الموضوع: رسالة لإخواتي في قسم نيسان

المشاركة الأصلية كتبت بواسطة ahmed-adel

سلام عليكم

ردا على الموضوع اللي بيتهم أعضاء citroen بتشويه الصني الجديدة

http://www.nilemotors.net/nile/348243-a.html

أقسم بالله انا مليش مصلحة في مهاجمة الصني ولا غيرها
هو أنا غاوي خناق يعني

احنا منتدى كبير يا جماعة وفيه ناس كتير بتاخد قرار على أساس اللي بيقروه هنا
يا ريت يبقى فيه حيادية أكتر من كده في النقاش
و زي ما شرحتم مميزات العربية في أكتر من موضوع
لازم يبقى فيه موضوع يوضح العيوب

وفي الاخر الخيار متروك للي هيشتري زي ماقلتم

مينفعش كل ما حد يتكلم على العربية , يبقى على طول بيفتي أو بيشوه
و تهاجموا عربية هو راكبها زي ما تكون حرب !!!!!!!!!!


دي مبادرة مني لانهاء الخلاف ده
لأن أنا مش حابب إن يبقى فيه حد زعلان مني

يا ريت تتقبلوا كلامي ده بصدر رحب

تحياتي ليكم

اخى الكريم

احييك على حسن خلقك الكريم
الاختلاف فى الرأى لايفسد للود قضيه

نحن نختلف اذاً نحن نتفق

والاختلاف فى الرأى والاتفاق على الاخلاق

لابد ان يكون الحوار والمناقشه فى حدود اللياقه والاداب العامه

وليس معنى الاختلاف فى الرأى ان يكون هناك تجريح او اهانه

وانا اتفق مع حضرتك

فى انه اذا كان مهما إظهار مزايا اى عربيه فمن الامانه ايضا اظهار عيوبها ومشاكلها

ولاتوجد سياره بدون مشاكل او عيوب

وعلى المستهلك ان يختار مايشاء برغبته دون التأثير على رغبته فى الشراء او إمالته نحو سياره ما بعينها

نحن هنا للتعارف ونقل الخبرات ويكون ذلك فى حدود الاخلاق والاحترام المتبادل

لن نستفيد كثيرا اذا اختلفنا وتعمق الخلاف ووصل الى حد الاهانه والتجريح

لابد لنا ان نكون متحتضرين وحضاريين فى اختلافاتنا

وان يقف الخلاف اذا لم نصل الى نتيجه سليمه الى حد الخلاف فقط ولايصل الى الاخلاق التى تهان او السباب والشتائم

فنحن فى الاخر اخوه قد لايعرف كل منا الاخر معرفه شخصيه ولكن تعارفنا من خلال الكتابات والقراءات

والأسلوب يدل على صاحبه وانا واثق ان كل من فى المنتدى على خلق كريم

ادام الله تعالى تواصلكم بالخير وللخير

تحياتى لكم جميعاً

ما نعمل مقابله لستروين ونيسان و نجرب العربيات عملي و اهو نتعرف على بعض