جين تو 2006

**a_s_a_o** · 23-04-2013 01:22 AM

السلام عليكم
معروض عليا عربية بروتون جين تو موديل 2006 فابريكة جوة رشة برة معادا السقف مانويال ماشة 205 الف كيلو - تحتاج بعض المصاريف -
محتاجو 2 مساعد خلفى - 2 كوبلن امامى - المالتى فنكشن والكالكس مش شغال فى الطارة فعايزة تتصلح - محتاجة سمكرة بسيطة فى حدود 700 جنيه خدوش فى السيارة - فنوسين شبورة - شحن للتكيف - ومقبض للباب الامامى

العربية اتفيرلها ديسك واسطوانة وردياتيتر من شهر

اتفقت فيها على 44 الف
وانا قلقان من موضوع 200 الف كيلو بالنسبة لحالة المتور او ان العربية تحتاج مصاريف كتير بعد كده

العربية فيها رخصة حتى نوفمبر 2015 باسم المالك وهشترى بتوكيل من حد اعرفه بس هى مش ملكه من الزيرو

وكم اسعار قطع الغيار المطلوبة + المصنعية تقريبا

فمحتاج رايكم للاهمية

وشكرا والسلام عليكم ورحمة الله وبركاته

**Ros** · 23-04-2013 03:18 AM

والله ياباشا انا بفكر ف العربيه دى بس شكلها كده مصاريفها كتير انا رئيى على اللى انت بتقوله ده بلاش منها و استخير ربنا كده و شوف

**محتاج ابترا** · 23-04-2013 02:59 PM

ماشيه كتير العمر الافتراضى للموتور 250 الف كيلو ومصروف كتير اوى
بلاش خليك فى حاجه نظيفه وغاليه مش مشكله المهم متخسرشى فلوسك

**emmer** · 23-04-2013 03:08 PM

والله ياباشا دي ازواق وبصراحه لو انت فاضي وعندك استعداد توضب على مزاجك انت حر بس بصراحه انا شايف ان عربية بالحالة اللي انت بتقول عليها دي سعرها مناسب متنساش انها موديل 2006 والبروتون معروف اما بالنسبة لموضوع التوضيب دي ازواق يعني براحتك هاتركب حاجة ب50 هاتمشي ب100 هاتمشي ولك انت الاختيار وفي حاجة عايز اقول لحضرتك عليها انت لو فكرت تشتري عربية لانسر كريستالة حالتها تعبانة وموديل 99 وتوضبها زي مالناس بتعمل يبقى الافضل تيب دي وتوضبها على زوقك اما بالنسبة لموضوع الموتور ده انا اختلف مع الاخ اللي بيقول 250000 بدليل وجود مواتير شغالة من سنة 80 زي البيجو مثلا بلاش البيجو لتقلوا عمرة وكدة الانسر الكريستالة ياباشا وغيرها المهم انك تتابع موتورك ومواعيد صيانته وشكرا