كورسا 2004 ولا بورا 2000

**dr_tamer14** · 24-04-2013 10:32 PM

ارجو الافاده من خبراء الاوربى فى المقارنه بين العربيتين دول

االكورسا حجمها كويس و قطع غيارها سعرها معقول

و البورا اسد فى الطريق

انهى اعتماديه اكتر و تستحمل الطرق المكسره اكنر وقطع غيارها معقوله؟؟

ارجو الافاده يا رجالتنا

**sammor_28** · 25-04-2013 05:39 PM

المشاركة الأصلية كتبت بواسطة dr_tamer14

و البورا اسد فى الطريق

انت قولت بنفسك
انا مركبتش البورا بس كل اللي ركبها بيشكر فيها عربيه اكتر من ممتازه
وكذلك ماركبتش الكورسا
انا لو مكانك هفكر في البورا على طول قوه وثبات وتحمل وكفاءه وخصوصا اني اعتقد ان اسعار قطع الغيار متقاربه

**mahmoudfawzypr** · 01-05-2013 09:30 PM

انا معايا بورا ..والحمد لله مغلباني شوية بس لما بتكون عاقلة ومتتجننش بتبقا عربية تحفة

ثبات : ممتااااااااااز
انطلاقة : ضعيفة شوية لان العربية تقيلة من 0 ل 80 البورا حاجة ومن 80 لفوق حاجة تانية خالص تسارع حلو جدا (الخميس اللي فات كنت على المحور من المهندسين لاكتوبر وكنت باجري ورا مرسيدس e230 وكنت زي مبيقولوا في ديله وواخدين المحور على 170 )
عفشة :ناعمة وحلوة جدا
تنفع للطرق المكسرة :لا لا لا لا ...العربية واطية على الارض ولو دخلت فحتة مكسره اوي حتحك من تحت ولو كلت مطب جامد لازم تنزل وتبص على كرتيرة الموتور والفتيس
قطع الغيار معقولة جدا خصوصا ان حاجتها موجودة استيراد ...عيبها الوحيد انك مينفعش اي ميكانيكي يمد ايده فيها والا حتنتهي ان تبيعها خردة
تكييفها : انا مش عارف احكم عليه لان والدي معاه كرولا 2004 مواصفات خليجي وتكيفها بسم الله ماشاء الله خرافي اما البورا تكيفها مش زي الكرولا وده عيب الالماني عموما انهم مش بيهتموا بالتكييف

هل لما تشغل التكييف العربية بتموت ؟؟؟.....لا بس طبعا بتخس انها تقلت شوية عن هيا ومش مشغلة التكييف
الراحة في السواقة : حتدور على حجج علشان تفضل قاعد وسايق العربية
الشنطة بتاعت العربية : واسعة جدا جدا وممكن تخش وتنام جواه ويكون لسه فيها مكان
عيبها وده اللي بيتعبني :الكنبة اللي ورا ضيقة ولما بكون خارج مع اصحابي بتعمل مشاكل

اما الكورسا فمعرفش عنها حاجة وبالتوفيق انشاء الله