السلام عليكم

كنت قبل كده عامل موضوع عن مساعدين فكترا خلفى 2003

وبعد راى الناس والبحث فى مواضيع كتير هنا على المنتدى اخترت انى اشترى ماسعدين جداد مونرو
وبعد مالفيت كتير رحت اشتريتهم من لهيطه فى التفويقيه ب 750 جنيه

المشكله انى بعد ماركبتهم حاسس برجه وارا حتى وانا ماشى على السلانسيه وكل اللى ركب او ساق العربيه حس بيها لانها واضحه اوى
رحت للعفشجى قالى العيب فى الكاوتش رغم ان الكاوتش جديد
رحت للميكانيكى قالى العفشه وحشه
رحت ارصص صاحب الورشه قالى فى مساعد بايظ واعد يهز العربيه قالى عندك واحد ناشف والتانى بياخد ويدى
رجعت لبتاع العفشه قالى الكلام ده مش مظبوط ولسه لما تاخد مشوار
رحت لعفشجى تانى قالى هو المونرو كده
رجعت لبتاع الترصيص قالى ياباشا زى ماقلتلك مساعد ناشف والتانى طرى وكلم لهيطه وقاله المساعدبن بايظين المهم بعد وجع قلب قاله خليه يعدى عليا بالعربيه يوم الاتنين

وانا توهت بقى

مش عارف اعمل ايه هل المونرو كده ولا اروح ل لهيطه واقله المساعدين بايظين ولا اقفش واصر انهم يرجعو ولا انا كده شربتهم ولا ارجع اشترى استيراد علشان ارتاح ولا اعمل ايه