اقتباس المشاركة الأصلية كتبت بواسطة benmatar مشاهدة المشاركة
استأذن حضراتكو وأوضح نقطة بسيطة بحكم عملي في المجال ده !!!!
الحكاية وما فيها
إن وزارة الصحة الموقرة قفلت الشركات دي بالضبة والمفتاح بسبب عدم مطابقة العينات للمواصفات الصحية..... كلام جميل واللي يسمعه يقول تحيا مصر وهو ده الكلام ولا بلاش.
بس الحقيقة وباختصار دون تفاصيل الموضوع عبارة عن موازنات وحسابات كلمة دنيئة دي شوية، مع شوية جهل معامل وعليهم تعنت وتزمت اعمى، بالإضافة لخليط من الظلم والاستبداد وتمهيد لاحتكارات هتسمعوا عنها قريب زي اللي كنا بنسمع عنها من سنين وكانو بيقولو عنها وكنا عايشينها...
ولو عاوزين تنكلم technical أنا جاهز واللي هيدور ويدعبس في الموضوع ده هيعرف كل حاجة..
لا ياباشا ياريت توضح اكتر بما انوا مجال حضرتك الموضوع ده
يعني انتا قصد حضرتك ان شركات المية دي اتقفلت. ظلماً وبهتاناً ، ومجرد تصفية حسابات قديمة لا اكثر ولا اقل وان الميه كانت سليمة وزي الفل !!

انا اعتقد بعد الي حصل في السوق ده اعتقد ان وزارة الصحة هتحرم تقفل اي مصنع بعد كده وهتمشي على مبدء الي مش هتحتاج وشوا النهردة بكره هتحتاج قفاه :) بكام صحيح التانكل التلاته مرحلة وايه الفرق بينوا وبين سته مرحلة وده بيترمي كل قد ايه ولا بيتنظف ازاي. وتحياتي

اقتباس المشاركة الأصلية كتبت بواسطة أبو صلاح مشاهدة المشاركة
الدول دي مش عبيطة
ممنوع تصدير المياه بكل اشكالها
لو كان ده مفتوح كنت هتلاقي نستلة ومصانع اكبر واحسن منها مغرقة مصر وبسعر لا تتخيله
لان جملتها هنا انا بشتريها بريال يعني 1.8 جنيه
اه واللهِ يا ابو صلالالاح
وهو ده الي كنت عاوز اقولوا الميه في السعودية بقة ارخص من مصر بجد ... لا وهنروح بعيد ليه ماهو تركيا كمان بتصدر ميه من النهر العاصي معقمة ومتعبية في قزايز وطعمها ايييييه ( تدوووب في هواااه ) ومع ذلك انا خايف ان الحكومة بتخاف تستورد او تفتح باب استيراد المياة من الخارج ويطلعلك واحد فلحوس من فلاحسيت التلفزيون ويقلك اتفرج يا عم بص الاخوان باعونا لتركيا وبقوا يجيبوا من عندهم ميه من قلة المية عندنا هههههههه. يعني بجد سبحان الله لا كده عاجب ولا كده عاجب ... وحتى لو الحكومة طنيشة. وسكتت عن الموضوع. هيطلع فلحوس كده زي حلاتي ويكتب موضوع ويقول فين المييييه هههههههههههههه

بس بجد المفروض الحكومة تحبط. كل ازمة مفتعله من ازمات انصار مبارك ... والعابثين بامن البلد ... انا زمان سمعت عن مشروع ان روسيا كانت عاوزة تصدر ميه للخليج ... فمفهاش حاجة الي يخليني. بنستورد. سجاير مارلبوروا من روسيا ومن الصين ومن هنا وهناك وبنستورد شوية هجايص من هنا ومن هناك ففيها ايه لو استوردنا ميه نفك بيها ازمتنا مؤقتاً لحد اعادة بناء مصنع نسلة .. بس حقيقي حقيقي يا ابو صلاح فعلاً اقتصاد مصررر هششش. والبركة في مبارك ... مصنع يتقفل. يعمل دربكة في السووق !!!

ده احنا لو عندنا ناس بتفهم من رجال الاعمال. كانوا اتحركوا بسرعة وعملوا مصانع تانية من مياه الشرب
وعقبال ما نسلة تقوم على حيلها من تاني وتشم نفسها يكون هوا ضرب ضريبتوا وباع وكوش على حصة في السوق انا عارف ان في ناس كويشت وعملتهم في اليومين دول بس عملوا الفلوس غلط بمية الحنفيات والمجاري ... رغم ان مش هيكلفهم حفر بير غير من ٩٥ لغايت ٣٠٠ الف جنية وهيحفر كيلوا تحت الارض وهيلم الفلوس دي في ظرف اسبوع ... وتحياتي