الموضوع: تصادم 26 سيارة على الطريق الدائرى وسقوط بعضهم من أعلى الكوبرى...!!!

المشاركة الأصلية كتبت بواسطة mahmoud_anwar

انا مش فاهم حاجة
يعني عايز تقول مرسي هو السبب
تاني شيئ ايه صحة دليلك
سبحان الله ياجماعة اي اشاعة علي الاخوان الناس تمشي وتصدقها ولما تيجي اشاعة علي جبه الخراب ولا شوية البلطجية الي اتغير اسمهمفي عهد حسني مبارك من رجال اعمال الي ناشط سياسي متعرفش جب فلوسة منين ومتعرفش ربنا غنة مرة وحدة ازاي بعد الثورة ويقولك انا نشط سياسي وبستعجب والله علي الشباب الي المفروض متعلمين وبيصدقوهم
بجد احلي كلمة لي البلد دي عجبي

ايوه عايز اقول ان مرسي مسئول و اللي تحته -رئيس الوزرا- و اللي تحته و اللي تحته لحد اصغر طرف متسبب في الحادث ، مرسي مش اه اللي بينزل يسبب الحادثه او هو اللي يتسبب في الاهمال ... بس طالما انت رضيت و سكت و خلص المولد علي كده كبيري اطلع اقول "بوقين" في التلفزيون و دمتم يبقي غلطان و مسئول و ذنب كل واحد بيروح و مبيجيبش حقه في رقبته ، الصح ان من الاول اجيب حكومه مسئوله مكونه من ناس فعلا عارفه هي بتعمل ايه و لو لا قدر الله جبت الحكومه دي و حصلت مشكله لازم اعرف مين اللي غلطان و يتحاسب و الا هيتكرر الغلط تاني و تالت !! ، حضرتك بتقول ايه صحة دليلك ، دليلي علي ايه ؟ ان كان في حادثه ولا تقصد غيرها من الاخبار اللي نص الشعب بيأكدها و النص التاني بينفيها !!! اذا كان ردي اصلا ان الموضوع بقي متخبط نطلع الاشاعه او الخبر الحقيقي و تاني يوم نكدبه و نقول لا مش صحيح و علي فكره مش كله اشاعات في اخبار كتير حقيقيه زي ما في اخبار كتير مغلوطه

و ايه علاقة جبهة الانقاذ ولا رجال اعمال النظام السابق بالكلام ده هو المفروض هما اللي يعرفوا مرسي يعمل ايه و يتصرف ازاي ؟!!!!!!! و مين قال ان ليهم مصداقيه عن غيرهم عندنا ؟ اللي فعلا يخلي الواحد يقول عجبي لما تشوف الناس مغميه عنيها و مصره تشوف اللي عايزه تشوفه تشوف الغلط و هي عارفه من جواها انه غلط بس برضه مرسي صح و نظامه حكيم و جبهة الخراب و حمضين منهم لله خاربين البلد طب لو اتوفوا الناس هتقول مين المتسبب ؟ عموما لسه في الصوابع الخفيه و خلافها و المشاريع الصهيو لمون امريكيه

معلش علي التطويل بس تعليق اخير علي رد حضرتك في التعليق اللي قبلي علطول ، هو حضرتك فعلا اللي شايفه من الشباب اللي حواليك انهم عايزين يشتغلوا مديرين ادارات يا اما مفيش و عايزين يقبضوا مليون جنيه يا اما بلاش و يا يركب X6 يا اما بلاش !!!!! و ان الشعب كله مش هيعجبه العجب و ان لو جاله رئيس كويس خايف علي البلد و فعلا ماشي علي خطه و ملامحها واضحه و البلد حالتها من اسوأ الي سيء الي جيد ... و هكذا برضه الشعب هيعترض عليه ؟ و يعني حضرتك عارف انه لو حتي خد مده تانيه مش هينجز كتير في البلد اومال ليه ضحكوا علي الناس و قالوا مشروع النهضه و عملوا البحر طحينه و صورلك التقدم و بعد اول ١٠٠ يوم حالنا هيبقي ازاي و بعد اول مده هيبقي حال البلد ازاي يا راجل و لسه مصدقهم !!! و بالنسبه للشباب بقي فانا مش عارف ايه اللي جاب التصور ده في دماغك يعني اومال مين اللي متشحططين في الميكروباصات و المتروهات و علي رجليهم في الشارع كل يوم بيلفوا علي وظايف مصر كلها ؟ طب مين اللي شغالي سواقين تاكسي و هما خريجين طب و هندسه !! طب مين اللي بيبيعوا مجالات علي الارصفه و هما المفروض يبقيوا مخرجين افلام و خريجين اعلام ؟ طب بلاش كل دول مين اللي ماسكين وزارت و مراكز بحثيه او اعلاميه او استشاريه و هما حتي مش متخصصين في المجال بتاعهم ؟!!!!!!! طلبي منك بجد تقعد تفكر يوم كده مع نفسك مش لازم تشرك حد معاك و تشوف بأمانه الكلام ده راضي ضميرك ولا لأ شوف كده مجري الاحداث بحياديه و ساعت ما تلاقي نفسك بتقول شويه الاخوان و الرئيس غلط و شويه بتقول المعارضه هنا غلط و شويه بتغلط الاتنين ... الخ هنبقي فعلا حطينا ايدينا علي اول الطريق للحل بداية اي حاجه الاعتراف بالغلط او المشكله و بعد كده نبتدي نشوف حلها .... يعني ببساطه سهل جدا ان الريس يسيبه من كل الكلام اللي بيتقاله و يحط حكومه من جهابذه و دول اصلا مستنيين يخدموا بلدهم سهل جدا انه يبتدي عصر جديد و يعرف الناس علي الاوضاع و الحلول و هيبقوا معاه مش عليه الحل سهل حتي لو بياخد مده طويله

