أهم و أقوى مواضيع عن كيا سيراتو

**hanystar** · 29-11-2008 09:01 PM

المشاركة الأصلية كتبت بواسطة abouwesam

عزيزى Hanystar

لو كنت تعرف مالك السيارة الدى يعانى من نفس مشكلتى يمكن يكون مفيد لنا احنا الأثنين أن نتعاون حتى نتمكن من أخد حقوقنا من التوكيل قبل فوات الأوان.

لا للأسف معرفوش - هو كان واقف يجرب فى العربية وقعد يكلمنى على مشكلته ولما ملقاش فايدة منهم سابهم ومشى .
بس طالما حضرتك مش عارف تاخد منهم لا حق ولا باطل - متروح تشتكيهم فى جهاز حماية المستهلك يمكن تعرف تاخد حقك منهم .
بصراحة أنا عامل معاهم حاليا مشكلة أنا كمان عشان عندى الكاوتش فيه عيب وبيحدف ومستنى مشكلتى هترسى على إيه ...

**abouwesam** · 29-11-2008 09:44 PM

هى دى روح الجماعة, لو فعلا تجمعنا مع بعض حنبقى أقوى منهم بكتير.
فعلا أنا قدمت شكوى لجهاز حماية المستهلك و كدلك كيا كوريا و انصحك انك تكتب لهم و صدقنى بتنفع و دة عنوانهم و استعمل رقم شاسيه بتاع كوريا اللى أوله حرف K
http://www.kiamotors.com/

و روح ل After Sale Services

أما بخصوص الأخ اللى عندة نفس المشكلة أنا لقيت واحد تانى معانا فى الموقع عندة نفس المشكلة و عندى رقم تليفونة, وسوف اتصل بة طبعا للتنسيق.
انا فى الخدمة طبعا.

**ethan82** · 30-11-2008 12:09 PM

المشاركة الأصلية كتبت بواسطة abouwesam

هى دى روح الجماعة, لو فعلا تجمعنا مع بعض حنبقى أقوى منهم بكتير.

فعلا أنا قدمت شكوى لجهاز حماية المستهلك و كدلك كيا كوريا و انصحك انك تكتب لهم و صدقنى بتنفع و دة عنوانهم و استعمل رقم شاسيه بتاع كوريا اللى أوله حرف K
http://www.kiamotors.com/

و روح ل After Sale Services

أما بخصوص الأخ اللى عندة نفس المشكلة أنا لقيت واحد تانى معانا فى الموقع عندة نفس المشكلة و عندى رقم تليفونة, وسوف اتصل بة طبعا للتنسيق.

انا فى الخدمة طبعا.

العفشة بتخبط فعلا بس الصوت بيقل بالتدريج اعتقد انه كل السيراتو كده . بالأضافة ان في صوت بيظهر لما بحرق علي الغيار صوت زي صفاره كده وفي التوكيل قالولي كل السيراتو كده وقالي متحرقش عليها . وطبعا ردي كان ان انا شاري عربية جديدة واحرق زي منا عايز ومش المفروض ان يكون في صوت غريب حتي لو حرقت ل أر بي أم 7000

المهم انهم في التوكيل خلاني اجرب عربية زيرو وفعلا فيها نفس الصوت فطبعا أتاكدت ان ده عيب صناعه .

العفشة لما بتتربط التخبيط هيقل . لاكن هتفضل تحس بيه اول متركب العربية.

متابع معاكو يمكن يكون في حل.

**Abouzaid2008** · 01-12-2008 11:56 AM

طيب والكلام الجميل اللي بنقرءة من السادة اصحاب السيراتو يبقي اية ؟؟؟؟
أنا مش فاهم إزاي كل السيراتو كدة ؟

**ethan82** · 02-12-2008 11:22 AM

المشاركة الأصلية كتبت بواسطة Abouzaid2008

طيب والكلام الجميل اللي بنقرءة من السادة اصحاب السيراتو يبقي اية ؟؟؟؟
أنا مش فاهم إزاي كل السيراتو كدة ؟

انتا عامل كام كيلو لحد دلوقتي ؟؟

**karimone** · 11-01-2009 10:31 AM

ما شاء الله علي المجهود العظيم
فعلا تغطيه فوق الممتازة

**M.ABDEEN** · 15-01-2009 10:45 AM

اسمعوا الخبر المهم ده في ابو رواش قالوا مافيش حاجه اسمها تليين امشي بالعربيه بالسرعه اللنته عايزها لغايه 180 مافيش مشكله لكل عربيات كيا بس ما تحرقش جامد اول 1000 كيلو يا ريت حد يفيدنا

**ahmed_su** · 15-01-2009 11:28 AM

المشاركة الأصلية كتبت بواسطة mohammedsamirabdeen

اسمعوا الخبر المهم ده في ابو رواش قالوا مافيش حاجه اسمها تليين امشي بالعربيه بالسرعه اللنته عايزها لغايه 180 مافيش مشكله لكل عربيات كيا بس ما تحرقش جامد اول 1000 كيلو يا ريت حد يفيدنا

مش هقولك غير المقطع الموجود فى مانيول الكيا سيراتو 2008

خطوات تليين محرك السيارة

ليست هناك فترة زمنية محددة لازمة لتليين محرك السيارة .وباتباعك بعض الاحطياطات البسيطة اثناء قيادة سيارتك لمسافة الـ (600) ميل الاولى (1000 كم) يمكنك رفع مستوى اداء سيارتك وتوفير تكاليفها وزيادة عمرها.

وفيما يلى الاحطياطات الواجب اتباعها :

* لاتحمل المحرك اكثر من اللازم (لاتزد عدد لفات المحرك بشكل مفاجئ).

* لاتستمر اثناء قيادة سيارتك على سرعة واحدة لفترات زمنية طويلة , سواء كانت سرعة كبيرة او بطيئة. فتنويع سرعة المحرك مطلوب لتليين محرك السيارة بطريقة سليمة.

* تجنب الفرملة العنيفة ,الافى حالات الطوارئ ,للسماح للفرامل ان تأخذ وضعها الصحيح .

*تجنب تشغيل السيارة بالضغط على دواسة البنزين بشدة.

من اللى فات مصنع السيارة بيوصيك انك تتعامل معها
خلال الـ 1000 كم بحرص يبقى ازى يقولك امشى
بالسرعة اللى انت عايزها - فيه حدود اكيد للسرعة
لانك هتبقى ملتزم بعدد لفات معين للموتور فى الفترة الاولى.