من كام يوم سمعت صوت دبدبة في العجلة الشمال وبتسمع في الدركسيون المهم روحت للميكانيكي وقال لي بارات الطرف عاوزة تتغير رحت جبت بارات كوري ب 90 جنية وكمان غيرلي تيل الفرامل Gm ب 80 جنية
المهم دي تاني مرة أغير البارات أول مرة في الضمان والعربية كانت عاملة 15 ألف ودي تاني مرة بس خارج الضمان والعربية عاملة 27 ألف.
موش عارف هو ده المعدل الطبيعي لتغيير البارات في اللانوس ولا لأ لأن الميكانيكي قال لي ان ده عيب في كل اللانوس
عاوز اعرف ليه العيب ده موجود هل لوجود عيب في تصميم علبة دركسيون اللانوس أم هناك سبب آخر مع العلم بأني حريص جدا في المطبات وعادة مشاويري بشوارع غير مكسرة وهل العيب ده موجود في موديلات أخرى مثل النوبيرا أو الفيرنا مثلا ولا هي اللانوس بس