ارجو اني مكنش ضايقتك بكلامي انا حبيت بس اوضحلك وجهت نظري و في كل الاحوال لا انا و لا حضرتك هيستفيد او هيتضرر من رأيه ان كان في اتجاه او عكسه ، المنفعه الوحيده هي في انك تقول اللي شايفه هيفيد البلد لان بالتبعيه حالنا هيتحسن معاها

المشاركة الأصلية كتبت بواسطة mahmoud_anwar

خلاص روئيتك وضحت ومتزعلش مني انتا بتقول نفس الي بيقولة حمضين والبرائعي
هتقولي لا وده رائي هقولك انتا هتضحك عليا اهو فديو يثبت نفس اسلوب كلامك او انتا نفس اسلوب كلامهم

حتي لو كلامي زي كلامهم فده كلام انا قايله من دماغي و مقتنع بيه و حضرتك من كلامك محسسني ان كل كلمه بيقولوها هي كفر و غلط و ده اللي انا كنت بوصيك بيه انك تسيبك من مين قال ايه و تبتبتدي تشوف ايه صح و ايه غلط مفيش حد صح علي طول الخط ولا في حد غلط علي طول الخط

المهم انا عايز حضرتك تقولي كنت شايف ازاي ان مرسي يعمل حكومة زي ما انتم بتحبمة بيها ؟؟؟؟
في ظل ان اغلبية الشعب في ايام مبارك رجال اعمال وهيا الي كانت دايرة البلد ولما مسك مرسي وهمش هيكون في تبدية احد عن احد كلهم بيحولو يغرقة البلد من قلة استثمار واشياء كثيرة

الحل بسيط جدا وضع الرجل المناسب في المكان المناسب طب و ايه اللي هو عمله وضع الرجل القريب و غريب مناسب في اماكن كبيره جدا عليهم و ياما الناس قالوا متجيب الخبير الفلاني اللي ليه مكان علامي في كذا و الخبير ده لما يسألوه يقولهم محدش طلب مني و انا عايز افيد بلدي قيس بقي علي الكلام ده كل حاجه اقتصاد و انشاء و ثقافه و تعليم و صحه ... الخ دي البدايه ثانيا عندك مشروع حقيقي اسمه النهضه اشتغل فيه معندكش و لسه دي طموحات مكنتش تعلق الناس بيه و تحسسهم ان حياتهم هتبقي احسن

اما بي خصوص الشباب حضرتك لو نزلت وبصيت امام كل جامعة انا شكك ان العلاقة مشعلاقة صداقة وانا شاب والله برضة وعني 23 سنة بس الي بشوفة بجد حاجة قلة ادب وليه اصحاب بيصطبحة وحياتهم كلها اصطبحات هو ده الشباب وبنطلونة ساقط وشفت خناقة سوق ميكروباص في مدينة نصر شاب كان هيقتل شاب زي ودسه فعلآ بي العربية بس الله اعلم هو مات ولا لا هو امامي كان بيتنف بصعوبة لغاية ما الناس جريت بية والسبب ربع جنية ياعم انتا بتحسسني ان الشباب كلها الداعية مصطفي حسني

لا دي بقي رواسب حياه نيله بنعيشها من ايام مبارك مع امن و رقابه انعدم في ما بعد الثوره عمل الحياه الزفت و الادمان ده و مع ذلك لسه في امل و شفت ناس فاقوا من العك ده الحمد لله بس برضه ارجع و اقولك و ايه اللي خلاهم بالشكل ده هو انت لو وراك شغل و قدامك مستقبل و حياتك ماشيه مش واقفه من مجاميعه هتبوظ حياتك بايدك ؟ ولا الشباب ده لقاها سوده من كله فإتجه للاسلوب ده علشان متصور انه بيبسطه او بيعوض عليه و ده طبعا تفكير غلط جدااااا و ربنا يهدي الناس

اما بخصوص الشباب العاطل اذا كان مافيش استثمارات وكل رجال الاعمال في مصر بيحربة مرسي واكبر دليل سويرس يبقا هيشغل الشباب فين ؟؟؟؟؟؟؟؟؟؟؟؟؟؟؟ يااستاذ هيا منظومة انتا عملت ايه علشان خاطر ترفع من مصر ومن غيرك ؟؟؟ دي الفكرة لكن احنا عاملين زي الاعلان دة بي الظبط

