ايه رايكم فى فليشا

**sword00** · 22-04-2013 12:43 AM

السلام عليكم خبراء المنتدى الكرام ارجو النصيحه
انا بشترى عربيه فليشيا 97 وهتيجى على 25 الف هيا العربيه فيها خبطه خفيفه كده فى الباب تحت المرايه
فايه رايكم
وكننت عايز اعرف استهلاك الفليشيا قد ايه فى البنزين وحاجه تانيه العربيه متسقط ليها ماتور سكودا برده 1300 بس الميكانيكى بيقولى انه كان انجكشن وهما شغلوه كاربيراتير فده فيه مشكله ولا عادى

**أحمد جودة** · 22-04-2013 09:33 AM

أولا مبروك على العربية ربنا يجعلها خير ليك وعليك

بالنسبة للموتور عندي نفس الموضوع معايا فليشيا 96 ومتسقط موتور 1300 موديل 2002 انجكشن ومشغله كاربيراتر ومفيش اى مشكلة
نصيحة لازم تاخد معاك حد فاهم علشان يقدر يقيم حالة العربية كويس
حالة الشاسية وحالة الموتور وحالة العفشة وحالة الصاج والحالة العامة للسيارة
العربية ماشية كام كيلو وحالة الكاوتش وحالة العفشة
وهكذا واية مشاكل العربية وهل محتاجة مصروفات

أتمنالك التوفيق ومنظرين أراء باقي الاعضاء

**المنسي** · 22-04-2013 01:53 PM

المشاركة الأصلية كتبت بواسطة sword00

السلام عليكم خبراء المنتدى الكرام ارجو النصيحه
انا بشترى عربيه فليشيا 97 وهتيجى على 25 الف هيا العربيه فيها خبطه خفيفه كده فى الباب تحت المرايه
فايه رايكم
وكننت عايز اعرف استهلاك الفليشيا قد ايه فى البنزين وحاجه تانيه العربيه متسقط ليها ماتور سكودا برده 1300 بس الميكانيكى بيقولى انه كان انجكشن وهما شغلوه كاربيراتير فده فيه مشكله ولا عادى

مبروك عليك العربية وربنا يديك خيرها ويكفيك شرها بالنسبة لاستهلاك البنزين لو هتستخدم 90 او 92 فهيبقى ممتاز فى نسبة الحرق وموضوع انه متحول لكربراتير هيبقي كويس لو انت ناوى تشتغل ببنزين 80 انما لو 92 فنصيحة ارجع للانجيكشن

**أحمد جودة** · 22-04-2013 03:07 PM

المشاركة الأصلية كتبت بواسطة المنسي

مبروك عليك العربية وربنا يديك خيرها ويكفيك شرها بالنسبة لاستهلاك البنزين لو هتستخدم 90 او 92 فهيبقى ممتاز فى نسبة الحرق وموضوع انه متحول لكربراتير هيبقي كويس لو انت ناوى تشتغل ببنزين 80 انما لو 92 فنصيحة ارجع للانجيكشن

كلام جميل واحي اضيف انه بالنسبة للرجوع للانجيكشن صعبة شوية ومش اي صنايعي يقدر يعملها
علشان لازم ضفيرة العربية كلها بالكامل تتغير وكمان الكونتاكت واعتقد جزء من الشكمان وهتكون فيه بعض مشاكل فى التعديل على العربية والنتيجة مش متوقعة دة بخلاف صعوبة صيانة الانجكشن يعني بعد المصاريف والبهدلة جايز تلاقي مشكلة تخليك ترجع عن الفكرة ومش هينوبك غير المصاريف
وفي النهاية دي أراء ويمكن حد يكون شايف الموضوع غير كدة

كلامي دة بعد تفكير عميق فى الموضوع ودة راي شخصي

**أحمد جودة** · 23-04-2013 09:40 AM

والله

المشاركة الأصلية كتبت بواسطة sword00

الف شكر للردود الجميله دى
وبالنسبه لموضوع الانجكشن فالميكانيكى اللى عملها قال كده فعلا وانه انه هيكون مكلف
وان شاء الله فى واحد صديقى بيفهم فيهم كويس هنشوف العربيه تانى لانه مسترخص

تمنها

والله كنت عاوز أقولك كدة بالنسبة لتمنها فية حاجة مش مفهومة علشان
بس الاهم تاخد معاك واحد فاهم كويس جدا يقدر يقييم حالة العربية وكمان يعرف عيوبها

وكمان ملحوظة ياتري أخبار الورق والرخصة بتاعتها اية سارية ولا لاء
وابعد عن اى توكيلات وخصوصا فى الظروف اللى بتعيش البلد فيها حالياً وبالتوفيق بإذن الله
ومتنساش تقولنا عملت اية

**benmatar** · 25-04-2013 02:06 PM

الشاسيه سليم؟؟؟
لازم يكون 100% مش 99
وبصراحة أي حاجة تانية محلولة ورخيصة وسهلة في الفيليشيا قاهرة الصحاري

الموضوع: ايه رايكم فى فليشا

LinkBack

أدوات الموضوع

عرض

-

-

-

-

-

المواضيع المتشابهه

فليشا 96 ولا اونو 2001

فليشا وش اوكتافيا vs فابيا

سكودا فليشا وش اوكتافيا موديل 2000

السعه التريه للتانك البنزين - فليشا 97

فليشا و لا سويفت

الكلمات الدلالية لهذا الموضوع

المفضلات

المفضلات

ضوابط المشاركة