متاريس الحديد فى الشارع !!!! المشكلة و الحل -مناقشة واستطلاع
بسم الله الرحمن الرحيم وبه نستعين ولا حول ولا قوة إلا بالله العلى العظيم , الحمد لله رب العالمين والعاقبة للمتقين ولا عدوان إلا على الظالمين وأشهد أن لا إله إلاالله وحده لا شريك له رب العالمين وإله المرسلين وقيوم السموات والأرضين وأشهد أن محمدا عبده ورسوله المبعوث بالكتاب المبين الفارق بين الهدى والضلال والغي والرشاد والشك واليقين
إخوتي وأخواتي الكرام
السلام عليكم ورحمة الله وبركاته
زى ما العنوان بيقول متاريس الحديد اللى غزت كل شارع فيكى يا مصر
ودى صورتين من شارعنا
http://nileup.com/up/uploads/nilemotors_13665752741.png
http://nileup.com/up/uploads/nilemotors_13665752742.png
طب المشكلة فين دلوقتى ؟؟
- من وجهة نظر الشخص اللى دق المتاريس
1- ان ده بيته وان ده حق شرعى ليه انه يركن عربيته قصاد بيته وتبقى تحت عينه وخصوصا اليومين دول علشان سرقة العربيات
2- لو عنده محل وان ده يعتبر محل أكل عيش وزبون داخل وزبون خارج وما ينفعش واجهة المحل تتسد وخصوصا لو صاحب المحل عنده عربية فابيقول انه اولى بالمكان ده من الغريب !
3 -اللى بيرجع من شغله فى وقت متأخر ويعقد يلف مرتين تلاته لحد ما يلاقى ركنة وغالبنا بتبقى صف تانى أو بعيد عن بيته بمسافة و ان الوضع زى ما قولنا مش أمان
وخصوصا لو متزوج و عنده أطفال وبتبقى العربية مليانة سواء مشتريات وخلافه من حاجة البيت ومش هاينفع يمشى بيها ده كله على رجله :fun_broken:.
وغيره وغيره وغيره كتييير من مبررات معقولة وغير معقولة وكل واحد مقتنع انه صح
طب من وجه نظر الأشخاص العادية سواء من ساكنى نفس الشارع أو من الجيران أو ضيوف وخلافه 1- اشمعنى جارى يدق متاريس و أنا لأ :3mla:
2- المفروض ان الشارع ده ملك للجميع وغير مسموح ان شخص يحتكر مكان خاص بيه سواء العربية موجودة أو لأ
3 -فيه اللى بيطنش وبيرضى بالأمر الواقع وفيه اللى بيعترض وبيقول طب هيا فين الحكومة :Copy of majd(2): ونايمة وساكتة ليه على حاجة زى كدا
* بصراحة الأمر حيرة شديدة وبيختلف من شخص لتانى وبيختلف من منطقة لمنطقة
طب وبعدين...........
لازم الأول نعرف سبب المشكلة :8941[1]:
هاتكلم عن منتطقتى "شبرا" علشان هيا اللى اقدر احكم عليها و اقدر اقدم حلول:F_eyeb1[1]:
1- فى خلال 6 سنين فاتت المربع السكنى بتاعنا حصل فيه جنون سكنى و فيه حوالى 10 او 11 عمارة او بمعنى أصح ابراج 10 و 11 دور على 3 شقق يعنى بحسبة بسيطة عندك مايقرب من 300 ساكن جديد بالمنطقة :whtauwant:
طب الأزمة فين !!!!!!!!!!!
الأزمة ان نص العمارات دى كانت كلها ملك ل3 أشخاص على علاقة وطيدة برئيس حى شبرا السابق و اخدوا تصريح البنا
بالادوار الكتييرة دى أول مشكلة
وتانى مشكلة أنها بدون جراجات سواء
اسفل العمارة أو أمامها:36_1_8[1]:
وده سبب طبعا ضغط كبيييير على الشوارع بسبب عدد العربيات الزيادة غير طبعا الضغط على المرافق الأساسية "كهرباء -مياه -صرف -غاز "
2- طبعا كلكوا تتذكروا حادثة تفجير كنيسة القديسين فى الاسكندرية و الاحتياطات اللى حصلت بعد الحادثة و اللى بتتلخص فى كشك حراسة امنية عند كل كنيسة ومتاريس حديد محاوطة بكامل الكنيسة وده اللى بتوضحه الصورة التانية
طب برده فين المشكلة !!!!!!!!!!!!!!!!
المشكلة اننا فى منطقة زى شبرا فى المربع السكنى اللى بتكلم عليه"شيكولانى - المحمودى" فيه 5 كنائس :openflower3:
على عينا وعلى راسنا من فوق طبعا بدون نقاش
بس ال5 كنائس فى نفس المربع ونفس احتياطات الامن اتنفذت على ال5 وتخيلوا معايا كمية المتاريس الحديد اللى بقت فى المنطقة لدرجة ان شارع كنيسة الجيوشى مقفول من ابوابه ال2 يعنى حوالى 40 عربية بره الشارع !!!!!!!!!!!!
طب الحل ايه ؟؟!!!
من وجهة نظرى أنا فيه حلين
طبعا اللى حصل حصل والابراج اتبنت ومش هاينفع عليها تعديل
لكن فكرت فى حل اعتقد من السهل تنفيذه من جهة الحكومة وبيتلخص فى حاجتين
1- الاولى انه يتم بناء جراج متعدد الادواروليكن 3 او 4 ادوار و مكانه موجود وهو عبارة عن فيلا قديمة بمساحة ارض كبيرة بتطل على ميدان شيكولانى بتستخدم حاليا دار للمكفوفين بيعيش فيها حوالى 25 كفيف
وتشترى الحكومة الفيلا دى ويتم التعويض عنها مثلا بشراء 3 ادوار من الابراج الجديدة وتبقى مخصصة لدار المكفوفين علشان ما يبقاش ظلمنا حد
وفى نفس الوقت حلينا جزء من الازمة
2- الثانية ازالة كل متاريس الحديد من أمام المنازل و الكنائس و المساجد ان وجد بشبرا واعتقد ان مهما حصل فالمصلحة العليا تفرض على الجميع التنازل
اعتقد لو حاجة من دول اتنفذت يبقى حلينا 50% من الازمة :)
قولولنا بقى رأيكوا ايه وشايفها مشكلة ولا لأ ولو عندك حل شاركنا بيه لعلنا نستفيد:3mla:
أخوكم الصغير/ أحمد
