مقبل على شراء صنى ,, ياريت كل ملاك الشكل القديم يشاركونى النصيحة ضرورى جدا

**mahmoudhanfe** · 22-04-2013 10:55 PM

القصة بتبدأ انى اول ما ركبت ,, ركبت الكورسا السيدان التقفيل البرازيلى ,, وبصراحة كانت مريحانى جدا ومكنتش بحط قطعة غيار الا كل كام سنة ,, وطبعا العربية ناعمة جدا والباور والعافشة ممتازين والسحب قوى

ومن هنا اقتنعت ان الالمانى مفيش زيه ,, وقولت مش حركب الا الالمانى

وبصراحة قررت انى اغير العربية لعربية عائلية اكتر

ومن غير ما احس لقيت نفسى كل ما ادخل المنتدى لازم اول قسم ادخل عليه قسم النيسان ولقيت نفسى مشدود ليها
ومن هنا فكرت فى النيسان الشكل القديم
وكنت محتار جدا بين عربيات كتير

ولكن اللى خلانى احسم قرارى

انى اخدت لفة كبيرة فى الاقسام كلها ,, وبصراحة لاحظت حاجة غريبة جدا

ان قسم نيسان هو اقل قسم الناس بتشتكى فيه من مشاكل العربية ,, غير الاوبل يعنى _ مع احترامى الكامل - مشاكل كتير وغريبة وناس دايخة على قطع غيار وقطع غيار فى السما

لكن فى قسم النيسان ملقتش كمية المشاكل ديه ,, وكمان لقيت معظم الناس بتشكر فى العربية ومبسوطين جدا منها

فقررت ان شاء الله الشكل القديم زيرو

ولو حد حيقولى ليه مش الشكل الجديد ,, حقول فقط عشان الصاج فى الجديدة مقلقنى اوى اوى ,, وحاسس انها ممكن تتبهدل بسرعة ,, وعشان كدة ضحيت بالتكنولوجيا الاحدث فى الجديدة والباور الكهربا

فكان ليا كام سؤال يايت ملاك العربية واللى ساقوها يجاوبنى عليه

بالنسبة للباور بتاع العربية اخباره ايه ,, يعنى ياخد كام من عشرة ؟؟
العفشة ؟؟
اسعار قطع الغيار ؟؟ وتوافها ؟؟

وياريت لو اى نصايح تنصحونى بيها

ويسعدنى جدا انى انضم لملاك الصنى ولهذا القسم المحترم عما قريب بإذن الله

**Sehsss** · 22-04-2013 11:00 PM

أولا.. نورت قسم نيسان
ثانيا.. إن شاء الله مش هاتندم لاختيارك الصني الشكل القديم
ثالثا.. الباور بتاع الصني ثقيل حبتين (مش قوي) بس الصراحة ده بيديك تحكم ممتاز على السرعات العالية وأديله 7 من 10
رابعا.. أسعار قطع الغيار معقولة جدا ومتوفر منها الأصلي (الياباني)، والياباني (غير الأصلي)، والإسباني، والتايواني، والصيني.. تحياتي

**mahmoudhanfe** · 22-04-2013 11:30 PM

المشاركة الأصلية كتبت بواسطة ramy rateb

مؤيد لكلام ا/ حسين تماماً
لكن فيه نقطة انت قولتها انك عايز عربية عائلية اكتر من اللى معاك .. الصنى الشكل القديم عيبها انها ضيقة من جوه .. فأنصحك تشوفها و تقعد فيها من جوه.
و بالتوفيق ان شاء الله

انا شوفتها وهى فعلا ضيقة من ورا ,, بس مش فرق كبير عن الكورسا .. وكمان مش هيكون مشكلة لان معايا اطفال صغيرين ,, يمكن الصنى عرض طول الكنبة اكبر من الكورسا لان العربية اكبر

**_hema** · 22-04-2013 11:45 PM

اخى الكريم

ارحب بك بين اخوتك فى نيسان واهلا بك اخاً كريما عزيزاً بيننا

بالنسبه لنيسان صنى

اسمح لى انقل لى تجربتى

السياره التى معى نيسان سوبر صالون 2011

انطباعى عنها:

1 _ اعتماديه بالدرجه الاولى
2 _ سحب قوى وممتار فى كل السرعات
3_ استجابه سريعه للمواقف الطارئه
4_ ثابته فى السرعات العاليه وفى المنحنيات( مشيت بيها 175كم وهى محمله)
5_ عفشه قويه
6_ تكييف رائع
7_ استهلاك بنزين حسب سواقتك
8_ لو زبطت مسافه الكراسى الاماميه فلن تشعر بضيق الكنبه الخلفيه
9_ موتور قوى وشنطه واسعه
10 - تحكم تام فى السياره من خلال المقود اثناء المناوره بها( واقصد هنا ان الباور بتاعها متوازن) لاهو خفيف لدرجه ان العربيه تميل او تحدف منك جامد ولا هو تقيل التقل اللى يضايقك فى السواقه
11_ بالنسبه للقطع الغيار فيتم ذلك فى التوكيل وبالنسبالى الغالى فى التوكيل رخيص
12 _ ورائها مراكز صيانه محترمه

من الاخره هذه التجاره الرابحه وان شاء الله تعالى لن تندم على اقتناءك نيسان صنى الشكل القديم اما الشكل الجديد فانا لااعرف عنه شيئاً

تحياتى لحضرتك واتمنى ان اكون وفقت فيما اوضحته لك

فماكان من توفيق الا بفضل الله وماكان من تقصير الا من نفسى