السلام عليكم علي كل أعضاء المنتدي وخصوصا رجالة الريو الجديده ياجماعه انا بكره بإذن الله مسافر الغردقه بالعربيه والنهارده رايح علي القاهره اوتو تشييك سريع علي العربيه عايز نصايحكو ليا وخصوصا اني اول مره اسافر بالعربيه
وجزاكم الله كل خير
عرض للطباعة
السلام عليكم علي كل أعضاء المنتدي وخصوصا رجالة الريو الجديده ياجماعه انا بكره بإذن الله مسافر الغردقه بالعربيه والنهارده رايح علي القاهره اوتو تشييك سريع علي العربيه عايز نصايحكو ليا وخصوصا اني اول مره اسافر بالعربيه
وجزاكم الله كل خير
تسافر و ترجع بألف سلامه
أهم حاجه كل لما تلاقى محطه بنزين فول على طول (فيه مسافه كبيره بين بورتو لحد قبل الغردقه بشويه مفهاش غير محطه واحده أو أتنين و كان مفهاش بنزين ساعتها)
الطريق حلو بالنهار و ممكن تجرى براحتك بس حاول متسفرش بليل حتلاقى نور الى قدامك (المعاكس) ضارب فيك و كمان علشان الأمان
الريو عربيه جميله و مريحه فى السفر
الله يسلمك ياجميل وشكرا علي النصيحه بس في العموم هو تانك العربيه مايوصلش للغردقه انا استهلاك البنزين عندي بيعمل من 6.5 إلي 7.2 لكل 100 كيلو
حضرتك ده الاستهلاك المثالي ، يعني علي سرعه ٩٠ ويكون مفيش هواء علشان المقاومه وحاجات تانيه كتير ، المهم فعلا تخليك مفول علي طول ومش تقف لاي سبب علي الطريق مهما كانت الظروف واتزنأت .... بالسلامه انشاء الله
انا بفاكر اسافر اسكندريه يوم الخميس وده اول مره اسافر سوقه واول مره بعربيه تنصحونى بايه قبل السافر
شكلك قلقان والقلق او الخوف في السواقة من اول اسباب المشاكل في القيادة خدها مني الكلمة دي بجد
السواقة دي قرار واحد هتاخده على الطريق اخدته اتحمل مسؤليته لكن هتاخد قرارين يعني هتقول اطلع على ده ولا استني وتقعد تتلخبط هتلاقي نفسك خبط في اللي قدامك او فرملت فجأه خبط فيك اللي وراك
اسمعها مني - متخوفش نفسك ثقتك كبيره في ربك وفي عربيتك بعد ما تكشف عليها قبل السفر وعلى سلامتها والعمر والصحة والسلامة نعمة وفضل من ربك اولاً واخيراً
واوعي تقلق او تخاف وانت سايق - هتضيع نفسك كده
لكل الرجاله الى عاوزه تسافر لا تقلقوا توكل على الله زى محمد بيك مقال و تشيك على عربيتك و تتوكل بعدها وانت مطمئن ان شاء الله :
اهم التشيك على العربيه قبل السفر :
1- مراجعه ضغط الكاوتش و هو بارد و ياسلام لو كان نيتروجين
2- مراجعه السوائل بالنظر ( مياه - زيت فرامل - زيت موتور ) و التأكد ان كله تمام التمام
3- تربيط العفشه
4- مراجعه الزوايا لو العربيه فيها زوايا
5- التأكد من وجود الاستبن و ضغط الهواء فيه وايضا المثلث العاكس و العده و الكوريك
لو كله تمام يبقى توكل على الله و رحله سعيده