الموضوع: الار بى وقطة رخمة اوووووى

المشاركة الأصلية كتبت بواسطة john55

انا كنت بركن عربيتي في الجراج وكانت القطط بتطلع علي الكبوت وتخربشه فرحت لواحد بتاع مبيدات زراعيه وجبت منه مبيد رحته نفاذه جدا ومنفره وجبت جردل ميه وحطيت عليه المبيد ورشيت بيه ارض الجراج وانت عارفيين حاسه الشم القويه للقطط فاول ماجات تتدخل الجراج شمت الريحه مقدرتش تتدخل من الريحه دا حل انا عملته لفتره لكن مع الوقت الريحه بتخف وانا عملتها مرتين والنتيجه كويسه فلو حضرتك عندك جراج خاص ممكن تجربها

ممتازة الفكرة دي,
أنك تشوف نقطة ضعف عدوك وتلعب عليها وهيا حاسة الشم..
بس المشكلة دلوقتي بالنسبة للناس اللي بتركن في الشارع مش هتنفع معاها.

المشاركة الأصلية كتبت بواسطة S.S.E

هل تسميم القطط فيها حرمانيه لو نتج عنها ضرر أو أيذاء الغير ..... من ناحيه الأضرار بتعمل رائحه كريهه سواء على السلم أو فى الجراج والقطط عندى تستلم العربيه وقت ما العربيه تتغسل وألاقى كمية خرابيش سواء ع الكبوت او الزجاج والعربيه لسه جديده أما من ناحيه الضرر من أيذائها نطت على طفله عندها 3 سنين ع السلم ولا باسكت الزباله ...... بحثت عن النت لقيت أفتاء بجواز تسميم القطط أذا نتج عنها ضرر... بس عايز أتأكد من الموضوع ده

لا حول ولا قوة إلا بالله علي كلامك يا أخي يحزن القلب.!!
بالعقل كدا والفطرة القطة كائن يحي, زيها زيك.. بتاكل وبتشرب وبتحس وبتعيش..
والقطط عمتاً كائنات لطيفة من خلق الرحمن, زيها زي أي حيوان تاني كا الدولفن أو اي حيوانات أخري..
فانا مستغرب من كلامك لما ألاقيك بتقول ان

المشاركة الأصلية كتبت بواسطة S.S.E

"ناحيه الأضرار بتعمل رائحه كريهه سواء على السلم أو فى الجراج والقطط عندى تستلم العربيه وقت ما العربيه تتغسل وألاقى كمية خرابيش سواء ع الكبوت او الزجاج والعربيه لسه جديده أما من ناحيه الضرر من أيذائها نطت على طفله عندها 3 سنين ع السلم ولا باسكت الزباله"

أنا راضي ربنا وزمتك,, دي أضرار دي ؟؟! الريحة وتوقع باسكت الزبالة ..!!!
والخربشة اللي ممكن تتخربشها من ركنة الشارع والزحمة والعيال الاشقياء بتوع المدارس انهارده نقتلهم دول كمان ؟ ولا باسكت الزبالة اللي ممكن توقعه غصب عنك وانت ماشي, !

عشان أختصر الكلام, وعشان انا حزين جدااً من كلامك.

اللي ضايقني أكتر أنك قلت انك بحثت عال نت ولاقيت فتوي بتجوز تسميم القطط!!
سبحان الله يا أخي,, كانك بتحاول تبرر لنفسك الحاجة الشنيعة اللي انت عايز تعملها..


ومش هطلب منك المصدر لأني مش عايز تبرير ولا عايز أقراة لأنو مش صح.!
لأنك لو كنت بحثت من الأساس في مواقع زي أسلام أون لاين, او السنة.. كنت هتلاقي أن كله بيحرم قتل الهرة أو القطة.

وخليني أقول لو كنت بحثت فعلاً ولاقيت حاجة بتبرر الكلام دا فا دا تفكير متطرف.. زي الأرهابي بالظبط لما يبرر لنفسة أنو بيقتل الناس عشان هدف سامي.!!
وطبعاً كلها بتبقي مصالح شخصية عشان فلوس أو جاه أو زي حالتك عشان تخلص من ريحة القطة وأنها توقع باسكت الزبالة والخرابيش اللي بتعملها لعربيتك الثمينة.! بغض النظر عن أنها كائن حي ربنا هوا اللي خلقها وهوا اللي بيتوفاها..

أحب أفكرك يا أخي بحديث صحيح عن رسولنا الكريم عليه الصلاة والسلام,,
حديث كلنا أخدناه في المدرسة واحنا في الأبتدائي وهوا عن رحمة وسماحة دينا اللي هوا الأسلام..


قال رسول الله : «عذبت امرأة في هرة أوثقتها فلم تطعمها ولم تسقها ولم تدعها تأكل من خشاش الأرض».

قال رسول الله :«عذبت امرأة في هرة سجنتها حتى ماتت فدخلت فيها النار لا هي أطعمتها وسقتها إذ حبستها ولا هي تركتها تأكل من خشاش الأرض ».

الحديث صحيح,, (باب تحريم قتل الهرة).
http://library.islamweb.net/newlibra..._no=53&ID=1062
����� - ���� ���� - ���� ������ - ��� ����� ��� �����- ����� ���4

وله أكثر من رواية أنا جبت لك أتنين منهم وكلهم بنفس المعني,,
الصحيفة الصادقة | الدرة على حديث: «عذبت امرأة في هرة!» (العدد الخامس)


أما الحديث التاني اللي أخدناه برضه وأحنا في الأبتدائي
عن كلب كان في الصحراء ميت من العطش وراجل كان عطشان برضه لما لاقي بير وشرب منه ولاقي الكلب ميت من العطش وبيلهث ربنا غفر له ذنبه

قال رسول الله : «بينما رجل يمشي بطريق اشتد عليه العطش فوجد بئرا فنزل فيها فشرب ثم خرج فإذا كلب يلهث يأكل الثرى من العطش فقال الرجل لقد بلغ هذا الكلب من العطش مثل الذي كان بلغ مني فنزل البئر فملأ خفه ماء ثم أمسكه بفيه حتى رقي فسقى الكلب فشكر الله له فغفر له ».

ففي الحديث الحث على الإحسان إلى الحيوان المحترم ، وهو ما لا يؤمر بقتله .

المصدر:
http://library.islamweb.net/newlibra..._no=53&ID=1063
http://www.mktaba.org/vb/showthread.php?t=15889

http://www.youtube.com/watch?v=C6tg9vTtztg



أستغفر الله العظيم,,
والحمدلله علي نعمة الأسلام.