قصتي مع الكاوتش ... مازدا 3

**WalidAdel** · 23-04-2013 12:40 AM

دلوقتي يارجالة المازدا انا معايا العربيه اهي الحمد لله بقالها سنه
عندي مشكله مش عارف ابتديت اخد بالي منها مش عارف دي حاجه عموما ولا عندي انا بس
اول ماجيبت العربيه دي قولت اروح ابص علي الكاوتش لاقيت الفردتين اللي ورا متاكلين من ناحية النص اللي جوه و النص اللي بره كويس ... فقولت اجيبهم قدام
جيبت اللي ورا قدام لاقيت الرعشه زادت اوي و مش ظابطه ... فقومت مرجعهم و قولت لما ربنا يسهلها ابقي اجيب اتنين ورا
بس الاول اشوف ايه السبب في أكلان الكاوتش كده ... لافيت علي ميكانيكيه كتير و كل قالي لأ العفشه عندك زي الفل
ياعم بص طيب كويس دراع ميزان مثلا ولا مساعد ولا اي حاجه ... لا لا لا ياباشا كله زي الفل
قولت اروح اظبط زوايا و بالمره اكشف
كله اجمع لا لا لا ياباشا العربيه زي الفل ... دي ليسه جديده و كررت الموضوع ده عند اتنين بتوع زوايا مختلفين علشان اتأكد و فيه واحد فيهم قالي عندك نص سنتي في الفرده اليمين مش هاعرف اجيبه الا بجنط حديد علشان اعرف اعمل قارصه عليه وانا مطمن انه مايتكسرش بس مش هتأثر معاك في حاجه النص سنتي ده
المهم توكلت علي الله و جيبت فردتين و الحياه بقيت مانجا خالص
بعد 30 ألف كيلوا قولت ياواد روح شيك عليهم و اعملهم ترصيص و Rotation و كانت المفاجأه ان الكوتشتين اللي ورا بردوا منحولين من الجزء اللي جوه بنسبه اكبر من الجزء اللي بره ... الكلام ده في بردجستون العبور ... جابلي بتاع الزوايا قالي ياباشا دول مساعدين خفاف هما اللي يعملوا كده
ياعم مساعدين خفاف ايه العربيه عامله 130 الف كيلوا ليسه ... و بعدين لو مساعدين هايبقي فيها لبه من ورا ولا بترقص ولا اي عيب شهير للمساعدين لما تبوظ
فانا مش فاهم فين المشكله الصراحه ... حد واجهه الحوار ده
ملحوظه :
دراع الميزان الخلفي مش بايظ ... لافيت علي كذا ميكانيكي و كلهم اجمعوا انه مش بايظ و اللي ساقها و اللي رفع العربيه و بص عليها من تحت و كله في التمام ... فمال الحل افدكم الله

**speed_magnum** · 23-04-2013 01:02 AM

متابع

**M.Mehrez** · 23-04-2013 01:18 PM

طيب انا هقول اللى انا شايفه و اللى متوقع انه يحصلى زيك كده بالظبط لسبب واحد :) ان العربيه الكاوتش اللى ورا بيبقى عامل زاويه بسيطه من تحت لبره علشان ده بيدى ثبات اكتر و هتلاحظ ان ده مش عيب فى العربيه لان نفس الحركه فى البى ام دبليو بردو :) و ده طبعا لزياده الثبات فبالتاى النص الداخلى بيتاكل اسرع من الخارجى بنسبه مش كبيره اوى يعنى
و لو عايز تشوف الكلام ده اركن العربيه فى مكان مستوى و واسع و اقف ورا العربيه على بعد 10 متر مثلا هتحس ان الكاوتش الخلفى عامل رقم 8 على خفيف :)

ده اجتهاد شخصى و مش كل الناس بتاخد بالها من القصه دى :) متقلقش و النظام ده يطمنك ان العربيه فى اسوء الظروف هتكون فى ثبات و صعب تتقلب :)

**janjon1978** · 23-04-2013 08:48 PM

[QUOTE=M.Mehrez;3874947052]طيب انا هقول اللى انا شايفه و اللى متوقع انه يحصلى زيك كده بالظبط لسبب واحد :) ان العربيه الكاوتش اللى ورا بيبقى عامل زاويه بسيطه من تحت لبره علشان ده بيدى ثبات اكتر و هتلاحظ ان ده مش عيب فى العربيه لان نفس الحركه فى البى ام دبليو بردو :) و ده طبعا لزياده الثبات فبالتاى النص الداخلى بيتاكل اسرع من الخارجى بنسبه مش كبيره اوى يعنى

++++++
that is called negative camber angle
ودى حاجة فى تصميم العفشة نفسها ومفييش عيب عندك و متخليش حد يلعب فى العربية .... هى كده و عيبه فقط ان الداخلى بيتاكل اسرع من الخارجى
see this site
Mazda 3 Rear Tire Wear - Mazda3Club.com

**WalidAdel** · 23-04-2013 11:28 PM

المشاركة الأصلية كتبت بواسطة thebutcherr

ابو و ليد يا عسل, تاكل الكاوتش من الحروف معناها العجلة قالبة , يعنى زوايا !! ملوش اى علاقة بالمساعد
لو ساعد هتلاقى فى عالى و واطى فى الفردة كلها يعنى تمشى ايدك مكان النقشات تلاقى عالى و واطى
فى رايىى هى عاوزة حد بتاع زوايا و عفشجى جامد , كلم سيد عفشة الماظة كيلو 4 و نصف و قوله من طرف شادى الجزار01282845961؟01223432253 و بلاش و حياة عيالك الناس اللى بتفضل تلف عليها دى و حياة وليد يابو وليد

ابو شادي ... هو فعلا ده كان كلام الواد لما قالي الفرده دي لو كانت قدام كنت قولتلك روح ظبط زوايا وووووووووش لكن دي ورا فاكيد مساعد بس انا نفضة اني ارد عليه لان المساعد يعمل عالي وواطي زي مانت قولت كده بالظبط في الفرده كلها و كنت ليسه بقول كده للحاج
في واحد بتاع زوايا مره لاقيته بيدخل العربيه بضهرها علي الجهاز فبقوله اشمعنا قالي علشاشن اظبط الزوايا اللي ورا كويس " احنا اللي دهنا الهوا دوكو"
ياريت بتاع الزوايا ده يكون كفاءه و مايقوليش انها زي الفل و مظبوطه زي اللي روحتلهم قبله ... تشكر ياكبير
مش ناوي نتقابل بقي بدل الكلام من ورا الشاشه ده ولا ايه

**WalidAdel** · 29-04-2013 12:33 AM

المشاركة الأصلية كتبت بواسطة Thebutcherr

يا ريت نتقابل يا نجم , ة
و المازدا بيتظبطلها زوايا ورا

ماخدش منك غير كلام لكن فعل مافييييييييييييييش كالعاده

ظبط وانا فاضي يابرنس

-

-

-

الموضوع: قصتي مع الكاوتش ... مازدا 3

LinkBack

أدوات الموضوع

عرض

-

-

المواضيع المتشابهه

قصتي مع بنزين 80 و المشاكل الى حصلت ليا

قصتي مع وكيل رينو

قصتي مع ورشة التكييف والمغالاه في المصنعية

ياشباب عرفت حل مشكلة زعيق الدبرياج... ودي قصتي

قصة حب حلوة ... قصتي

الكلمات الدلالية لهذا الموضوع

المفضلات

المفضلات

ضوابط المشاركة