هل ينفع تركيب وصلة aux للكاسيت الاصلى بتاع العربية (نوبيرا اوروبى)

**mtc_46** · 21-04-2013 12:02 AM

انا معايا نوبيرا اوروبى و الكاسيت بتاعها الكبير و معاه سى دى تشينجر
بس المشكلة ان ال تشينجر مبقاش بيقرأ السى ديهات .. و غالبا تصليحه هيبقى مش سهل
و معتقدش هلاقى منه جديد
فا كنت عايز اركب وصلة موبايل من الكاسيت نفسه .. هل الكلام ده ينفع ولا لأ
و سؤال كمان معلش ... انا الكاسيت عندى بيشغل شرايط كمان .. هل فى كار كيت نظيف (من راديو شاك مثلا) يأدى الغرض؟؟ لان العاديين بيبوظوا و صوتهم وحش اوى
وشكراً

**mtc_46** · 21-04-2013 11:40 PM

يا رجااااالة !!!!!

**BlueNova** · 23-04-2013 02:18 AM

متابع

**farafiroooo** · 24-05-2013 10:30 PM

بص اللي انا متأكد منه ان في حاجة بتركب تعديل كدة فالكاسيت وبيطلع من الكاسيت وصلة ببيركب عليها فلاشة واحد صاحبي كان عاملها فكاسيت النوبيرا الكلاريون اللي هو شرايط بس .... بتاع الكاسيت ده فالاسماعيلية .......لكن فمصر مش عارف حد الصراحة ...........حل تاني انك ممكن تشتري شريط mp3 وبيبقي طالع منه وصلة بتركبها فالموبيل او mp3

**FAR!D** · 25-05-2013 12:26 AM

انا معايا عربيه اخت عربيتك حاولت و فكيت الكاسيت و جيبت الكاتالوج لكن للاسف مينفعش عشان الكاسيت من وارا مالوش مخرج ينفع توصل عليه aux بالاضافه انت حتى لو وصلت لانك توصل aux حيشتغل مكان ايه ؟؟؟؟ الشرايط و لا الراديو و لا ايه؟؟ يعني تظبط وضع الكاسيت على ايه؟ بس انا متمسك بالكاسيت الكبير ده اوي عشان ممتازززز او ممكن تروح بورسعيد و توصل لمنطقه اسمها بنك الاسكان هناك فيه حاجات كتير مستعمله شوفت هناك كاسيت محترم جدا دبل دن بايونيير ب 500 و خرجه و امكانياته روعه