السلام عليكم
بقالى حوالى يومين بحلم وانا اساسا مش بحلم اطلاقا وكل الاحلام خاصه بالعربيه وبحلم انها ( لا قدر الله ) حد بيسرقها دا ايه يا شباب حد يعرف
عرض للطباعة
السلام عليكم
بقالى حوالى يومين بحلم وانا اساسا مش بحلم اطلاقا وكل الاحلام خاصه بالعربيه وبحلم انها ( لا قدر الله ) حد بيسرقها دا ايه يا شباب حد يعرف
إن شاء الله تفضل معاك ومايحصلش كده أبدا
اللي أعرفه فقط إن لما تحلم بشئ تكرهه، ما تحكيش لحد عليه ويفضل تنام على الجنب التاني بقية الليل والأحسن تقوم تتوضى وتصلي ركعتين لله
ربنا يسترها علينا جميعا
العقل الباطن شغال من كتر الى بنسمعه
على فكرة انا من ساعة ما جبت عربيتي
وانا على طول باحلم انها اتسرقت عملت بيها حادثة ركنتها ورحت مكان ورجعت ادور عليها مش بافتكر ركنتها فين
عطلت مني وانا ماشية
وباصحى بسرعة من النوم عشان اعرف انا في حلم ولا حقيقة
غالبا انت جبت عربيتك بعد عناء وتعبان فيها وفي فلوسها اوي
ههههه اصل انا كدة
بصراحة ناس كتيرة فالفترة دي
بقت بتحلم بكده
الف شكر ليكم وربنا يسترها معانا جميعا ان شاء الله ِ
على فكرة اللى بيحص معاك دة طبيعى
يعنى لو واحد عمل مشروع جديد تلاقية بيحلم بية احلام خوف من الخسارة
ولو واحد اشترى عربية جديدة نفس الكلام
ولو واحد او واحدة بيخاف على اولادة قوى نفس الكلام
متقلقش
خد بالاسباب فى حماية ممتلكاتك ومكتسباتك فى الحياة
وطالما مبتظلمش حد او بتاكل مال حرام
نام قرير العين
لحد دلوقتى مسروقة منى فى الحلم 3 مرات
معلش ... أنا عارف إن الموضوع قديم شوية
بس أنا بقى حصل معايا موقف غريب شويتييييين تلاتة
بقالى حوالى سنة ونص بادور على عربية (أول عربية أملكها فى حياتى) ومن حوالى شهرين قبل ما أجيب زوبة اللهلوبة حلمت إنى نزلت أركب العربية وكان معايا والدى واكتشفت إن العربية اتفتحت بالليل واتاخد منها الفلاشة اللى بتركب فى الإم بى ثرى وكنت متنرفز جدا وأخدت والدى وسوقت وكنت عمال أشكيله إن الفلاشة اتسرقت وصحيت من الحلم وباحكى للمدام عليه طبعا استهترت بكلامى وأنا كمان استهرت بالحلم وقعدت تتريق عليا....المهم بعد الحلم دا بحوالى 3 أسابيع ربنا وفقنى فى زوبة وبنفس اللون اللى كان فى الحلم وتخيلوا فى أول أسبوع بعد ما جيبت العربية أنزل أنا ووالدى الصبح عشان كنا رايحين مشوار وأفتح العربية ألاقى الفلاشة مسرووووووووووقة
واللى غايظنى أكتر إن اللى سرق سرق الفلااااااشة مش الإم بى ثرى طبعا الحمد لله إنها جات فى فلاشة مش فى بطارية ولا كاسيت ولا العربية كلها
شغل قران في العربية بادوام وانشاء اللة خيراقتباس:
المشاركة الأصلية كتبت بواسطة menaraafat85