الموضوع: الي الخباراء ارجو تسعير عربيتي الدايو

المشاركة الأصلية كتبت بواسطة mohamed elool

حبيبي يا حودة والله ( الدراسة و كام حاجة كدة كانت مخلياني مش فاضي )

و بعدين انا مش عايزك تبيع العربية عشان ماتسبناش الصراحة :d: d

انت عامل زييي في موضوع التغير دة ... ربنا يكرمك في واحدة احسن من دول كمان

باقولك ايه لو محتاج عربية معينة قولي و انا اجبهالك ( انا ليا سكة في الموضوع دة )

والله نفسي اركب الدبانة بس زي مانتا عارف الدبانه ماتتركبش اقل من 2000 سي سي
او كيا سيراتو وان بس مستني ان كنت ابيع بي السعر الي عايزة او استني شوية
وبفكر في السيفك اس اي بس تكون شاذة اخر حاجة برة وجوة ودي مستعد وقتي بس يكون سعرها معقول

المشاركة الأصلية كتبت بواسطة shaddadfalcon1

انا معايا لانوس 99 وفيها شوية بارومه وكنت بفكر ابيعها واعلي في الموديل شويه عشان مفيش حاجه تاني اقدر عليها دلوقتي بس بالأسعار دي شكلي هشدها واريح دماعي ومش بعيد اسقطلها مكنه 1600 واعيش حياتي والموضوع كله في الأخر مش هيكلفني 7000 وارجعها عروسه

والله ياباشا انا عندي فكرة تانية لو انتا هتصرف 7000الف جنية تمام وقول هتجيب سرفيس لي المكنة الجديدة واجرة ميكانيكي ممكن تدخل في 3 كمان مستريح يعني نقول هتصرف 10 تمام علشان تشد
حضرتك ممكن تنزل بيها وتشوف ايه هو اكبر سعر جبته وزود عليهم العشرة قبل ماتبيع وفكر شوف المبلغ ممكن يجيب ايه قبل ما تشد لي انك مهما شديت هيقولك انتا بتشد لي نفسك محدش بيراعي النقطة دي وهو بيشتري وكمان هيا البرومة الي فيها فين
عارف حتي لو هتجيب مودل 90 مثلآ بي المبلغ الي هتبعها بي وتكمل عليه 10 هوندا ولا بي ام ولا كريستالة ولا مكوة فا افضل من اني اشد في دايو دي نصيحة من لوجه الله
لي انك لو سقط ماتور في الدايو 1600 هيفتح معاك في تغير فرامل تغير جنوط وحجات كتيرة ويوم ماتيجي تبعها الناس هتقولك معيوبة مش اي عربية الواحد يشتريها متسقط فيها مكنة معادة عربيات التسقيط فيها بيعلي من ثمانها ومش من ضمنها الدايو
عندك علي سبيل المثال
1- الهوندا لما بيكون متسقط له مكنة اس اي ار بتغلي من ثمانها الاصلي
2- البي ام وبي الاخص من اول الشارك لغاية الدبانة
3 - الجولف لو اشتريت جولف بي ماتورها الاستوك ال1300 هتشتريها رخيصة لكن لو نازل عليها مكنة 1800 او 2000 هاتشتريها اغلي
اما العربيات الي الناس بتخدها علي ابوها
1- الميتسوبيشي لانسر مش الكرستالة ولا المكوة
2- الدايو
3- الرينو

المشاركة الأصلية كتبت بواسطة mohamed elool

تتباع بس و ملكش دعوة

يعني امامك حتي هوندا من الاخر ولا ايه؟؟؟؟؟؟؟؟؟؟

المشاركة الأصلية كتبت بواسطة shur3000

:

: حرام عليك 39الف ازاى
عربيتى انا جايبها من سنة ونصف موديل 2005 رشة جنب وشنطة عاملى 130 الف ب46 الف و150ج وخلى بالك من 150ج دية

الصديق
لما نيجي نسعر عربيه فيه قواعد بتحكمنا

1- موديل العربيه والاوبشن اللي فيها
2-الماركه وسمعتهافي السوق
3-عداد الكيلوات
4- الحاله العامه للسياره
5- مقارنه سعر المعروض من الماركات والموديلات التانيه
6- حركه البيع والشراء في السوق

ليه بقي انا قلت 39 الف ..
1- العربيه ممكن تكوت تساوي 40 او 41 في الرانج ده يبقي لما يكون فيه
بيع وشراء يبقي نص علي نص عليك نوصل لل 41 الف
2- انا حسيت من كلام صاحبها انها غاليه عليه وحاببها وفعلا لو باعها مش هايقدر
يجيب زيها لانه ايده فيها (مغير مساعدين _ وراجل نضيف راشش التجاريح اللي في الجنب )
فلما يلاقي انه العربيه قيمتها اكتر توبها يتمسك بيها اكتر ده كان قصدي مش اكتر
وربنا يسترها معاه في الطريق ويفتحها عليه ويوسع في رزقه ويجيب الزيرو كاش ان شاء الله
ويزف بيها بنته ان شاء الله امين يارب