معلشى سؤال تانى

**wama00** · 21-04-2013 06:47 PM

طيب بعد اذنكو سؤال ,انا زهقت من عربيتى الفيكترا ورايح ادخلها فى عربية تانية , اللى ادامى دلوقتى النترا بس فيها المشكلة اللى اتكلمت عليها ديه بتاعة شرع فى فخدة المساعد فكدة خلاص,,, تانى اوبشن متاح دلوقتى ادخل الاوبل فى تويوتا كورولا 2008 جنوب افريقى عاملة 66 الف كم وهدفع فرق حوالى 40 الف فهل ده اختيار موفق ولا ايه رأيكم؟؟؟ العربية ديه سمعت ان مشكلتها الفيتيس ال mmt الناس اشتكت منه لانهم ما عرفوش يتعاملو معاه وبيقولو انه بيتأخر فى النقلات ونقلاتة محسوسة اوى, انما لما قريت وجمعت معلومات عنه اللى فاهم العربية ديه وبيعرف يتعامل معاها بيشكر فيها اوى
ايه الرأى؟

**hilal** · 21-04-2013 07:23 PM

أنا شايف ، طالما قررت التغيير انك تبيع الاول نقدا ، واترك لنفسك فرصة للاختيار الصحيح بين أكثر من سيارة وبلاش تربط نفسك في عملية مقايضة قد تورطك في سيارة معينة ، وربنا يوفقك للصح إن شاء تعالى

**sherif moneer** · 21-04-2013 09:10 PM

اوﻻ ثبات الالنترا مش هيعجبك زي الاوبل
ثانيا بالنسبه للكورﻻ ف الجنوب افريقي ع الطريق ثبات وفرامل كويسين وجري طبعا تمام بس موضوع النقلات ده بقي مقرف جدا ﻷنك لما بتمشي اوتوماتيك والعربيه تيجي تاخد نقله بالذات لو قارص تلاقي جسمك طلع لقدام كده اكنك دوست فرامل وبعدين تاخد النقله يقوم جسمك يرجع لوضعه
هتتعبك ف الطرق اللي فيها مطبات وكده بسبب الحركه دي
لكن ف السفر الطويل ممتازه

**amr elsisi** · 21-04-2013 10:25 PM

المشاركة الأصلية كتبت بواسطة hilal

أنا شايف ، طالما قررت التغيير انك تبيع الاول نقدا ، واترك لنفسك فرصة للاختيار الصحيح بين أكثر من سيارة وبلاش تربط نفسك في عملية مقايضة قد تورطك في سيارة معينة ، وربنا يوفقك للصح إن شاء تعالى

هوا دة الكلام المظبوط

**sherif moneer** · 22-04-2013 12:35 AM

بص يا باشا الكورلا دي كبيرها 80 او 85 الف
عربية حضرتك اكيد مش ب 35 الف
بيع عربيتك وامسك فلوس تعرف تدور علي اللي انته عايزه بمزاج وبتأني عشان متجيبش حاجه تزعلك بعد كده
وممكن بال 80 تركب بوما برده موديل 2008 مثلا او 2007 بس معرفش حاجه عن ثباتها وادائها بصراحه لكن الكورلا ال2008 سوقتها كتير واقدر افيدك فيها
بالنسبه لموضوع النقلات ده انته لو مشيتها استيب ترونيك ومشيت ع النقله وساعت ما تيجي تديلها النقله اللي بعدها تروح شايل رجلك من علي دواسة البنزين تديلها النقله وبعدين تزود بنزين تاني هتلاقي العربيه ماشيه معاك مش هتحس ب اي نقله وساعت ما يجي مطب تقوم محولها اوتوماتيك عشان متحسش بيها وهيا بتسقط نقلات وانته طالع من ع المطب تقوم محولها استيب ترونك تاني وكده
المعلومه دي عشان لو ربنا وفقك ف واحده تبقي تعمل كده هتريحك كتير

**wama00** · 22-04-2013 01:04 PM

متشكر جدااا يا شريف

**احمد فهمى** · 22-04-2013 03:35 PM

ابعد عن التيوتا الmmt الموضوع مشكله فى الفتيس والكنترول مش قصة استخدام شوف ايلانترا سليمه او كرولا بفتيس عادى او اوبل استرا 2007 2008 هتلاقى حالات هايله بالرقم ده انت بتتكلم 40 الف على عربيتك اللى هتتحسب م40 برضو يعنى فى حدود 80 ل85 هتلاقى طبعاً استرا حالات جيده جداً