مطلوب نصايح من رجالة الريو 2013

**mohamed moataz** · 22-04-2013 11:19 AM

السلام عليكم علي كل أعضاء المنتدي وخصوصا رجالة الريو الجديده ياجماعه انا بكره بإذن الله مسافر الغردقه بالعربيه والنهارده رايح علي القاهره اوتو تشييك سريع علي العربيه عايز نصايحكو ليا وخصوصا اني اول مره اسافر بالعربيه
وجزاكم الله كل خير

**Tmhami** · 22-04-2013 12:31 PM

تسافر و ترجع بألف سلامه
أهم حاجه كل لما تلاقى محطه بنزين فول على طول (فيه مسافه كبيره بين بورتو لحد قبل الغردقه بشويه مفهاش غير محطه واحده أو أتنين و كان مفهاش بنزين ساعتها)
الطريق حلو بالنهار و ممكن تجرى براحتك بس حاول متسفرش بليل حتلاقى نور الى قدامك (المعاكس) ضارب فيك و كمان علشان الأمان

الريو عربيه جميله و مريحه فى السفر

**mohamed moataz** · 22-04-2013 12:53 PM

الله يسلمك ياجميل وشكرا علي النصيحه بس في العموم هو تانك العربيه مايوصلش للغردقه انا استهلاك البنزين عندي بيعمل من 6.5 إلي 7.2 لكل 100 كيلو

**yehiaseg** · 22-04-2013 01:22 PM

حضرتك ده الاستهلاك المثالي ، يعني علي سرعه ٩٠ ويكون مفيش هواء علشان المقاومه وحاجات تانيه كتير ، المهم فعلا تخليك مفول علي طول ومش تقف لاي سبب علي الطريق مهما كانت الظروف واتزنأت .... بالسلامه انشاء الله

**2CODE** · 22-04-2013 02:21 PM

المشاركة الأصلية كتبت بواسطة mohamed moataz

الله يسلمك ياجميل وشكرا علي النصيحه بس في العموم هو تانك العربيه مايوصلش للغردقه انا استهلاك البنزين عندي بيعمل من 6.5 إلي 7.2 لكل 100 كيلو

ده استهلاك الممتاز على متوسط جوه البلد والطريق - على الطريق هتعمل اقل من كده لان معروف استهلاك جوه البلد غير استهلاك الطريق

وانت كده تمام طالما رايح تعمل التشيك يبقى مفيش غير اذن ربك بس يكون معاك للوصول والله ينور طريقك

**aouelfotouh** · 22-04-2013 02:30 PM

انا بفاكر اسافر اسكندريه يوم الخميس وده اول مره اسافر سوقه واول مره بعربيه تنصحونى بايه قبل السافر

**2CODE** · 22-04-2013 04:32 PM

المشاركة الأصلية كتبت بواسطة aouelfotouh

انا بفاكر اسافر اسكندريه يوم الخميس وده اول مره اسافر سوقه واول مره بعربيه تنصحونى بايه قبل السافر

شكلك قلقان والقلق او الخوف في السواقة من اول اسباب المشاكل في القيادة خدها مني الكلمة دي بجد

السواقة دي قرار واحد هتاخده على الطريق اخدته اتحمل مسؤليته لكن هتاخد قرارين يعني هتقول اطلع على ده ولا استني وتقعد تتلخبط هتلاقي نفسك خبط في اللي قدامك او فرملت فجأه خبط فيك اللي وراك

اسمعها مني - متخوفش نفسك ثقتك كبيره في ربك وفي عربيتك بعد ما تكشف عليها قبل السفر وعلى سلامتها والعمر والصحة والسلامة نعمة وفضل من ربك اولاً واخيراً

واوعي تقلق او تخاف وانت سايق - هتضيع نفسك كده

**Mohab555** · 22-04-2013 06:35 PM

لكل الرجاله الى عاوزه تسافر لا تقلقوا توكل على الله زى محمد بيك مقال و تشيك على عربيتك و تتوكل بعدها وانت مطمئن ان شاء الله :
اهم التشيك على العربيه قبل السفر :
1- مراجعه ضغط الكاوتش و هو بارد و ياسلام لو كان نيتروجين
2- مراجعه السوائل بالنظر ( مياه - زيت فرامل - زيت موتور ) و التأكد ان كله تمام التمام
3- تربيط العفشه
4- مراجعه الزوايا لو العربيه فيها زوايا
5- التأكد من وجود الاستبن و ضغط الهواء فيه وايضا المثلث العاكس و العده و الكوريك

لو كله تمام يبقى توكل على الله و رحله سعيده

**aouelfotouh** · 22-04-2013 08:18 PM

المشاركة الأصلية كتبت بواسطة mohab555

لكل الرجاله الى عاوزه تسافر لا تقلقوا توكل على الله زى محمد بيك مقال و تشيك على عربيتك و تتوكل بعدها وانت مطمئن ان شاء الله :
اهم التشيك على العربيه قبل السفر :
1- مراجعه ضغط الكاوتش و هو بارد و ياسلام لو كان نيتروجين
2- مراجعه السوائل بالنظر ( مياه - زيت فرامل - زيت موتور ) و التأكد ان كله تمام التمام
3- تربيط العفشه
4- مراجعه الزوايا لو العربيه فيها زوايا
5- التأكد من وجود الاستبن و ضغط الهواء فيه وايضا المثلث العاكس و العده و الكوريك

لو كله تمام يبقى توكل على الله و رحله سعيده

شكرا مستر مهاب دايما نصيحك بتجى فى وقته وبارك الله فيك وجزاك كل خير