الموضوع: ( من وجهت نظرك ) هل من حقك تتكلم في السياسة !

من حق اي مواطن انه يهتم بالسياسة طبعا .. و على فكرة السياسة مش حكر على طائفة باعتبارهم صنايعية السياسة ! .. و لو كان الموضوع كده ما كانش يبقى بين طلبة الجامعات اسر و اتحاد طلبة و انتخابات و مظاهرات برضه ! .. ما كانش عمال بولندا شيبوا النظام الشيوعي و اسقطوه .. ما كانش ماسح الاحذية سيلفا البرازيلي بقى رئيس جمهورية ! .. السياسة بتاثر علينا كلنا .. قانون و لا قرار واحد ممكن يشقلب البلد رأسا على عقب .. طبعا انا متفق معاك على استنكار حالة الاستقطاب السياسية الموجودة بين الشعب و الحدة في التعبير عن الرأي .. المفروض يبقى في استيعاب اكثر للمختلف و ان تكون ممارسة السياسة عن طريق قنواته المتعارف عليها .. بس في النهاية المواطن معذور برضة .. ما شافش قدوة سياسية تستوعب الآخر و تعتبره وطني حتى في حال الاختلاف .. كل اللي شايفه هو تكسير عظام متبادل بين اقطاب السياسة !

المشاركة الأصلية كتبت بواسطة shaddadfalcon1

انا بقول لو سكت من لايعلم لسقط الخلاف

معظم مشاكلنا وخلافتنا اننا مش عارفين اي حاجه في اي حاجه ولا عارفين ايه اللي بيجري وكل واحد بيتلاقيه متعصب لرايه وعايز يثبت انه صح حتي لو كان متاكد انه غلط

كلام حضرتك هو الخلاصة ... وهو الاختصار للموضوع كلة ... واعتقد ان ده فعلا قصد استاذ / محمد والسبب فى كتابة الموضوع *
للاسف ده طبع الشعب المصرى ... 90 مليون لاعب كرة ... 90 مليون حكم ... 90 مليون مدرب كورة ... سابقا ... لو تفتكرو طبعا
والان وبكل اسف 90 مليون سياسى .. 90 مليون رئيس جمهورية ..

فعلا لو سكت من لايعلم لسقط الخلاف ... بس ازاى هانسكت ما احنا لسانا بياكلنا ... ههههههههههههههههه ... صدقنى الموضوع صعب قوى وينقصنا الكثيييييير من الايمان ... ومن اسوء الامور اننا حافظين احاديث كتيييييير ومش بنبص لمعناها ابدا مش عارف لية .. الم نحفظ جميعا حديث الرسول .. صلى الله علية وسلم ..( من كان يؤمن بالله وباليوم الاخر فليقل خيرا او ليصمت ) صدق رسول الله *
اتمنا ان يراجع الناس افكارها لتكون ايجابية وفى مصلحة البلد ... وان يراجعوا احاديثهم لان الالسنة كفيلة بهلاك الناس ... وان يصمت كل من لايعلم ... ومصر محتاجة العمل فقط الان ... ولا نتدخل فى اعمال الاخرين ... كلا مصخر لما خلق له