رأيي بلاش نبرة المؤامرات لأن لو الحكومه او الرئيس وفر فرص عمل ساويرس او غيره مش هيقدر يمنع الشباب من الشغل تقدر تقول ان دي بس حجه الحكومه و المسئولين بيعلقوا شماعة عدم نجاحهم عليها مش اكتر

انا عايزك تقولي علي حاجة شايفها غلط وتقولي حالها لكن متقعدش تقول كلام كده انا مش فهمة والناس كلها مش فهماة والله زي ملبقولك

يا استاذي الفاضل ايه اللي مش مفهوم في كلامي بس :) انا عموما في كلامي اللي قلته كنت بقول برضه بعض الحلول و لو الرئيس عرف يوصل لانه يسمعني و يسمع غيري و غيري من الشباب و اقتراحاتهم و حلولهم او يسمع الناس اللي صوتها بيروح في الاعلام او غيره من المثقفين مكنش حالنا بقي كده والله و تحياتي لحضرتك

المشاركة الأصلية كتبت بواسطة mahmoud_anwar

سؤال
ممكن تشرحلي وضع مصر من اول الملك فاروق لغاية مبارك ؟
الاجابة من وي خيالي ان الجيش تصارع علي انه هو الي يكون الحاكم وجيه محمد نجيب وتأمرة علية ولعبة كلها لعبة سياسية كلها في غاية الوصول الي الكرسي تمام ده من وحي خيالي يعني البلد من اول نجيب لغاية مبارك فضل المرض بدل ماهو صغير ومش باين فضل يكبر تمام ومافيش اي اهتمام بية
سؤال تاني
كم تبلغ مساحة مصر ؟؟؟
سؤال رابع كم تعداد سكان مصر ؟
سؤال خامس كم نسبة الجهل في الشعب المصري؟

اعتبر نفسك جوبت علي كل الاسئلة دي تمام التمام وحطيط الارقام
شايف ان ال9 شهور كفيلة اني حتي لو وعدتك احققها ؟؟؟
طيب مثال انا مثلآ اهلي ناس وسط تمام لا اغنياء ولا فقراء الحمد الله اللهم اغني المسلمين جمعآ يارب
المهم جيه ولدي مثلآ قالي وانا في الثنوي ذاكر وهجبلك احلي عربية احلي عربية دي ملهاش سقف ممكن لمبر جيني ممكن فراري ممكن ججور ممكن استن مارتن لكن هو معيشتة مش هيقدر يحقق كل ده ليه لي ان فيه كذا فرد في البيت بيصرف عليهم وكذا فرد كل واحد مش عجبة حالة والي عاجبة حالة وهكذا فا جبلك عربية شاهين هيا دي علي قد مقدرتة انتا بقا ممكن ترضي وتقول الحمد الله احسن من غيري ومصيرها هتفرج واكيد هيكون في الاعلي مع الوقت وممكن تكون انسان ساخط وانا مش قدي حاجة علك ده مثال ماترضاش وتقول انا عايز احلي عربية وانتا مجبتليش حاجة مع انه علي قد مقدرتة حول يجبلك حاجة في ظل الظروف المالية الصعبة ده بي الظبط حال الشارع المصري الي مسلم ودنة لي التلفزيون وجبه الخراب حال البلد البلد من ايام نجيب الي مبارك وهيا في صراع من الجيش للسلطة فا الي عايز اوصلهولك ان البلد دي مش هتقوم وتبقا زي اقولك ايه بلاش نشبها بي دولة اجنبية علشان هما سبقنا بي 100 سنة ضوئية بلد خليجية البلد دي فضل له 20 سنة وتجني ثمار الديموقراطية بعد العلام وركز علي العلام والاحترام كمان هتوصل ممكن زي الكويت او الامارات بس الصبر ده كل الي عادي 9 شهور مش 9 سنين يعني

يا استاذ محمود اولا خارج السياق انا برضه الحمد لله من اسره متوسطة الحال و فاهم وجهت نظرك بس اللي عايز اصححهولك انك برضه مقرتش كلامي او فهمت قصدي بعد كل الكلام اللي كتبته الا و هو اني مش بقول مرسي او الحكومه تعمل البدع ، انا بقول يمشي علي الطريق الصحيح لتنمية الدوله و توقيفها علي رجليها انما حالنا دلوقتي زي رب الاسره اللي واخد عيلته و رايح علي اسكندريه و راكب قطر اسوان كل ما حد يقوله الطريق كده غلط مش هنوصل يقوله اديني فرصه ده لسه مفاتش من زمن الرحله الا ساعه طيب ما انت في الاخر ماشي عكس اتجاهك مش لازم تستني لما نوصل اسوان علشان تصدق ، العيله مش طالبه تغمض عينيها و تفتحها تلاقي نفسها في اسكندريه كل المطلوب نبتدي نروح نركب قطر اسكندريه هذا هو كل المطلوب و ليا طلب اخيييييير ارجوك شيل من دماغك حوار جبهة الخراب و البرادعي العميل و حمدين اللي عايز الكرسي و اسمع منهم و من غيرهم و لما يبقوا علي الحق قول دول علي الحق و لما يكونوا غلطانين قول دول غلطانين