البطارية ام عين حمرا اسف خضرا

**maged** · 01-07-2007 12:04 AM

عندى البطارية فيها عين خضراء وقالولى طالما لونها اخضر تبقى البطارية تمام لكن انا لاقيت كوفر مستطيل على وش البطارية والفضول خلانى شلته لاقيت تحتيه عيون البطاريه فكيت كل الاغطية بتاعت العيون لاقيت المياه ناقصة جدا زودتها مياه بطارية وقفلت البطارية زى ما كانت وبصيت فى العين لاقيتها مش خضرا وبعد اسبوع تحولت الى خضراء مرة اخرى فهل كده انا اتصرفت غلط
واللى اعرف ان البطارية دى كلورايد جافة طب ازاى فهل ليها صيانة ولا الحكاية ايه

شكرا

**Abdallah** · 01-07-2007 12:47 AM

معنديش اى خلفية, اول مرة اعرف ان البطارية الجافة بتتزود مياه, امال هيا جافة ازاى, اعتقد ان دة نصب وغش تجارى !!!

**hazem_khidr** · 01-07-2007 06:31 AM

البطاريه الجافه بتبقي مقفوله ما فيهاش اي بلاستيك بيتفك .و البطاريه السائله ما بيبقاش فيها مؤشر علي ما اعتقد.اللي عندك دي استحاله تكون جافهاكيد سايله بس حديثه شويه.روح للكهربائي خليه يكشفلك عليها

**maged** · 01-07-2007 10:38 PM

الف شكر يا جماعة للاهتمام وهروح للكهربائى اسأله شكرا

**sokasoon** · 03-07-2007 01:16 AM

عمر البطارية الجافة مابتتزود مياه خااااااااااااااالص

استحااااااااااااااااااااا ااااااااااااااااااااااااا ااالة

**مهندس محمد صلاح** · 05-07-2007 12:58 PM

بطارية جافة وبعين خضراء وزودتها ميه .. انا مش فاهم حاجة .. المعروف ان البكاريات الجافة قلوية والبطاريات السائلة حمضية وتزويد المياه نوعين اما ماء مقطر او ماء 30 % تركيز حامض .. واعتقادى ان بطاريتك قلوية جافة وانك جازفت وفكيت العيون بتاعتها واعتقد انك زودت بماء مقطر واول ما نشف وتبخر رجعت تانى العين بقت خضراء يعنى تحمد ربنا انك ما زودتش بماء تركيز 30 % والا كانت البطارية انفجرت .. وما حدش بيتعلم ببلاش