اية يا شباب رائيكم
اشتري باكية ولالا ؟
الجراج باب واحد
انا معايا لادا (بدور علي واحدة حاليا )
تقريبا سعر الباكية حوالي 20000
التاجير ب 120 شهريا
الشارع زحمة بليل علي طول الضهر بيكون فاضي
لو جبتها وحبيت ابيع حخسر؟؟؟,,ينفع اؤجرها؟؟؟؟ لو بعت عربيتي مستقبلا
رأيي أجرها احسن
أشترى ثم أشترى ثم أشترى
أنا غلطت الغلطه دى ما أشتريتش وقلت اأجر ودلوقتى كل أول شهر بحط إيدى على قلبى أحسن صاحب الجراج يقولى مع السلامه
الموضوع ده ليه شقين
الأول مكان للركنه
و الثاني صيانه للعربية
و بما ان العربية لادا و من مميزاتها رخص قطع الغيار يبقى مش هتحط ايدك على قلبك لو ركنتها ركنه حلوة في الشارع زي ما لو كانت من البلاوي اللي بـ 200 الف ولا ميجان ولا أي حاجة قطع غيارها غالية و بتتبهدل بسرعة
اللادا بسم الله ماشاء الله حمولة و غطاء كويس و انتهينا
انما موضوع الركنه هو المشكلة يبقى انت شوف الحكاية دي تستاهل 20.000 الف ؟؟؟؟
لو هاتأجرها بعد ما تبيعها تبقى مش محتاجها فعليا (يبقى فلوسك في جيبك و ابني في حضني)
من رأيي كده أجرها سنة و للا سنتين قدام مرة واحدة هاتدفع 120 *12=1440 جنيه في السنة و ضمنت ركنه كويسة و ماتعورتش في فلوس جامدة
و بعدين ربنا يحلها
20000 بس ؟؟؟
تعالى هنا عندى على أول الشارع فى عمارات الدلتا فى زيزينيا فى اسكندرية سعر الباكية سنة 98 كان 35000 الف و دلوقتى اسمع انها وصلت 65000 يعنى ثمن عربية زيرو صغيرة.
من رائى حط ال 20000 دول فى البنك و ايرادهم صلح بيه العربية لو حصلها حاجة او ادفع بيهم ايجار الجراج
شكرا لردك يا غالياقتباس:
المشاركة الأصلية كتبت بواسطة dehumanizer
شكرا لرلدك يا باشااقتباس:
المشاركة الأصلية كتبت بواسطة mo3tazelgamal
بس علي فكره انا حقسط المبلغ دة
يعني ممكن اخدها ل 25 بس قسط
شكرا لردك يا باشااقتباس:
المشاركة الأصلية كتبت بواسطة Ahmed Samy
بس انا معايا لادا دلوقت
مش عارف كمان سنتين يكون معايا اية
اكيد حغير
وانا لو اجرتها وحطيت الفلوس في البنك مهو قيمة الجنية بتقل ,يعني لو حيجي لي فايدة في الشهر 200 جنية كمان سنتين تلاتة الباكية حتزيد وقطع الغيار حتزيد والفائدة حتقل وقيمة الجنية حتكون ضعيفة جداا
طبعا يا باشا ودة عشان زيزنيا مش ميامياقتباس:
المشاركة الأصلية كتبت بواسطة gemino
وكل منطقة ولها سعر
يبقى اشترياقتباس:
المشاركة الأصلية كتبت بواسطة hamadaalo2002
مادام انت بتفكر كده (و تفكير سليم طبعا)
توكل على الله
ربنا يكرم ان شاء اللهاقتباس:
المشاركة الأصلية كتبت بواسطة Ahmed Samy
بس
الشراء بيكون بعقد اكيد؟
بيتحدد لي مكان معين ؟ ولا اية ؟
طبعا بعقد و خريطة مختومه
مش دي حتة ارض ؟؟؟
اوعى تشتري على المشاع كده لأن أكيد في مكان احسن من مكان
لو المبلغ مش فارق معاك إشترى طبعا
العربيات كل يوم بتزيد و بعد كده مش حنلاقى مكان نمشى فيه مش نركن فيه
اقتباس:
المشاركة الأصلية كتبت بواسطة hamadaalo2002
مستحيل ثم مستحيل تخسر فيها لو حبيت تبعها
واحد صاحبي كان هايشتري باكية في سموحة بـ 6 آلاف جنيه ومشتراش
عرف بعد كدة ان الباكية دي اتباعت بأكتر من 30 ألف جنيه
فيه ناس بتشتري استثمار :)
اية يا باشا موضوع الخريطة دة؟؟؟اقتباس:
المشاركة الأصلية كتبت بواسطة Ahmed Samy
ومصاريف الجراج من مياة وكهرباء وضعها اية؟
كلام منطقي طبعا يا باشااقتباس:
المشاركة الأصلية كتبت بواسطة sharky
أنا أول مرة أسمع الكلام ده ... احنا فى الأقاليم فى رحمة من زحمة العاصمة - وان كانت بدأت تزدحم برضه -
بصراحة الاخوة قالوا اللي فيه الفايدة كلها..
