الموضوع: متاريس الحديد فى الشارع !!!! المشكلة و الحل من وجهة نظركم

المشاركة الأصلية كتبت بواسطة el diesel

ايدى على كتفك شقة ووظيفة ويا سلام لو عروسة كمان وانا اتشرف ابقى جارك هناك :)

ياباشا انت بس اعمل زيارة هنا واللى هتشاور علية هجبهولك
بيت او عروسة او وظيفة

المشاركة الأصلية كتبت بواسطة raedegypt

حلها بسيط . يتعمل محضر لكل السيارات ال عامله الماتريس دة وقضيه اشغال طريق بما يعادل 20000 ج او عدم تجديد الرخصه ايهما افضل للمشرع وطبعآ كل مكان فيه الحديد تلاقى العربيه ومعروفه من نمرها ومن يمتلكها. لو كدة الحزم الفوضى تختفى . نفس الكلام لاصحاب الابراج لو الجراج استغل كمخزن ( المؤجر والمستآجر ) كلاهما قضيه بسحب رخصه مهنه المقاولات لو كان صاحب البرج مقاول وسحب ترخيص التاجر اذا كان فى الغالب مستورد او .... الخ ياسلام والله تختفى هذة المشكله للابد هى عايزة الحسم دة

السلام عليكم ورحمه الله
وهل لما صاحب سياره يتركها فى الشارع وحاجز مكان مش امام منزله لمده اسبوع او سبوعين تعمل معاه ايه - هل الشارع اصبح جراج لاركن السياره وارتركها لاسابيع.

السلام عليكم ورحمه الله
المشكله لها شقين :
الشق الاول يجب الضرب بيد من حديد على اصحاب العمارات الذين اقاموا عمارات بدون جراجات وايضا المحاسبه بشده اداره الاحياء الذين تابعوا تنفيذ العماره بدون جراج - وسمحوا ببناء عماره 12 دور مثلا فى شارع عرضه 8 - 10 امتار وطبعا كل دور لن تقل الشقق فيه عن 2 - 4 شقه وشوف كام سياره.
الشق الثانى المواطن او البيه المحترم الذى يقبل شراء شقه فى منطقه مزدحمه وعارف انه لايوجد مكان انتظار لسيارته حتى لو لم يكن يملك سياره فى الوقت الحالى او لضيوفه وفى الاخر يقعد يعيط - طيب ما الحل كان فى ايدك انت من الاول لو رفضت شراء شقه فى عماره لايوجد بها جراج سوف تبور هذه الشقق وسوف يبحث اصحاب العمارات عن حل لركنه السيارات ولو استدعى التضحيه بالدور الارضى بجعله جراج

محدش يشترى شقه بدون ما يؤمن مكان لسيارته بالعماره وتكون فى العقد .. الدوله والاحياء عليهم دور وبكل بساطه سحب تراخيص كل المقاولين ال اخدوا ترخيص بعمارات بجراجات وقاموا بتاجيرها كمخازن .. لما يجى المقاول يشترى حته ارض ويروح يرخص يلاقى اسمه وشركته او اى شركه مساهم فيها هو او زوجته او اولادة والله ليروح يفتح الجراج بنفسه للسكان لكن الفوضى دة نتيجه عدم الحزم .. الشوارع والطرق العامه ممرات للمركبات وليست جراجات وال عامل حديد قلنا بسيطه لجنه تمر الصباح لحصر اماكن الحديد ونفسها تمر ليلآ لاخذ ارقام السيارات واستيكر على الزجاج بغرامه اشغال طريق برقم لايقل عن 20 الف جنيه وعند التكرار يوضع اسمه لكمبيوتر المرور لوقف تجديد او اصدار رخصه سياره له ساعتها البلد تتلم وينضبط الشارع اما الاخوة الباعه الجائلين على الدوله بسحب بضائعهم ومركباتهم الى مناطق مفتوحه مخصصه لهم وخلونا متحضرين الشوارع والارصفه دة شكل الدوله ومظهرها ومستوى تحضرها

المشاركة الأصلية كتبت بواسطة raedegypt

محدش يشترى شقه بدون ما يؤمن مكان لسيارته بالعماره وتكون فى العقد .. الدوله والاحياء عليهم دور وبكل بساطه سحب تراخيص كل المقاولين ال اخدوا ترخيص بعمارات بجراجات وقاموا بتاجيرها كمخازن .. لما يجى المقاول يشترى حته ارض ويروح يرخص يلاقى اسمه وشركته او اى شركه مساهم فيها هو او زوجته او اولادة والله ليروح يفتح الجراج بنفسه للسكان لكن الفوضى دة نتيجه عدم الحزم .. الشوارع والطرق العامه ممرات للمركبات وليست جراجات وال عامل حديد قلنا بسيطه لجنه تمر الصباح لحصر اماكن الحديد ونفسها تمر ليلآ لاخذ ارقام السيارات واستيكر على الزجاج بغرامه اشغال طريق برقم لايقل عن 20 الف جنيه وعند التكرار يوضع اسمه لكمبيوتر المرور لوقف تجديد او اصدار رخصه سياره له ساعتها البلد تتلم وينضبط الشارع اما الاخوة الباعه الجائلين على الدوله بسحب بضائعهم ومركباتهم الى مناطق مفتوحه مخصصه لهم وخلونا متحضرين الشوارع والارصفه دة شكل الدوله ومظهرها ومستوى تحضرها

افاكار حلوه ولكن فى بلد محترم مش متخلف من العالم العاشر