عايز اعرف انواع الكويلات الموجوده فى السووق واسعارها
عرض للطباعة
عايز اعرف انواع الكويلات الموجوده فى السووق واسعارها
لو عندك كويل أو أكتر بايظين .... متلحلحش ( حلوة متلحلحش دى ) العربية من مكانها
عشان متبوظش المحول الحفاز لأن عندك الاحتراق غير كامل يعنى فيه نواتج غير محترقة هتعدى على المحول الحفاز ودى مع السخونة بتتحرق عند المحول الحفاز والمحول يتدمر وأداء موتورك يقل وحساس الشكمان قراءاته هتبقى خاطئة والاحتراق هيبقى سيئ حتى بعد ما تغير الكويلات والموتور عمره هيقصر واستهلاك البنزين هيزيد
عشان كدا بقولك متتحركش بالعربية أو تدورها
بالنسبة للكويلات المنتشر فى السوق فاليو رأسه لونها أخضر أصلى صناعة فرنسية
الواحد بيعمل من 175 ل 190 وفيه ناس بتبيع بأزيد من كدا
شفت كويلات تانية فى القاهرة بس مش مكتوب عليها حاجة خالص وراسه لونها بنى دا أبعد عنه وش
فيه كويلات بوش برضه بس معرفش سعرها
لو البوجيهات عندك قديمة غيرها ببوجيهات 1 شمعة بوش أو أى ماركة محترمة تعجبك عشان متبوظش الكويلات الجديدة
متحاولش تفك الكويل وتشغل الموتور عشان تشوفه بايظ أو سليم لأنه لو سليم هيبوظ أو على الأقل هتقل كفاءته
الكويل مينفعش يشتغل غير فوق البوجيه
وكل كويلين مع بعض يعنى لو فصلت واحد كأنك فصلت 2
بالتالى مش هتقدر تعرف الكويل اللى بايظ
إلا عن طريق أداة الكشف الخاصة ودى معتقدش إن حتى متوفرة عند الميكانيكين العاديين
والحل التانى انك يبقى معاك كويل جديد تركبه وتجرب
الاسعار دى متأكد منها يا استاذ محمد ؟؟
شوف حد عندو Sagem او Beru دول الاصلى وكان فية بردوا عربيات بتنزل بكويلات Denso وعلى العموم كلة شغال وحتى الصينى ممتاز انا مجربة لمد سنة لحد دلوقتى وممتاز ونصيحة شيل معاك على طول فى الشنطة عدد 2 كويل احتياطى ولازم تعلم نفسك ازاى تغيرهم لحسن ممكن سبيعوك فى اى وقت فى حتة مقطوعة فامن نفسك
أيوة متأكد من الأسعار دى .... على فكرة الفاليو والسيجم واحد يا جماعة
يعنى الكويل الفاليو أبو راس خضراء دا الجلدة الكاوتش بتاعته مكتوب عليها سيجم برضه
وعشان تحافظ على عمرهم ... استعمل بوجيهات أصلية 1 شمعة
البوجيه الستوك واحد شمعة أنا متأكد ممكن يكون بيحطوا حاجة upgrade