السلام عليكم و رحمه الله
بسأل على حساسات الركن و و حدات الرفع للتيدا 2013 .. منين و بكام؟
يا ريت تشاركوني بمعلوماتكم
السلام عليكم و رحمه الله
بسأل على حساسات الركن و و حدات الرفع للتيدا 2013 .. منين و بكام؟
يا ريت تشاركوني بمعلوماتكم
حساسات الركن ركبتهم للصنى الجديدة فى نيسان ابو رواش ب 425 لأن بيدهنوا الحساسات بلون العربية وبيركب الشاشة فوق المرايا بشكل شيك و كابل الشاشة داخل فرش السقف.
وحدات الرفع ماكانتش موجودة وقت زيارتى للمركز.
أهلا بيك في المنتدي يا أستاذ مصطفي و مبروك عليك العربية..
احب اقولك انك سالت السؤال الصح في المكان الصح.... هههههه ... بهرج طبعاً.
طبعا العربية في الضمان و مش عايزينها تخرج من الضمان.
حا نضطر نركب حساسات الركن في التوكيل و بالأخص في اوتو ايجيبت ب ٤٢٠ جنيه تقريباً
الجهاز بتاعهم جيد و ليس ممتاز. بس المصنعية في الخرم و التركيب و الرش ممتازة.
الجهاز عيبه الوحيد ان الأرقام اللي بتظهر علي الشاشة بتاعته مش دقيقة... لكن بالنسبالي انا يكفيني الصوت و هو دقيق و عالي عشان لو معلي الكاسيت او في منطقة فيها زيطة.
و ده موضوع انا كنت عامله عن الحساسات و فيه صور التركيب الخارجي..
http://www.nilemotors.net/Nile/342196-2013.html
انسي الروافع عشان حاتبقي متوصلة علي السنتر في الحالة بتاعتنا و كل ما تقفل السنتر من جوه تلاقي الازاز طالع في وشك او قافل علي دماغك ولا دماغ عيل من العيال. و التوكيل مش بيركبه و لو ركبته بره، الكهرباء حاتطلع من الضمان...
قفلتهالك... صح؟؟؟ هههه
المنتدي هنا و بالأخص قسم نيسان في ناس أفاضل كتير لن يبخلوا علي أي حد بأي معلومة
انا مش واحد منهم عشان طبعاً
تحياتي
ديه تجربتي للي حضرتك عيزه :
http://www.nilemotors.net/Nile/256534-2011.html
الأفضل تركبه في التوكيل، وخاصة أوتو إيجبت، أنا مركبه في الصني الشكل القديم وممتاز وأرقامه دقيقة، بحيث إنه لما بيديك زيرو مسافة بيبقى كمان سايب مسافة حوالي 10 سنيمترات خلفك، وصوته ممتاز وبيكبوه باحترافية، وخصوصا مكان الشاشة