الموضوع: انا هقول رايي و رزقي علي الله

ردود غريبة والله....
انا مش بهاجم...انا بضع تجربتي للمساعدة لكل انسان في مرحل الاختيار....يا ريت نفهم الكلام قبل ما نرد و نقيم...!!!!!

المشاركة الأصلية كتبت بواسطة ahmedetch

....انا حاسس انكوا بتعاملوا العربيةا الصيني دي مانها عيل من عيالكوا...

شوف يا اخي الحقيقه ان اي واحد اختار سياره من اي نوع صيني وللا ماليزي وللا تركي ولا امريكي كله واحد بيعاملها كانها من اولاده قدام الناس بس
يعني ببساطه بينه وبين نفسه عارف العيوب تمام وعارف المميزات
لكن ودة طبع في المصريين وكل العرب
اللى انا عملته هو الصح و اللى انا اقول عليه هو اللى يمشي
يعني فكرك انا لو معايا اشتري مرسيدس في مصر حاقول لا الياباني ومش عارف ايه لا حاشتريها طبعا
لكن المفروض ان لما اناقش اي انسان اخر اناقش بموضوعيه وحياد و ده شئ نفتقدة جميعا
وحتلاقي كتير قوي واحد بيهاجمك على حاجه هونفسه عملها في يوم من الايام بس عشان ياخد بنط عليك او عشان انت ضايقته في حاجه تانيه خالص
الكلام ده عام و خاص يعني انا باشوفوه بيحصل هنا في المنتدى برضه
لان ببساطه احنا مش متربيين على احترام الاخر
كلنا لازم نطلع الاول و كلنا انجح من اي حد تاني و هكذا
نفسي لما حد يقول رايه نسيبه يقوله و نناقشه فيه مش نهاجم وبس

المشاركة الأصلية كتبت بواسطة فادى

اذا كانت اليابان فى طور صناعة سيارات تفتقد للتميز و لكن فى مقابل السعر المغرى,
و كوريا فى طور صناعة سيارة هدفها أن تسير فقط,
فان الصين فى طور أخر تماما و هو صناعة سيارة مغشوشة!!
الحاجة اللى مجننانى, ازاى الصين عندها كل الماركات دى؟! ده ألمانيا الى صناعة السيارات فيها ركيزة أساسية من ركائز الاقتصاد معندهاش كمية الماركات و السيارات دى؟! منين كل ده؟ و كل ماركة عندها ما لذ و طاب من الموديلات من أول السيارة المدمجة لحد السيارة الفارهة و الرياضية و المتعددة الاستخدامات؟!! ده غير انو الموديلات الصينى بتتغير كل سنة!
لما شركة فيات صممت البرافو فى 5 شهور قالو ده انجاز بفضل الاستعانة بنظم معلوماتية معقدة, فمن أين يأتى الصينيين بكل هذا؟!! و الله مش بعيد يكونو بيسرقوا مواتير العربيات القديمة و يسقطوها على بودى معمول تحت السلم و خلصت العملية.
و على فكرة مفيش حاجة اسمها عربية صينى بموتور يابانى و لا كورى حتى, مفيش شركة فى العالم بتدى مواتيرها لأى حد كده لوجه الله, الموضوع ده كان بيحصل زمان مع سيارات فيات و رينو لما كانوا بيصدروا التكنولوجيا بتاعتهم لبعض شركات العالم الثالث لتوضع فى سيارة يسيطرون عليها تماما زى الشاهين مثلا التى لم تخرج أبدا عن رعاية فيات(ناهيك عن أن فيات تمتلك 20% من أسهم شركة توفاش التركية), كما يحدث أيضا مع رينو و شركة داتشيا حيث تمتلك رينو شركة داتشيا بالكامل, أما أن تعطى شركة ما محركاتها لشركة صينية لتضعها فى سيارتها الخاصة و المستقلة و لا تعرف عنها الشركة الأصلية شيئا فهذا المستحيل بعينه, و أتحدى الشركات الصينية أن تخرج لنا بعقود الشراكة الوهمية التى تعقدها مع الشركات الأخرى!
بروتون و ميتسوبيشى كان بينهم تعاون واضح و فى الشمس, فيات و توفاش كان بينهم علاقة عضوية, رينو و داتشيا بينهم علاقة شبه توحدية, طيب حد يقولى ايه العلاقة بين بى واى دى و تويوتا و لا بين جيلى و ميتسوبيشى و لا بين بريانس و بى ام دبليو؟!!

ردك على الموضوع اقنعنى جدا
بس على كدة المواتير اللى فى العربيات دى اصلها اية

الصيني زي الفل