الموضوع: صني الشكل الجديد ولا القديم

السلام عليكم ورحمه الله وبركاته

اجيب صني الشكل القديم ولا الجديد
من الناحية الشكلية انا ميال اكتر للقديم
بس طبعا لازم اخد رايكم ..
انا مشاويري صغيرة بس يومية ومش بسافر كتير
ياريت تسعدوني في الاختيار لاني بجد مش عارف

وشكرا

أنا فى رأيي الشكل القديم احسن فى السفر (موتور قوى - اتزان على الطريق) .. و الشكل الجديد ممتاز داخل البلد (استهلاك بنزين قليل).
بجانب نقط تانية لازم تأخذها فى الاعتبار زى لو انت تحب تكون العربية واسعة من جوه و لا مش فارق معاك - قطع الغيار منتشرة برة و لا فى التوكيل بس.
بالتوفيق ان شاء الله

عموما الشكل القديم مفيش منه غير منيوال فقط من المصنع

ممكن تدور فئ المعارض برة على الأوتو

عموما قديم جديد. دة أزواق و قرف

خليك فئ الشكل الجديد مش وحش. وهو تصنيع
نيسان من مصنع الصين.

مع انى معايا القديمة وبحس أن الشكل القديم عتيق سويه بس العربية وحش بمعنى الكلمة مفيش عربية بتقف قدامها

النيسان مركة حلوة فئ مصر

عموما دورفى المنتدى حتلاقى مشاركات الأعضاء بين القديم و الجديد.

اولا اشكركم علي الردود والاهتمام
ثانيا واضح ان الاختلاف الاساسي بين الاثنين في الوسع الداخلي و استهلاك البنزين
بس اللي انا لاحظته ان شكاوي الشكل القديم كانت محصورة في فترة معينة تقريبا 2010 و 2011
لكن حاليا مفيش .. هل الناس بطلت تشتكي ولا العيوب دي اختفت
بالنسبة للشكل الجديد حاسس ان مشاكله في التقفيل وجوده الخامات
اما عني فانا يهمني قطع الغيار عشان انا في الصعيد يعني مفيش مراكز خدمة محترمة ويهمني ان صالون العربية يكون معقول مش شرط واسع بس مريح في القعدة
اما عن استهلاك البنزين اعتقد 1500 من 1600 سي سي مش فرق كبير قوي كده

مميزات القديم صاج ممتاز وقوي موتور وفتيس وعفشه ياباني كاوتش بريدجستون قطع غيار منتشره في كل حته سعر اعاده البيع جيد جدا يعيبها استهلاك البنزين وضيق الكنبه الخلفيه وكان البعض بيشتكي في الموديلات السابقه من الضفيره وبيتم تغيرها في التوكيل بنوع احسن والمشكله بتتحل مميزات الجديده استهلاك بنزين افضل من القديم صالون واسع فيها مكونات هندي وصيني كتير كاوت صيني غير بعض العيوب في التيل والطنابير وقطع الغيار مش متوفره في التوكيل وسعر اعاده بيع ضعيف عشان لسه العربيه جديده في السوق ديه ابرز عيوب ومميزات العربيتين شوف حضرتك ايه اللي يناسبك وتوكل علي الله انا مذكرتش الشكل عشان الشكل ده اذواق وربنا يوفقك للخير