الموضوع: رسالة لإخواتي في قسم نيسان

سلام عليكم

ردا على الموضوع اللي بيتهم أعضاء citroen بتشويه الصني الجديدة

http://www.nilemotors.net/Nile/348243-a.html

أقسم بالله انا مليش مصلحة في مهاجمة الصني ولا غيرها
هو أنا غاوي خناق يعني

احنا منتدى كبير يا جماعة وفيه ناس كتير بتاخد قرار على أساس اللي بيقروه هنا
يا ريت يبقى فيه حيادية أكتر من كده في النقاش
و زي ما شرحتم مميزات العربية في أكتر من موضوع
لازم يبقى فيه موضوع يوضح العيوب

وفي الاخر الخيار متروك للي هيشتري زي ماقلتم

مينفعش كل ما حد يتكلم على العربية , يبقى على طول بيفتي أو بيشوه
و تهاجموا عربية هو راكبها زي ما تكون حرب !!!!!!!!!!


دي مبادرة مني لانهاء الخلاف ده
لأن أنا مش حابب إن يبقى فيه حد زعلان مني

يا ريت تتقبلوا كلامي ده بصدر رحب

تحياتي ليكم