عرض للطباعة
عربيتي نزلت النهاردة الصبح لقتها واخدة حكة جامدة بطول الجنب كله واخدة البابين و حتة من ورا من الجنب غير حتةنغزة كده في الباب الامامي
الحمد لله قدر الله ما شاء فعل
ياتر اعمل ايه اوديها للتوكيل يعملوها ويرشوها و طبعا العربية اللي دافع فيها دم قلبي لما اجي ابيعها هيقولولي رشة من برة يا بيه ويخسفوا بيها الارض
اعمل ايه سؤال لاخواتي بفضفض معاكو والله و حسبي الله ونعم الوكيل
الحمد لله على كل شيى ممكن صور علشان نقدرنحدد التلفيات
عليك وعلى الحرفين بس نصيحه تاخد واحد بيفهم فى الدوكو والسمكرة عشان يعرف يلاغى الصناعية والعمال وهتكون النتيجة زيها زى التوكيل ويمكن احسن وعلى الاكل هتخلص بسرعة
بصراحة انا معرفش حدا هناك معين بس اتعاملت مع ناس تانية فى شغل كهرباء وعموما سمعة الحرفيين معروفة اوى
صح كلام الحرفيين ده علشان غبور ده توكيل عامل زيه زى اى ورشه بره
بس يا جماعة هي مش جامدة هي تجريحة بطول العربية بس شكلها معكنن عليا
تتفكرو لما ارشها من برة البابين والحتة اللي ورا هيقل تمنها لو حبيت ابيعها ودا طبعا بعد ال 5 سنين القسط معلش يا جماعة بس انتوا عرفين بقا كل اما بشوف التجريحة و افتكر القسط بيتحرق دمي
ممكن ببولش و كومباوند و تلمع مكانها هاتروح على طول
لو مش جامده يبقي بلاش التوكيل يا استاذ حمدي
هياخد وقت كبيييييييييير جدا
ممكن تحاول تعملها بره بس لو حسيت ان الصنايعي هيعك سيبها لغايه اما تفضي ووديها التوكيل
هجربها النهارده و جزاك الله خيرا علي الاهتماماقتباس:
المشاركة الأصلية كتبت بواسطة AHMEDCAR
جزاك الله خيرا يا نايل ستورم علي الاهتمام و عمتا انا هجرب كلام الاستاذ احمد جزاه الله خيراقتباس:
المشاركة الأصلية كتبت بواسطة Nile_Storm
بس تفتكرو انها لو ترشت اجزاء منها برة لو حبيت ابيعها يقلل من تمنها جامد
ماتفكرش فى الرش خالص انا عارف احساس حضرتك دلوقتى حاسس ان العربيه مبهدله و كل ماتيجى نحيتها تلاقى عينك على الخبطه بس زى ماتكون العربيه دى عباره عن خبطه انا كنت زيك كده و بقيت اشيل الكلام ده من دماغى والحمد لله انا عندى كام جرح فى الاكصدام و البابيت الشماول غير خبطه فى الرفرفيين اللى قدام خفاف اوى يعتبروا غمزات و منهم واحد واحد صحبى و هو بيركن جانبى هو اللى خبطها تفتكر اخد منه فلوس
قدر الله وماشاء فعل
ومش تتضايق ولا حاجة ده نصيبك
وبالنسبة للتوكيل انت لو وديتها هتاخد وقت طويل اووي انت شوف حد محترم يظبطها ليك
ومتقلقش متعرفش ايه هيحصل بعد خمس سنين (اصل انا زيك جايبها قسط علي خمس سنين)
واللهي انا متشكر ليك جدا انت بتصيرني ربنا يكرمكاقتباس:
المشاركة الأصلية كتبت بواسطة AHMEDCAR
انت عندك حق يافندم واللهي بس يمكن لسة مضايق عشان في الاول بس وربنا يكرمكاقتباس:
المشاركة الأصلية كتبت بواسطة sasatony
وشكرا واللهي ليكو انا حاسس اني بفضفض مع اخواتي
يا باشا انت تؤمر
حضرتك شوف حد يردها على البارد و في ناس ممكن ترجعها قريبة من الطبيعي
وما تزعلش نفسك مافيش عربية ما بتتحكش في البلد دي و الحمد لله ان كل همك هو الخوف من نزول سعرها بعد خمس سنوات ..كان ممكن المشكلة تكون اكبر و يكون همك تصلحها ازاي دلوقتي ... احمد ربنا من قلبك و أكيد خير
اما موضوع ان الحكة دي تنزل من تمنها فا ماتقلقش ...قوللي ليه
الفيرنا سيارة مش مرتفعة الثمن يعنى الواحد في المية من سعرها يعمل حوالي 700 جنيه تمام !!
