ملاك تيدا هاتشباك بفتحة سقف ارجو الدخول للأهمية

**centon** · 23-04-2013 05:36 PM

السلام عليكم ورحمة الله وبركاته

جماعه انا حبيت اعمل موضوع ده بعد مالقيت ان فيه كذا واحد اشتكى من موضوع ده وحبيت اانا نجمع كلنا هنا ونشوف حل مع شركة نيسان

لملاك تيدا هاتشباك بفتحة سقف

هل اشتريت عربية جديدة و عند صيانة 1000 او 5000 لقت زنة او تزييق غريبة فى التابلوه على المطبات ؟
عندك زنة فى شنطة ؟
عندك مشكلة فى فتحة سقف تزييق على المطبات والحفر ؟
بتعانى من اصوات غريبة فى فيبر جوه عربيتك وانت ماشى ؟

طيب
و بعدين

أنا لاحظت ان فيه ناس هنا مش عدد قليل بيشتكى من مشاكل ديه خصوصا التابلوه وفتحة السقف
وفيه ناس زى بردو غيرو بطاحات ولسه المشكلة موجودة
الظاهر كدا ان مشكلة يا عيب صناعه يا عيب تقفيل
و برده مش من المنطقى ان واحد يشترى عربية ب 131 الف و يلاقى فيها مشكلة زى دى اكيد واحد هضايق خصوصا
ان مشكلة مش فى عربية واحدة مشكلة انها ف كذا عربية علما ان موديل عربيتى 2012
كل هدفى من الموضوع ااننا نجمع اكبر قدر من اللى بيعانى من المشكلة ونصعدها لنيسان لسببين مش اكتر
اولا علشان طبعا يحلو المشكلة دى لينا ولما نببقى عدد كبير ياخدو بعين الاعتبار وياخد اهميه
ثانيا علشان لو طلعت مشكلة دى عيب صناعه او تقفيل يتلاشوها فى الموديلات الجاية علشان اسم نيسان

ومع احترامى الكامل لشركة نيسان فانا شايف ان تقفيل التيدا المكسيكى
ينقصه بعض من عوامل الجودة وياريت اسمع راى الشباب هنا ونتفعال فى موضوع ده
وتقبلو تحياتى

**Dr_MaTrix** · 23-04-2013 05:57 PM

بص انا ما ركبتش التيدا الا فى المعرض ........بس التقفيل كان باين انه ممتاز الصراحة بس مش هعرف احكم زى واحد معاه العربية.........بالتوفيق باذن الله فى حل المشكلة

**mabdelghany** · 23-04-2013 06:02 PM

المشاركة الأصلية كتبت بواسطة centon

السلام عليكم ورحمة الله وبركاته

جماعه انا حبيت اعمل موضوع ده بعد مالقيت ان فيه كذا واحد اشتكى من موضوع ده وحبيت اانا نجمع كلنا هنا ونشوف حل مع شركة نيسان

لملاك تيدا هاتشباك بفتحة سقف

هل اشتريت عربية جديدة و عند صيانة 1000 او 5000 لقت زنة او تزييق غريبة فى التابلوه على المطبات ؟
عندك زنة فى شنطة ؟
عندك مشكلة فى فتحة سقف تزييق على المطبات والحفر ؟
بتعانى من اصوات غريبة فى فيبر جوه عربيتك وانت ماشى ؟

طيب
و بعدين

أنا لاحظت ان فيه ناس هنا مش عدد قليل بيشتكى من مشاكل ديه خصوصا التابلوه وفتحة السقف
وفيه ناس زى بردو غيرو بطاحات ولسه المشكلة موجودة
الظاهر كدا ان مشكلة يا عيب صناعه يا عيب تقفيل
و برده مش من المنطقى ان واحد يشترى عربية ب 131 الف و يلاقى فيها مشكلة زى دى اكيد واحد هضايق خصوصا
ان مشكلة مش فى عربية واحدة مشكلة انها ف كذا عربية علما ان موديل عربيتى 2012
كل هدفى من الموضوع ااننا نجمع اكبر قدر من اللى بيعانى من المشكلة ونصعدها لنيسان لسببين مش اكتر
اولا علشان طبعا يحلو المشكلة دى لينا ولما نببقى عدد كبير ياخدو بعين الاعتبار وياخد اهميه
ثانيا علشان لو طلعت مشكلة دى عيب صناعه او تقفيل يتلاشوها فى الموديلات الجاية علشان اسم نيسان

ومع احترامى الكامل لشركة نيسان فانا شايف ان تقفيل التيدا المكسيكى
ينقصه بعض من عوامل الجودة وياريت اسمع راى الشباب هنا ونتفعال فى موضوع ده
وتقبلو تحياتى

معاك في كل كلمة وأؤيدك بشده
انا معايا 2011 وكل اللي قلته عندي

**jojojojo** · 23-04-2013 07:21 PM

للاسف ده عيب التيدا الكامله وع فكره المشكله ديه في كل عربيات التيدا اللي في مصر او بره مصر انا كنت في الخليج ولقيت كل التيدا الكامله فيها نفس المشكله اصوات التزييق ديه ولو حضرتك شوفت حد معاه تيدا مش الكمله هتلاقيها زي الفل ومفهاش اي حاجه وده العجيب في الموضوع

**sherifzein78** · 23-04-2013 07:46 PM

هو انا معايا 2013 وفيه صوت تزيق بسيط فى التبلوه بس بسيط اوى لما تقفل الكاست والزجاج بس غير كده مفيش مشكله
وانا شايف ان السبب دا نتجيه ان تابلوه التيدا مقسم كذا قطعه مش قطعه واحده علشان يبقى فى سهوله فى الصيانه بس عموما انا معاكو فى موضوع الشكوى

**Dr'AhmZZong** · 23-04-2013 08:28 PM

للاسف حتى التيدا الياباني كان فيها نفس التزييق ..

و هي مشكلة متفاوتة بين مالكين و مالكين من حيث قوة التزييق !

بس ديه مشكلة بسيطة و إن شاء الله ليها حل ..

**Sehsss** · 23-04-2013 09:05 PM

المشكلة في إن التابلوه مقسم 3 أجزاء، هو ده اللي بيعمل الصوت

**د.محمدعبدالعال** · 24-04-2013 12:27 AM

المشاركة الأصلية كتبت بواسطة youssef_u

بدأت اسمع صوت زنه خفيف هموت واحدد هو فين و شاكك من الحجات اللي في درج التابلوه

أنا كمان لاحظت النهاردة بس ان فيه صوت زنة في التابلوه .. زي ما يكون السماعات شغالة .. احتمال يكون عشان كان فيه سي دي في الكاسيت .. رغم اني ماكنتش مشغله بس ما جاش في بالي وانا في العربية .. هجرب بكرة اشيل السي دي واشوف لسه الزنة موجودة ولا لأ