية عشان تتربط في الباره الداخلية اللي سنها عكسها و بيضه بمسمار من الناحية التانية بتتربط في الجنب اللي مربوط فيه العجله
و بعد كده بتتربط البارة الداخلية في علبة الدركسيون
فيه ناس بتسميها بيض الطرف او تيش التوجيه الخارجي و الداخلي بتسمي تيش داخلي او بارة داخلية
بارات الدركسيون لو بايظة بتتكبس او تتغير لكني برجح تغييرها و مشاكلها انها لما بتكون منتهية بتحس بتخبيط في الطارة في ايدك و بتحس اكن التوجيه مفكك وهي ممكن تكون حالتها نص نص و ممكن تكون قربت تنتهي و هما مش غاليين الطقم تركي للناحيتين في حدود 150 جنيه تقريبا او يزيد قليلا و تركيبهم هما و الكاوتشة سهل و بسيط

**mahmoud ghanem** · 20-04-2013 08:40 PM

منور والله يا هندسة ..
تمام كدة ... فرصة وانت موجود هى كام كاوتشة فى العربية ( 4 امام ) ولا ( 2 ) بس ؟؟
كنت سمعت ان فى كاوتشة خارجية واخرى داخلية فا لو كدة يبقى الكوبلين له 2 كاوتشة !!
علشان اغيرهم كلهم بالمرة

اجيبهم من فتح الباب ؟؟؟ ولا الكاوتشة دى متشابها مع باقى العربيات الاخرى يعنى من اى حد بتاع قطع غيار

وتحياتى لك

**ehab_mansour** · 20-04-2013 09:01 PM

المشاركة الأصلية كتبت بواسطة mahmoud ghanem

منور والله يا هندسة ..
تمام كدة ... فرصة وانت موجود هى كام كاوتشة فى العربية ( 4 امام ) ولا ( 2 ) بس ؟؟
كنت سمعت ان فى كاوتشة خارجية واخرى داخلية فا لو كدة يبقى الكوبلين له 2 كاوتشة !!
علشان اغيرهم كلهم بالمرة

اجيبهم من فتح الباب ؟؟؟ ولا الكاوتشة دى متشابها مع باقى العربيات الاخرى يعنى من اى حد بتاع قطع غيار

وتحياتى لك

الكبالن فيها طقم 2 كاوتشة فقط للرؤوس الخارجية و اللي بتسمي كبالن خارجية اما الداخلية فكاوتشاتها معليهاش لف و حركة كالخارجي و مش بتوبظ تقريبا و عمري ما شفت حد غيرها و تقريبا مش موجوده كقطعة غيار اقصد الكاوتشة لكبالن الداخلية طبعا

علبة الدركسيون و باراتها الداخلية عليها اتنين كاوتشة كمان دول برضه لازم يكونو موجودين و مافيهمش مشكلة عشان يحافظو علي علبة الدركسيون و شحمها و شحم بارة الردكسيون الداخلية من الوقوع او دخول التراب و الرمل لها و اللي بيبوظها تماما مع الوقت

لكن طالما اللي كشف قلك كاوتشات كبالن يبقي ال 2 بتوع الكبالن الخارجية فقط

**mahmoud ghanem** · 20-04-2013 09:18 PM

اشكرك من كل قلبى والله واتمنى لك التوفيق فى حياتك

**SYD** · 20-04-2013 11:03 PM

مفيش كلام تاني يتقال يا حودة بعد كلام البشمهندسين

كاوتشة الكوبلن بتتباع جديدة والأفيز بتاعها الصاج بيتباع عند الطيار في الحرفيين
اما عن بارات الدريكسيون فتقدر تجيبها جديدة او استيراد - مش هتفرق وسعرها جديدة حوالي 70 جنيه

تحياتي

**mahmoud ghanem** · 21-04-2013 12:17 PM

المشاركة الأصلية كتبت بواسطة syd

مفيش كلام تاني يتقال يا حودة بعد كلام البشمهندسين

كاوتشة الكوبلن بتتباع جديدة والأفيز بتاعها الصاج بيتباع عند الطيار في الحرفيين
اما عن بارات الدريكسيون فتقدر تجيبها جديدة او استيراد - مش هتفرق وسعرها جديدة حوالي 70 جنيه

تحياتي

تمام انا روحت امبارح جبت 2 كاوتشة كوبلين بــ 25 جنيه الواحدة ( من غير الشحم بتاعها )
وكان عنده نوع تانى كاوتشة بالشحم بتاعها بـــ 50 جنيه الواحدة
وكدة كدة الميكانيكى هيركب الكاوتشة ويحط شحم من عنده مش بـ يقطنعوا بالشحم اللى بيجى معاها
ودة من كلام ناس كتير ومنهم الراجل اللى جبت منه الكاوتشة وقالى مفيش فرق بين الاتنين غير الشحم
ايه رأيك ؟؟ وبعدين من 25 جنيه لـــ 50 جنيه ومفيش فرق فى خامه الكاوتش بالعكس اللى بـ 25 ج اقوى عن اللى بـ 50 ج

المشاركة الأصلية كتبت بواسطة eemmoo

انا لسه جايب البارتين من عند الصفوه اللى فى شارع رمسيس بـ 130 جنيه

تمام ... ربنا يكرمك السعر دة اكيد بعد ارتفاع الدولار !!!

-

الموضوع: سؤال عن بارات الدركسيون وكاوتش الكوبلن

LinkBack

أدوات الموضوع

عرض

-

-

-

المواضيع المتشابهه

مشكلة في قواتيش علبة الدركسيون و بارات الدركسيون

بارات الدركسيون

استفسار بخصوص بارات الدركسيون لرجاله البروتون

سؤال هو النوبيرا فيها بارات غير بارات الطرف

بارات طرف علبة الدركسيون في اللانوس

الكلمات الدلالية لهذا الموضوع

المفضلات

المفضلات

ضوابط المشاركة