الموضوع: استفسار بخصوص نيسان جوك 2013

أنا عملت جوجل عال عربية عشان كنت عايز أشوف هتنزلنا بالموتور ال Direct Injection ولا لأ من فترة بس بنسيت.
ولاقيت اللي كنت متوقعة,,
أنها نازلة بموتور 1600 عادي زي اللي بينزل ف كل عربياتنا 118 حصان.
زي ما موقع كونتاكت كارز بيقول, ونيسان ميدل إيست..
التاني اللي مفروض ينزل فيها وبينزل ف كل حتة فيها ال 1600 تربو دايركت أنجكشن 188 حصان.
أستغفر الله العظيم يارب عال بلد اللي مش عايزة تنضف دي.

لو عايز تعرف الفرق بين الموتورين,,
الدايركت انجكشن بيحق البنزين ف غرفة الاشتعال نفسها علي طول. بيوفر وقت وعملي أكتر وبيخرج نسبة عادم أقل مقارنة بمحركات البنزين العادية بتاعتنا..





أما المحركات العادية بتحقن البنزين ورا الصمام بتاع غرفة الاشتعال دا,

بعدين الصمام بيفتح بينزل البنزين ف غرفة الاشتعال ويقفل تاني,


ودا بيبقي شكل عميلة الحرق..

طبعاً المحركات العادي بتاعتنا مش عملية زي الDirect Injection واللي خلاص منزلش في الجوك وبتبقي أرخص ف التكلفة, بس بتطلع نسبة عادم أعلي..


اما بالنسبة للعربية فاهي واخدة 5 نجوم ف الأمان, كحال معظم العربيات الجديدة..

بس كان اتعملها مرة recall لبعض موديلات 2012 حوالي 11 ألف عربية عشان كان في مشكلة في الكراسي الخلفية بتتفكك و بتسيب مكانها ومش بتبقي ممسوكة كويس فجسم العربية لو حصل حادث فممكن تسبب أصابات كتير للي قاعدين ورا.
الكلام دا للموديلات اللي أنتجت من 3 فبراير 2012 لحد 26 مايو 2012 علي حسب كلام الشركة.

Problem Summary: NISSAN IS RECALLING CERTAIN MODEL YEAR 2012 JUKE VEHICLES MANUFACTURED FROM FEBRUARY 3, 2012, THROUGH MAY 26, 2012. DUE TO AN INCOMPLETE WELD PENETRATION, THE REAR SEAT BACK STRIKER MAY PARTIALLY SEPARATE IN A CRASH.
Consequence: IN THE EVENT OF A CRASH, THE REAR SEAT BACK MAY NOT BE SECURED, INCREASING THE RISK OF INJURY TO THE REAR SEAT OCCUPANTS.

Nissan Juke recalled to fix seatback issue | Fox News

2012 Nissan Juke Recalls

2012 Nissan Juke Recalled for Faulty Seat Welds | AutoGuide.com News

باقي الموديلات مفهاش مشاكل إن شاء الله,
زل ما قالو بعض الأعضاء انها ممكن عشان تكون جديدة مش هتلاقي قطع غيارها برة في الاول بسهولة, بس هتلاقيها ف الكويل زي حال القشقاي كدا.
والعربية حلوة وجميلة
وأنت برضة أقري المواضيع المتعلقة بيها زي دا
http://www.nilemotors.net/Nile/325007-a.html
قبل ما تشتري وأستخير وربنا يوفقك ف الأختيار.