الموضوع: استفسار عن صيانة ال10000 في الموديل الجديد

بص يا عادل صيانة العشرة مافياهش شئ الا تغيير زيت بس وريجلاش فرامل خلفية وبس
التكلفة 380 جنيه تقريبا بالمصنعيات و الضريبة
بس انا مش هاروح اغير زيت الا بعد ما العربية تكمل 10000 كيلو بالضبط مش كل 5 زي ما التوكيل بيقول

بيني وبينك يا vit mitcho ان كمان مش عايز اغير الزيت انا غيرته عند ال5800كم وطبعا مكملش 4000كلم علي بعضه بس برضه خليك في السليم متغيرش عند ال10000 غير عند ال8000كم تحسبا لظروف الاجواء المصرية

اصلا يا عادل الكتالوج مكتوب فيه كل 12500 كيلو
انا بس النقطة اني عاوز اغير الزيت الي شل الترا لانه مش بيتحرق زي موبيل ومش بيتبخر
انت ايه رايك؟
على فكرة هما في التوكيل معنهمش مانع

طيب لو غيرت ل شل يبقى هتغيره بره التوكيل,
السؤال بقه هو الفلتر هتجيبه منين؟؟
ولا هو متوفر عادي في السوق؟؟

المشاركة الأصلية كتبت بواسطة mosso

طيب لو غيرت ل شل يبقى هتغيره بره التوكيل,
السؤال بقه هو الفلتر هتجيبه منين؟؟
ولا هو متوفر عادي في السوق؟؟

لا انت هتاخدلهم الزيت وهم بيحطوهولك عادي جدا
الصراحة هم كويسين جدا في الموضوع ده
وفيه ناس فعلا بتعمل كده زي خالد اللي معانا هنا في المنتدى

يعني هو الشل فارق فعلا احسن من الموبيل ولا مفيش فرق الاتنين زي بعض؟
و هو سعره كام و يتغير كل قد ايه؟؟

علي فكرة التوكيل فيه شل وتقريبا بنفس السعر علشان اخر مرة روحت لقيت واحد بيقول للمهندس حطللي شل واستغربت ايه الحكمة في شل ياريت اللي يعرف انهي احسن يقوللنا

ملوش لازمه موضوع الزيت اللي من بره. مشكله موبيل بره ان فيه منه مضروب.. بس اللي في التوكيل مضمون فمفيش مشكله. بالنسبه لموضوع اته بيتبخر, فده بيحصل في المواتير القديمه بس.. لكن الحمد لله العربيات لسه جديده فالمشكله دي مش موجوده.
بالنسبه لمواعيد تغيير الزيت فانصح انك متزودش عن 8000 كم. احنا عندنا ظروف التشغيل قاسيه (مشاوير قصيره, توقف متكرر, أتربه, و فترات انتظار طويله و المتور داير)
أنا معرفش ان فيه شل في التوكيل... بس لو عندهم مفيش مشكله من استخدامه لأنه بردو هيكون مضمون.