مقبل على شراء صنى ,, ياريت كل ملاك الشكل القديم يشاركونى النصيحة ضرورى جدا
القصة بتبدأ انى اول ما ركبت ,, ركبت الكورسا السيدان التقفيل البرازيلى ,, وبصراحة كانت مريحانى جدا ومكنتش بحط قطعة غيار الا كل كام سنة ,, وطبعا العربية ناعمة جدا والباور والعافشة ممتازين والسحب قوى
ومن هنا اقتنعت ان الالمانى مفيش زيه ,, وقولت مش حركب الا الالمانى
وبصراحة قررت انى اغير العربية لعربية عائلية اكتر
ومن غير ما احس لقيت نفسى كل ما ادخل المنتدى لازم اول قسم ادخل عليه قسم النيسان ولقيت نفسى مشدود ليها
ومن هنا فكرت فى النيسان الشكل القديم
وكنت محتار جدا بين عربيات كتير
ولكن اللى خلانى احسم قرارى
انى اخدت لفة كبيرة فى الاقسام كلها ,, وبصراحة لاحظت حاجة غريبة جدا
ان قسم نيسان هو اقل قسم الناس بتشتكى فيه من مشاكل العربية ,, غير الاوبل يعنى _ مع احترامى الكامل - مشاكل كتير وغريبة وناس دايخة على قطع غيار وقطع غيار فى السما
لكن فى قسم النيسان ملقتش كمية المشاكل ديه ,, وكمان لقيت معظم الناس بتشكر فى العربية ومبسوطين جدا منها
فقررت ان شاء الله الشكل القديم زيرو
ولو حد حيقولى ليه مش الشكل الجديد ,, حقول فقط عشان الصاج فى الجديدة مقلقنى اوى اوى ,, وحاسس انها ممكن تتبهدل بسرعة ,, وعشان كدة ضحيت بالتكنولوجيا الاحدث فى الجديدة والباور الكهربا:F_eyeb1[1]:
فكان ليا كام سؤال يايت ملاك العربية واللى ساقوها يجاوبنى عليه
بالنسبة للباور بتاع العربية اخباره ايه ,, يعنى ياخد كام من عشرة ؟؟
العفشة ؟؟
اسعار قطع الغيار ؟؟ وتوافها ؟؟
وياريت لو اى نصايح تنصحونى بيها
ويسعدنى جدا انى انضم لملاك الصنى ولهذا القسم المحترم عما قريب بإذن الله