بعد خمس سنوات العربية بتخسر تقريبا 20 - 25 % من تمنها و يبقى التمن وقتها اصبح 75% من تمنها الأصلي يعني الواحد في المية هايكون بتاع 500 جنيه تقريبا
العربية وقت البيع لو راشة بره باب وللا جنب نظافة و للا حكة (ودي بتبان في الحالة) يعني مش مخبوطة جامد و لا الباب متسمكر و متبهدل بتنزل تقريبا 5% من تمنها يعني كاااااااااااااام ؟؟؟
5*500 = 2500 جنيه
يعني حضرتك مزعل نفسك و حارق دمك على الفين تلات تلاف جنيه بعد خمس سنوات
ازي الحــــــــــــــــــــــ ـال ؟؟؟!!!
اقتباس:
المشاركة الأصلية كتبت بواسطة Ahmed Samy
بصراحة ربنا يكرمك وما يخبط عربيتك ولا يحكها ابدا ولا يمتبها علي حد كلامك بجد نزل بلسم علي قلبي
واللهي انا دلوقتي ارتحت جدا من كلامك ربنا يكرمك
وبصراحة كلكم اخواتي والحمد لله ربنا يبارك في عربيات الناس كلها قولووووووو امين :D
امين امين امين امين امين خمسه امين
أنا رأيي لو التجريح مش جامد خليها زي ما هي علشان ممكن (لا قدر الله ) تتجرح تاني ، فيكون التصليح ورش البابين بالمرة
لكن لو شكلها وحش جداااااااااااا ومعيوبة يبقى صلحها وعموما سعر المستعمل مش بينزل جامد حتى لو راشة طالما حالة العربية النهائية كويسة
وأنا شايف إن مش ضروري بيع العربية حتى بعد 5 سنين أو أكتر طالما انها سليمة ومفيهاش مشاكل ، علشان البيع هيبقى فيه خسارة على الفاضي
يا ريت تصورها علشان نقولك الصح
لكن في كل الاحوال ما ترشش جنب علشان حطه
التوكيل حيعمل كده لو روحت.
اولا لازم تصورها علشان نفيدك صح
ثانيا انت ممكن ترش الجزء دة بس بطول العربية وماترشش الجنب كلة لو صنايعى نضيف هيعملها عن تجربة بس يكون صنايعى شاطر ومش هيخليها تبان بيرش على قد المكان بس وبعدين بيسحق الجنب كلة و يلمع العربية كلها وهتلاقى العربية رجعت زى ماكانت من غير ماترش جنب كامل ولا حاجة
بس اهم حاجة تجيب كود لون عربيتك علشان يكون نفس درجة اللون
ربنا يعوض عليك يا أ / حمدي و يصبرك ،،
و ده الطبيعي جدا ،،
و عايز اطمنك بعد خمس سنين لو عشنا ان شاء الله ،،
ميعيبشي العربية انها تكون رشه أجزاء بره ،،
و ممكن تصور الخبطة
انا عارف انك متضايق جدا ،، عشان شكل العربية منرفذك ،،
اولآ حاول تعمل زي رأي الأخوة و تردها علي البارد و تلمع بس ،،
انتا هتتعب شوية عشان تلاقي سمكري يرضي يعملك كده عشان كلهم بيستسهلوا الحموات و المعجون و اديله رش
بس دهان الفابريكة رغم انه مصري بس ميتعوضشي ،، ليه ،، عشان بيكون علي الصاج مباشرة يعني لما تيجي ترده بعد كده الدهان مبينطرشي ،، غير الرش بعد المعجنة اي خبطة بعد كده لازم يترش لان المعجون هينطر و غير انه مهما عملت هيكون اللون مفارق علي الأقل انتا هتاخد بالك ان فيه فرق خاصة في الألوان الميتالك الفاتحة
فرأي ان لو الخبطة غاطسة في الصاج جامد تحاول تردها علي البارد بس ،، و تلمع ،، لو مش غاطسة تلمعها بس ،، و هيبان بعد كده كانها خرابيش بسيطة