بالنسبة لحالة سعاتك..
اشتري لسببين..
الاول انك بتصون عربيتك.. اقل حاجة من الوساخة و التراب و ورق الشجر و الكلام ده..
(ده عندنا في القاهرة معرفش انت فين بصراحة ماخدتش بالي..)
والتاني عربيتك لو غيرتها هتبقي الميزة اكبر..
والتالت ان لو كنت مأجر وصاحب المكان حب يزود الايجار مش هتقدر تقوله لأ بعد ما تقعد شوية..
عشان هتبقي حسيت بقيمة المكان و مش هتبقي عايز تسيه..
والرابع انك ضامن في اي وقت الجراج بتاعك محجوز فاضي نضيف و مستنيك في اي وقت..
واهم حاجة و اكتر اهمية من كل اللي اتقال.. استثمار..
مفيش حاجة بترخص في البلد دي حاليا.. كله بيغلي.
و كمان حاجة مكسبها حلال 100% لو حبيت تبيع و مفيهاش ولا ربا ولا اي حاجة..
انا لو مكانك اخد المكان حتي لو مش معايا عربية.. :)
توكل علي الله يا باشا.. و استخير برضة الاول.. و ربنا يكرمك لما فيه الخير..
طبعا تشتريها
بس يكون فى عقد يثبت حقق
لو مش كده يبأى أجرها وأمرك لله
زي الإخوة ما قالوا
1- إشتري.
2- بعقد رسمي.
3- مش علي المشاع
طيب دلوقت الراجل بيتكلم في 25 الف ومفيش تحديد للحصة يعني (زي ما بتقولو علي المشاع) زميل قالي ممكن تخلص علي 20 الف ,اية رائيكم ,مع العلم ان الجراج باب واحد مش بابين
انصحوني
اية المشكلة لو اشتريت علي المشاع يا جماعة؟؟؟
شكل العقد ؟؟ مصاريف مياة وسايس وتنظيف؟دي عليا
اية المشكلة لو اشتريت علي المشاع يا جماعة؟؟؟,شكل العقد ؟؟ مصاريف مياة وسايس وتنظيف؟دي عليا??
اية المشكلة لو اشتريت علي المشاع يا جماعة؟؟؟,شكل العقد ؟؟ مصاريف مياة وسايس وتنظيف؟دي عليا??
عاوز اشتري باكية في الجراج وعاوز اعرف الاجراءت القانونية؟,شكل العقد ,حكاية تحديد المكان والمشاع دي؟ مصاريف الجراج ؟؟ يا ريت كل من عنده معلومة ينصحني ؟
معلش اية هو الباكية ده ؟
مكان في الجراج او حصة في الجراجاقتباس:
المشاركة الأصلية كتبت بواسطة Nistelrooy
شكرا .........
عفوا وفي انتظار رد الزملاء ,ارجو سرعة الرد يا شباباقتباس:
المشاركة الأصلية كتبت بواسطة Nistelrooy
يعني ايه تشتري باكية ؟
هل تقصد تشتري حق انتفاع بباكية ؟
ولا تشتريها تمليك ؟
وما هو شكل الجراج ؟
وهل هو مرخص أم قطعة أرض فضاء صاحبها يستغلها كجراج ؟
انا اقصد اشتري حصة في الجراج بتاع العمارةاقتباس:
المشاركة الأصلية كتبت بواسطة nasr-eldeen
اشتريها تمليك
الجراج تحت الارض
الجراج ليسقطع ارض فضاء لكنة تحت العمارة ولا اعلم اذا كان مرخص ام لا
يا ريت يا جماعة لو اي حد عنده خلفية يرد عليا لاني بجد مش عارف موضوع علي المشاع وتحديد مكان دي اية الفرق بينهم "؟
هل القانون الجديد يلزم المقاول ببيع حصة في الجراج لكل ساكن؟
روح لمحامى افضل ليك وهوا يعملك الصح افضل من انه ينضحك عليك فى الاخر ادفع 200 جنية وهيظبطلك الدنيا ولو فيه مشكلة هيقولك عليها
ممكن اصلا يكون موضوع البيع دا نصب ولا يجوز لصاحب العقار بيع حصص فى الجراج ولو اشتريت يبقى تشترط عدم دفع اى مصاريف للجراج بعد كدا
يعنى ميجيش يقولك ادفع فى النور وادفع فى المياه اللى بتغسل بيها العربية
وشوية عاوزين بقى ندهن الجراج شوفلنا فلوس وبعدين عاوزين نغير بلاط الجراج
وبعدين بلاعة الصرف انسدت وعاوزينك تدفع عشان نصلحها وعاوزين نغيرها دا انت ممكن تخش فى مشاكل لاحصر لها ويكون العقد صريح انك تقدر تبيع للغير لو حبيت مستقبلا او تاجرة للغيير لو سافرت مثلا او عزلت وهكذا الموضوع مش ورقة وخلاص خلى بالك البلد دى عاوزة اللى بيفهم فى القانون كويس